استشارة بخصوص كفالة بنكية

ابو مرمر

عضو نشط
التسجيل
5 نوفمبر 2005
المشاركات
115
السلام عليكم ورحمة الله وبركاته وجزاكم الله خير على المجهود الطيب لمساعدتكم اعضاء المنتدى


الموضوع : الصراحه معقد شوي لكن ابي اعرضه لكم بالصورة اللي انا سمعتها فيه

واحد من الربع راتبه ينزل بالبنك الاهلي وبدل الايجار ينزل ببيت التمويل :)


قام وكفل شخص ( اعتقد شركة ) بقرض من بيت التمويل قيمته 30 الف دينار :eek:

حلو الكلام


الشخص هذا صارت عليه مشاكل مالية وماقدر يسدد الاقساط الشهرية المتراكمه عليه :eek:


متابعين وياي ؟؟


اللي صار انه بيت التمويل رفع قضيه على الكفيل (( صاحبي )) ونزل فيه منع سفر واعتقد القاء قبض وصار اي فلس يدش بحسابه ببيت التمويل يسحبونه على طول حتى بدل الايجار :(



الزبدة انه صاحبي هذا عنده تجارة ( عملات) برى وتعامله فيها بحسابه اللي ببيت التمويل فأي مبلغ يحوله من برى لحسابه يسحبونه على طول عشان جذي اهو موقف تجارته اللي برى ؟؟


السؤال ............... هل في طريقه يقدر يشيل ( منع السفر ) حتى لو مؤقت عشان يسافر برى يغير الحساب اللي تنزل عليه فلوس تجارته لما يمسكون المقترض الاساسي وتنحل المشكله

ادري طولتها عليكم لكن ودي احد يفيدنا بالنقاش بالموضوع
 

rahaly

مستشار قانوني
التسجيل
13 أبريل 2005
المشاركات
7,455
الإقامة
الكويت
يعمل تظلم من امر منع السفر ..
ويستطيع تقديم كفيل لدى مدير التنفيذ يكفله بالرجوع من السفر (هالايام ما يقبلون الكفيل) ..


والافضل ... يتصالح مع بيت التمويل على طريقة السداد

والله اعلم
 

ابو مرمر

عضو نشط
التسجيل
5 نوفمبر 2005
المشاركات
115
بارك الله فيك اخ رحالي على الرد السريع والوافي لكن بس ممكن وين يقدر يسوي تظلم من منع السفر
 

rahaly

مستشار قانوني
التسجيل
13 أبريل 2005
المشاركات
7,455
الإقامة
الكويت
بارك الله فيك اخ رحالي على الرد السريع والوافي لكن بس ممكن وين يقدر يسوي تظلم من منع السفر

يروح المحكمة التي اصدرت الحكم ..

.... او بواسطة محام طبعا
 

bosa4u

عضو نشط
التسجيل
16 فبراير 2010
المشاركات
207
اخوي اقصر المسافه وشوفلي واحد بلمطار شقردي يساعدك ترا ربعنا فيهم البركه بس لازم يكون الي تعرفه ثقه لانه مو اي واحد يسويلك هشي
 
أعلى