ممكن تفيدونا عن أحسن مطعم في الكويت

[أبوسعد الخالدي]

السلام عليكم
بما أن هذي الصفحة عن الغذاء ممكن تفيدونا عن أحسن مطعم في الكويت نضام بوفية يعني تدش عندهم وتتغدا أو تتعشا بوفية وياليت يكون سعره معققول
ولكم مني كل الشكر

 

[bo7anon]

يالغالي

الكويت كلها مطاعم طب وتخير من اول البحر لي اخر البحر وبين كل مطعم مطعم مطعم
بكل فريج فيه مطعم
بكل مجمع فيه اقل شي 6 مطاعم 7 مطاعم
ديرتنا سياحتها مطاعم


اقترحلك
1- فش ماركت السالميه بحري
2-ميس الغانم مشويات
3- مكدونالدز فاست فود
4- جيليز امريكي
5- طاجين المغربي بوحليفة
6- تبي مطعم لبناني طيب ؟ روح شارع المطاعم وين نادي بلاتينوم يكون وراه قبل لاتوصل النادي في لفه يمين تدشها بعدين لف يمين وتلقا المطعم على يسارك اسمه جاد ستيك
اطلب صمونة العصفوره وادعيلي
إنما اييييييييييييييييييييييييييييه

 

[أم طلال]

في وايد مطاعم بوفيهات

بس يظل الطلب الخاص افضل

عندك ميس الغانم
وقصر النخيل

نضافه وجو عائلي
كل التوفيق

 

[دبس الرمان]

بما ان طلبك بوفيه وسعر معقول وازيد عليهم اكل طيب

مطعم الوالي حولي بجانب الطيباوي او الفروانية بدوار المخفر
مطعم بندروزا السالمية سوق السالمية سيتي سنتر
اسعارهم بحدود 3 ونص الي 4 علي ما اذكر

تحياتي

 

[أبو مزيد]

اللي اعرفة ذكروة الاخوان

 

[محب الرياضه]

كل مطاعم الكويت مشاءالله
وانت وجيبك كل ماتزيد بالدفع تلقى اللي يسرك

 

[عاسف الأصايل]

بما انني لا اقبل اكل المطاعم خلقه

بس بأنصحك ونا اخوك مطعمين لا ثالث لهما في الكويت

تبي نظافه خذ نظافه

تبي سعر خذ سعر

تبي اكلات خذ اكلات ما عدا العيش

الاول بلا منازع مطعم البلد بجانب مجمع شركة الوطنيه للاتصالات فيه نظام كباين وفيه مفتوح

راقي بكل ما تحويه الكلمه

وخذ عندك مطعم قصر اليلدز في برج حمود الي بالصالحيه

كلهم مشويات واكلات وسلطات حلوه واتمنى انني افدتك

موفق يالاخو

 

[أبوسعد الخالدي]

يعطيك العافية علي المطاعم الي ذكرتهم شكلهم زينين وراح أجرب الأكل فيهم

 

[بووسعد]

بصراحه انا افضل مطعم سانتروزا
اكلهم طيب ونظيف وعندهم بوفيهات بعد
تحياتي

 

[اتحادي]

مطعم مهراني في الفروانيه شغل عدل وجو عائلي رائع

جربه وراح تدعيلي

بعد مجمع مغاتير على طول