طلب خاص و عــــــــاجل جـــــداً جـــــداً

شجرة العود

عضو نشط
التسجيل
10 سبتمبر 2008
المشاركات
1,816
الإقامة
ديرتي
ودي أسافر الصين أجهز بيتي (أرضيات مثل رخام أو سيراميك _ ادوات صحية - ادوات كهربائية - إضاءات داخلية وخارجية وللحديقة - أثاث ...)
اللي له تجربة ياريت يساعدني بأسماء المحلات الثقة وشركات الشحن المضمونة واهم شيْ شغل عدل
وإذا في بلد ثاني غير الصين أفضل ياريت ما تبخلون علي بالنصيحة
وأكون شاكرة لكم وبتكسبون دعواتي لكم
 

العاشق

عضو مميز
التسجيل
18 يناير 2009
المشاركات
14,324
الإقامة
هنا

الله يوفقج وعساه منزل مبارك ان شاء الله

وانا مالي تجربه شخصيه

بس الربع يروحون دبي حق السوق الصيني في جبل على يقولون احسن من العنوه

,​
 

قلم حر

عضو مميز
التسجيل
29 مايو 2004
المشاركات
26,415
الإقامة
الكويت بلد الاصدقاء
انا شريت بعض البرسلان الصيني من محلات معروفه
بالكويت وكان كلامهم نخب اول والله غالي مو رخيص
ولما شفتهم بالبيت لقيت وحده اطول من الثانيه ووحده عوجه
لو عندي واسطه جان خذيت لهم بطاقة اعاقه
خلج بالكويت واخذي الاسباني احسن وجوده​
 

الذيبة

عضو مميز
التسجيل
3 أغسطس 2009
المشاركات
10,008
الإقامة
في قلــوب الطيبيــن
انا شريت بعض البرسلان الصيني من محلات معروفه
بالكويت وكان كلامهم نخب اول والله غالي مو رخيص
ولما شفتهم بالبيت لقيت وحده اطول من الثانيه ووحده عوجه
لو عندي واسطه جان خذيت لهم بطاقة اعاقه
خلج بالكويت واخذي الاسباني احسن وجوده​


اللي يسأل ما يضييع

فما باالج انتي سألتي وجااوبج

مهندسنا الـحـــــــــــرررر :)
 

محب المصطفى

عضو نشط
التسجيل
6 فبراير 2010
المشاركات
326
الإقامة
q8
ألسلام عليكم



أنا شخصيا رحت جوانجزهو، في مكتب كثيره تساعدك .



أعتقد الأخ عبدالله (التاجر اللي يكتب مذكراته في ألمنتدى ) هو أيضا عندة معلومات أتصور



متى السفر ؟

 

NICK

عضو نشط
التسجيل
23 سبتمبر 2007
المشاركات
2,071
الإقامة
kuwait
الله يوفقج ....
 

kuwaitey

عضو نشط
التسجيل
23 ديسمبر 2006
المشاركات
1,507
مساج الله بالخير

انا رحت لصين وجهزت بيتى كله من هناك والله وبالله برخص التراب

ماعليج من اللى يقول انها غاليه انا ماقصد (اخوى قلم حر) انا اقصد عموم الناس اللى ماتدرى او ماعندها استعداد تسافر

وفى الصين صناعه نخب اول لا يعلا عليها انا كسرو مجاديفى قبل لا اسافر ويوم رحت تهوووولت من الاسعار

بس للاسف ماعرف اسماء المحلات لانه معاى شخص اهناك اهو يدل المحلات

واى استفسار بخصوص الاسعار انا حاضر

الله يوفقج ويسهل اموركم ان شاء الله
 

مفتاح

عضو نشط
التسجيل
4 مايو 2005
المشاركات
663
الإقامة
الكويت
أهلين بشجرة العود
انا بقولج عن اللي سمعتة من شخص سافر الصين ويقول
1- قبل لاتسافر حاول تكون خبرة بسيطة عن البورسلان الصيني شلون تعرف الدرجة الأولى من غيرها .. وأعتقد قال تصفهم فوق ارض متسواية وتميش عليهم وتشوف ارضيتهم متساوية او لا + اللون مثل بعض او مختلف المقاس مثل بعض أو لا
2- اذا ناوية تسوين ابواب الخشب من الصين لازم تاخذين المقاسات كاملة واللي ياخذ المقاسات عندكم يكون شاطر مايوهقج
3- بخصوص الأجهزه الكهربائية .. يقول صاحبي تحصل ثلاث قطع نفس الشي من الخارج وسعرهم كل وحده اغلا من الثانية والفرق بينهم السعر ومن الداخل مثلا يكون هذا من فخار وهذا نحاس وهذا المنيوم
4- بحاول اشوف رقم يمني بالصين مترجم يمدحونه
5- ديري بالج من المترجمين بعضهم يكون متفق مع المحلات على نسبة
6- نصيحة أول أسبوع خلية للمطالعة ومعرفة الأسعار مع أخذ كتلوج المحل ورقمة
7- وأخيرا ... ترى البحث بقوقل يمدحونة الناس :p
 

