زينها ما شفت وصفه بالمثول

[bo fawaz]

​

من بنات الريح لي صفرا جفول
.................................كنها ظبي الفلا بجفالها
منوة الخيال عساف الخيول
.................................زينها في دقها وجلالها
زينها ما شفت وصفه بالمثول
............................الله اللي بالجمال اصخى لها
تستذير كحيلتى من كل زول
..............................ما يصخرها سوى خيالها
اذكر الله كل ما قامت تجول
.............................و احمد الله خصنى بحبالها
كنها تمشي على قرع الطبول
.............................فتنى اللي خافقه يبرى لها
ظافي القصه على الطرف الخجول
..........................تنكسر شمس العصر بظلالها
وصفها وصف السحاب اللي يحول
................................كل عين تستخيل خيالها
او كما طاري على الخاطر عجول
...............................صاحبه حقيقته ما طالها
كل رجل في حياته له ميول
................................والهوايه تمتلك رجالها​

.






.




.



.




.



.




.

​

 

[العاشق]

صح لسانك ولسان دايم السيف

,​

 

[السيدةالانيقة]

الله قصيدة حلوة
صح لسانك
كنها تمشي على قرع الطبول
.............................فتنى اللي خافقه يبرى لها
شكرا لك

​

 

[شجرة العود]

صح لسان قايلها وتسلم يد كاتبها
فعلا النظر للخيل وطريقة مشيها تسحر العين سبحان خالقها​