يااخوان مالفرق بين ps3الامريكيه والاروبيه ومنو احسن فيهم؟؟؟؟؟؟؟؟؟؟؟؟؟؟؟؟

[خليجي قلبه كويت]

السلام عليكم ورحمة الله وبركاته

يااخوان حبيت اعرف ماالفرق بينهم

من ناحية الاستعمال والتحمل

وكم اسعارهم ؟؟

 

[WEST LIFE]

وعليكم السلام ورحمة الله وبركاته

سلمك الله الفرق الي بينهم ان الامريكيه لما تلعب on line أقوى من الأوروبيه لان البروسيسر الأمريكي أقوى من الأوروبي يعني أسرع ومايهنق

طبعا أثنيناتهم يشغلون كل أنواع الألعاب وتمام التمام

وبالنسبه للسعر الأمريكيه أغلى من الأوربيه فرق 5 دنانير بينهم

يعني بالعربي اذا تلعب on line إخذ أمريكيه واذا ماتلعب on line إخذ أوربيه أرخص ونفس الجوده

موفق إن شاءالله

 

[WEST LIFE]

سوري ماقتلك سعرهم

سعرهم اليوم الأمريكيه 116

والأوروبيه 111

واليابانيه أرخص

طبعا هذي أسعار الslim

 

[خليجي قلبه كويت]

سوري ماقتلك سعرهم

سعرهم اليوم الأمريكيه 116

والأوروبيه 111

واليابانيه أرخص

طبعا هذي أسعار الslim

بيض الله وجهك وماقصرت وعساك عالقوه

استفدت والزوار هم استفادوا من معلوماتك

وبارك الله فيك

 

[bo-mshary]

اخذ امريكي وانت مغمض اخوي..اسأل مجرب ولا تسأل طبيب...تقبل تحياتي ^_ ^

 

[بومعالي]

مع احترامي للجميع ... مافي أي فرق بين الأمريكي ولا الياباني ولا الأوروبي .... كلهم ممتازين ويشتغلون أون لاين من غير مشاكل .... لكن الأمريكي كهربته تختلف عن كهربتنا ولازم تركب محول وبعد فترة يطق وتبدله ... أما الأوروبي فهي النسخة المخصصة للشرق الأوسط وكهربتها 240 فولت ... وعلى فكرة كلهم صناعة صينية يعني لا تتوقع في إختلاف بين البروسيسر أو أي قطعة داخلية الإختلاف بالريجن فقط ... وكلهم يشغلون أي لعبة بغض النظر عن الريجن .

الفرق هو في الكفالة فقط ... الأوروبية تكون كفالتها مصنعية لأنها مخصصة للرشق الأوسط وتكون كفالتها سنة من الوكيل أوا الأمريكية واليابانية كفالة محل وبالكثير ثلاث شهور

 

[ابو حبيب]

بو معالي كلامك 100%100 الي يقولك المريكية احسن ترا كلام فاضي الاروبية مخصص الكويت والخليج

 

[أبوسعد الخالدي]

والله انصحكــ بالاوروبيه تقعد سنــ ـــه عندك تكسرها ماتقول اح

عيالي حاذفينها من الدور الثالث ليه الدور الاول صح تكسرت بس تشتغـل


عند أخواني امريكيه شهر وتخرب

ماانصحك بالامريكيه

 

[q8oiler]

لا تنسى الامريكيه تشغل بس افلام البلو راي ريجن 1 والاوروبيه تشغل ريجن 2

 

[bo_sultan]

السلام عليكم وحبيت ازيدكم من الشعر بيت

بخصوص سرعة السيرفر يعتمد علي الانترنت عندك اذا قوي مراح يهنق

و بخصوص التصنيع كلهم صيني

و بخصوص الكفالة الاوربي احسن و كفالتة لمدة سنة و عند الغانم تقدر تزيدها وتكون مكفولة سنتين أو 3 سنين شرط تبديل يعني ماتصلح
و أذا حاش الجهاز يلوو لايت(Yallowe light ) الليت الاصفر يعني راح عليك المذر بورد و اذا جهازك امريكي روح اشتر غيرة و اذا مكفول بدل و ارتاح


و الاسعار مااعرف عنها شي و سامحوني علي الاطاله و انشالله تكون معلومة تفيد الجميع بارك الله فيكم

 

[المغامر_1986]

الامريكي احسن

والفرق يمكن 10 دنانير

 

[ابوفيصل2008]

مرحبا اخواني منو الاحسن الصغيره او الكبيره وشنو الفرق بينهم

 

[mhz233]

مع احترامي للجميع ... مافي أي فرق بين الأمريكي ولا الياباني ولا الأوروبي .... كلهم ممتازين ويشتغلون أون لاين من غير مشاكل .... لكن الأمريكي كهربته تختلف عن كهربتنا ولازم تركب محول وبعد فترة يطق وتبدله ... أما الأوروبي فهي النسخة المخصصة للشرق الأوسط وكهربتها 240 فولت ... وعلى فكرة كلهم صناعة صينية يعني لا تتوقع في إختلاف بين البروسيسر أو أي قطعة داخلية الإختلاف بالريجن فقط ... وكلهم يشغلون أي لعبة بغض النظر عن الريجن .

الفرق هو في الكفالة فقط ... الأوروبية تكون كفالتها مصنعية لأنها مخصصة للرشق الأوسط وتكون كفالتها سنة من الوكيل أوا الأمريكية واليابانية كفالة محل وبالكثير ثلاث شهور

والله ياخوي انت فاهم ماشالله عليك وكلامك 100% انا عندي امريكية اربعين جيجا ضرب البورد مالها وتوني شاري اوروبيه 120 جيجا الامريكي اشاعه مطلعينها التجار علشان يمشون سوقها وترى ماعليها كفاله لأن الوكيل طيح سوق المحلات

 

[خليجي قلبه كويت]

بارك الله فيكم وماقصرتوا بس شلون اعرف انها اوروبيه وامريكيه

هل موجود اسم الدوله عليها

واشكر

بومشاري

بو معالي

بوحبيب

بو سعد الخالدي

كويتي


بوسلطان

المغامر


بو فيصل


233


مشكوريين وماقصرتوا يااخوان وعساكم ع القوه