abdullah6868

عضو نشط
التسجيل
3 مايو 2008
المشاركات
6,222
الإقامة
kuwait
هلا اختى الف مبروك المنزل ويجعله منزل خير وبركة
شكرا اخوى محب المصطفى على التزكية
1 - الصين حاليا عطلة بسبب الاحتفالات بعيد الصين العام الجديد لغاية نص شهر - 3 - مارس
2 -الصين من تاريخ 10 - 4 - 2010 الى 5 - 5 - 2010 -- اكبر معرض فى العالم -- ما فية فنادق وزحمة رهيبة لا تروحين بهذا الوقت -- يعنى افضل وقت بعد 15-3-2010 او بعد المعرض شهر 5
3 -انا اثثت اكثر من 50 بيت كلهم زباين فى مكتبى بالصين سابقا
4 - هذا موقع لجميع الفنادق الصينية -- http://www.ctrip.com
5 - انصح فى فندق بارك فيو
6 -كل اللى تبينه فى منطقة ( شوندا ) تبعد ساعتين بالتكسي عن جوانزو -- اثاث -- كهربائيات -- ابواب -- المونيوم -- سراميك --
7 - اخذى فلوسج بالدولار كاش -- البلد امان
8 - اخذى كل القياسات من قبل معلم المونيوم -- سراميك --ابواب
9 -اول اسبوع لفى على المصانع بدون شراء اى شى يعجبج اخذى الكتالوج والعنوان والسعر-- لان الاسعار متفاوته بين المصانع
10 - اشترطى تغليف الاثاث بالخشب + الكرتون
11 - اخذى قياسات الشبابيك -- وفصلى -- pvc -- مقوى -- ارخص من الالمونيوم واحسن
12 - يوجد سلسة مطاعم بجانب بعض مطعم المائدة والى على شارعه
13 - بيجين رود -- منطقة قوانزو -- للتسوق -- اسعار فوق الممتاز
دقى على الاخ -- احمد الكثيرى -- 008613794444462
14 - اذا شريت خط موبايل -- اشترى كرت انترنت للموبايل تكلمين الكويت عن طريقة الدقيقة 5 فلس
الجو بارد فى هذى الاوقات ملابس شتوية قليله والباقى من بيجين رود
اى استفسار انا حاضر
الرابط التالى يبين كل شي
عناوين في الصين مهمه.jpg
 

maz149

عضو نشط
التسجيل
6 ديسمبر 2009
المشاركات
1,027
الإقامة
الكــويـت
جزاك الله خير يا الأخ الكريم



مشكور ، أنا و الله استفدت من هى المعلومات



أعتقد العطله الصينية تنتهي في أخر فبراير
 

قلم حر

عضو مميز
التسجيل
29 مايو 2004
المشاركات
26,415
الإقامة
الكويت بلد الاصدقاء
مساج الله بالخير

انا رحت لصين وجهزت بيتى كله من هناك والله وبالله برخص التراب

ماعليج من اللى يقول انها غاليه انا ماقصد (اخوى قلم حر) انا اقصد عموم الناس اللى ماتدرى او ماعندها استعداد تسافر

وفى الصين صناعه نخب اول لا يعلا عليها انا كسرو مجاديفى قبل لا اسافر ويوم رحت تهوووولت من الاسعار

بس للاسف ماعرف اسماء المحلات لانه معاى شخص اهناك اهو يدل المحلات

واى استفسار بخصوص الاسعار انا حاضر

الله يوفقج ويسهل اموركم ان شاء الله

هلا بالطيب

انا اللي اقول عنه غالي شريته من الكويت مو من الصين

وماعندي اي فكره عن الاسعار بالصين

وما قلت عن اللي بالصين غالي وما قلت عنه رخيص

للتوضيح فقط

وللعلم اللي شريته من الكويت نوعين فقط
واحد المتر ب 10 دنانير
والثاني المتر ب 8 دنانير
وجميعهم بورسلان حوائط ديكور​
 

ياسر الروقي

عضو نشط
التسجيل
11 يونيو 2007
المشاركات
3,829
الإقامة
بلدة طيبة ورب غفور
مبرووك المنزل وعسى ربي يهنيكم فيه
انا عندي أقتراح يا شجرة العود :) نرسل وفد من الاستراحه 3 أعضاء ترشحينهم انتي وهم هناك يقومون بالواجب وبينك وبينهم أتصال بالنسبه للمقاسات والموديلات
والسبب لأنك بنت وحنا خايفين عليج :rolleyes: ومنها الاعضاء الثلاثه يستفيدون خبره وراح نسوي لهم حفل تكريم ان ردوو
وأن امباقوا بالصين ولا انتي بالسليم يا شجره هههههه شرايج​
 

شجرة العود

عضو نشط
التسجيل
10 سبتمبر 2008
المشاركات
1,816
الإقامة
ديرتي

الله يوفقج وعساه منزل مبارك ان شاء الله

وانا مالي تجربه شخصيه

بس الربع يروحون دبي حق السوق الصيني في جبل على يقولون احسن من العنوه

,​

الله يبارك بعمرك ومشكور عالرد بالنسبة للسوق الصيني في دبي رحت له بس التشكيلة فيه محدودة ودي بتشكيلة أوسع وتصاميم خاصة للحديقة
انا شريت بعض البرسلان الصيني من محلات معروفه
بالكويت وكان كلامهم نخب اول والله غالي مو رخيص
ولما شفتهم بالبيت لقيت وحده اطول من الثانيه ووحده عوجه
لو عندي واسطه جان خذيت لهم بطاقة اعاقه
خلج بالكويت واخذي الاسباني احسن وجوده​

مشكور قلم حر إذا على كلامك وحدة أطول من الثانية ووحدة عوجة المشكلة بالشغل مو بالمواد صح وإلا أنا فاهمة غلط
اللي يسأل ما يضييع

فما باالج انتي سألتي وجااوبج

مهندسنا الـحـــــــــــرررر :)
أكيد ما فيها شك
مشكورة يالذيبة

ألسلام عليكم



أنا شخصيا رحت جوانجزهو، في مكتب كثيره تساعدك .



أعتقد الأخ عبدالله (التاجر اللي يكتب مذكراته في ألمنتدى ) هو أيضا عندة معلومات أتصور



متى السفر ؟


مشكور اخوي محب المصطفى
السفر ان شاء الله بعد اسبوعين إذا الله كتب لنا سفرة بس ودي اجمع معلومات قبل ما أروح
الله يوفقج ....

مشكور NICK ويوفق الجميع ان شاء الله
مساج الله بالخير

انا رحت لصين وجهزت بيتى كله من هناك والله وبالله برخص التراب

ماعليج من اللى يقول انها غاليه انا ماقصد (اخوى قلم حر) انا اقصد عموم الناس اللى ماتدرى او ماعندها استعداد تسافر

وفى الصين صناعه نخب اول لا يعلا عليها انا كسرو مجاديفى قبل لا اسافر ويوم رحت تهوووولت من الاسعار

بس للاسف ماعرف اسماء المحلات لانه معاى شخص اهناك اهو يدل المحلات

واى استفسار بخصوص الاسعار انا حاضر

الله يوفقج ويسهل اموركم ان شاء الله
مشكور kuwaitey
ويسهل امور الجميع ان شاء الله
الشخص اللي تتكلم عنه عربي بالصين أو صيني وهل علاقتك فيه معرفة او شغله جذي
إذا ممكن آخذ رقمه عالخاص ونتواصل معاه إذا رحنا هناك
طبعا إذا مافيها إحراج لك او له


أهلين بشجرة العود
انا بقولج عن اللي سمعتة من شخص سافر الصين ويقول
1- قبل لاتسافر حاول تكون خبرة بسيطة عن البورسلان الصيني شلون تعرف الدرجة الأولى من غيرها .. وأعتقد قال تصفهم فوق ارض متسواية وتميش عليهم وتشوف ارضيتهم متساوية او لا + اللون مثل بعض او مختلف المقاس مثل بعض أو لا
2- اذا ناوية تسوين ابواب الخشب من الصين لازم تاخذين المقاسات كاملة واللي ياخذ المقاسات عندكم يكون شاطر مايوهقج
3- بخصوص الأجهزه الكهربائية .. يقول صاحبي تحصل ثلاث قطع نفس الشي من الخارج وسعرهم كل وحده اغلا من الثانية والفرق بينهم السعر ومن الداخل مثلا يكون هذا من فخار وهذا نحاس وهذا المنيوم
4- بحاول اشوف رقم يمني بالصين مترجم يمدحونه
5- ديري بالج من المترجمين بعضهم يكون متفق مع المحلات على نسبة
6- نصيحة أول أسبوع خلية للمطالعة ومعرفة الأسعار مع أخذ كتلوج المحل ورقمة
7- وأخيرا ... ترى البحث بقوقل يمدحونة الناس :p
هلا فيك مفتاح ومشكور
بالنسبة للأبواب والشبابيك لا مستحيل من الصين
بالنسبة لليمني بالصين ياريت ترسلي رقمه وأكون ممنونه لك بس يكون ثقة
وبخصوص قوقل بحثت والله كثير قبل ما أطلب الفزعة منكم بس ما لقيت رد للإستفسارات اللي في بالي

هلا اختى الف مبروك المنزل ويجعله منزل خير وبركة
شكرا اخوى محب المصطفى على التزكية
1 - الصين حاليا عطلة بسبب الاحتفالات بعيد الصين العام الجديد لغاية نص شهر - 3 - مارس
2 -الصين من تاريخ 10 - 4 - 2010 الى 5 - 5 - 2010 -- اكبر معرض فى العالم -- ما فية فنادق وزحمة رهيبة لا تروحين بهذا الوقت -- يعنى افضل وقت بعد 15-3-2010 او بعد المعرض شهر 5
3 -انا اثثت اكثر من 50 بيت كلهم زباين فى مكتبى بالصين سابقا
4 - هذا موقع لجميع الفنادق الصينية -- http://www.ctrip.com
5 - انصح فى فندق بارك فيو
6 -كل اللى تبينه فى منطقة ( شوندا ) تبعد ساعتين بالتكسي عن جوانزو -- اثاث -- كهربائيات -- ابواب -- المونيوم -- سراميك --
7 - اخذى فلوسج بالدولار كاش -- البلد امان
8 - اخذى كل القياسات من قبل معلم المونيوم -- سراميك --ابواب
9 -اول اسبوع لفى على المصانع بدون شراء اى شى يعجبج اخذى الكتالوج والعنوان والسعر-- لان الاسعار متفاوته بين المصانع
10 - اشترطى تغليف الاثاث بالخشب + الكرتون
11 - اخذى قياسات الشبابيك -- وفصلى -- pvc -- مقوى -- ارخص من الالمونيوم واحسن
12 - يوجد سلسة مطاعم بجانب بعض مطعم المائدة والى على شارعه
13 - بيجين رود -- منطقة قوانزو -- للتسوق -- اسعار فوق الممتاز
دقى على الاخ -- احمد الكثيرى -- 008613794444462
14 - اذا شريت خط موبايل -- اشترى كرت انترنت للموبايل تكلمين الكويت عن طريقة الدقيقة 5 فلس
الجو بارد فى هذى الاوقات ملابس شتوية قليله والباقى من بيجين رود
اى استفسار انا حاضر
الرابط التالى يبين كل شي
مشاهدة المرفق 154015
مشكور abdullah6868 عيل بأجل السفر بعد 15-3 أكثر من جذي ما أقدر بيوقف البيت بس شرح وااافي ما قصرت
جزاك الله خير يا الأخ الكريم



مشكور ، أنا و الله استفدت من هى المعلومات



أعتقد العطله الصينية تنتهي في أخر فبراير
مشكور maz149

مبرووك المنزل وعسى ربي يهنيكم فيه
انا عندي أقتراح يا شجرة العود :) نرسل وفد من الاستراحه 3 أعضاء ترشحينهم انتي وهم هناك يقومون بالواجب وبينك وبينهم أتصال بالنسبه للمقاسات والموديلات
والسبب لأنك بنت وحنا خايفين عليج :rolleyes: ومنها الاعضاء الثلاثه يستفيدون خبره وراح نسوي لهم حفل تكريم ان ردوو
وأن امباقوا بالصين ولا انتي بالسليم يا شجره هههههه شرايج​
:):p:)
اقتراح آآآآمن ومريح يا الروقي بس المشكلة أخاف يتعبون وآخرتها ذوقهم ما يعجبني
 

NoOoOoR

عضو نشط
التسجيل
18 أغسطس 2008
المشاركات
10,667
الإقامة
الكــويـــت....:))
مبروووووووك على البيت ,,, :)

والله يوفقج..
 

abo Rana

عضو مميز
التسجيل
23 مايو 2008
المشاركات
5,084
الإقامة
kuwait
مااعندي حبره

والله يوفقج ان شاء الله

منزل مبارك إن شاء الله
 
التسجيل
23 أكتوبر 2009
المشاركات
128
الإقامة
لندن
أثاث الصين راقي وبأسعار مغرية واحد من الربع اثاث بيته من الصين و بـ 20 ألف بس
 

kuwaitey

عضو نشط
التسجيل
23 ديسمبر 2006
المشاركات
1,507
اختى والله الرجال اللى رحت له فى الصين مانصح احد يروح له لسبب واحد

انه اخر بضاعتى ثلاث اشهر وبهذلنى وطلعت روحى لما وصلت البضاعه

اخوى ابو على الهاجرى كففى ووفى فى الشرح بس خل اذكر لج بعض الشغلات اللى ااشتريتهم

حق بينى من هناك

الابواب الخشب ( برواز قص ليزر داخلى الباب من غير شرشوب ( 18 دينار )

اشتريت شبابيك البيت كامله نوع pvc ( القزاز دبل وبينهم برواز بلاستك طلعو كاملين على بــ (450 )

باب الصاله والديوانية ودرابزين الدرج حديد مطروق ارتفاع باب الصاله 3,40 سم وعرضه 2م الاجمالى كله بـــ ( 420دينار )

جرانيت فول بدى نسبة تشرب الماء 2% العرض 60/60 المتر 920

باب السطح وباب المطبخ الخارجى pvc دبل الباب طلع على كامل مع اليده والفصاله والمكينه ( 25 ) دينار

الجاكوزى برخص التراب اهو والشور بكس بتنصدمين بسعارهم وشغل مرتب ويفرق عن الكويت مو اقل من 200 دينار

طبعا كل شى نخب اول والسوق اهناك مليان من درجه اولى الى الماركات الاصليه عندهم

تضاهى اقوى الماركات العالميه وتشوفين عليها كقاله داخل الصين لجودتها

واسمحى لى هذا اللى اذكره الحين انا مجهز بيتى قبل 3 اسنين

اللى اذكره عدل ان التشطيب كلفنى كامل مع الشحن بحدود 6ونص كويتى بيت دورين
 

محب المصطفى

عضو نشط
التسجيل
6 فبراير 2010
المشاركات
326
الإقامة
q8
fyi


المشاركة الأصلية كتبت بواسطة abdullah6868


الصور مو طالعه
بس خبرتي بالصين من سنة 1998 كان عندي مكتب
هذي عدة نصائح
1 - فيه عصابة من الجنسيه الايرانيه رجل في الاربعينات من عمرة ومعاه ولد 7 سنوات تقريبا وامراة -- طبعا كذا شخص مع امراة وولد
طريقة السرقه
( يستوقفون التجار عرب او افارقه ويظهرون رزمة دولارات ويقولون للتاجر نحن صرفنا هذى الدولارات من الصينين تعتقد بان اموالنا مزورة وهل لديك دولارات مثل هذي -- مجرد اظهار دولاراتك للعصابة ولمسها من قبل الحرامي يقوم التاجر بارجاع ماله في جيبه -- مجرد ما تصل للفندق وتشيك على دولاراتك تلقاها استبدلت بالمزورة اللى عند الرجل الايراني -- بعد القاء القبض على عدة اشحاص من قبل الشرطة الصينيه اتضح بان المراة تنفخ ( بودر ابيض ) على وجه التاجر شبيه بالسحر بحيث انك لا تنتبه لهذى الحركه والرجل يستبدل دولاراتك بخفه غريبه
حيث انه في اغلب مطارات الصين تلقى صورة امراة محجبه وزوجها وطفل ومكتوب فوق الصورة بالانجليزي الطريقه اعلاة و ( احذر )
2- لا تصرف النقود الا عند صراف معتمد صيني
3 - لا تصرف عند الصرافين المتجولين
4- لا تضع نقودك بالشنطه في الفندق
5 - لا تجعل نقودك في جيبك بشكل واضح
6 - لا تذهب للاماكن المشبوهه ومعك نقود
الطريقه السليمه
1 - افتح حساب في بنك اوف تشينا
وخل اي قريب لك يحول المبالغ في حسابك الجديد
خلال 3 ايام عمل راح يوصل المبلغ في حسابك
اتمنى التوفيق والسلامه للجميع
 
أعلى