اكبر حرامي الرمال الذهبيه ؟؟؟

[w_e_e_b]

شريت bmw موديل ورحت فحصته عند الرمال الذهبية وعطاني انه الفحص
سليم السيارة ممتازه
بعد فتره 11شهر قررت شراء سياره ثانية وعرضته الbmw ويوم
ياني الشاري ووريته اوراق الفحص مع العلم انه الشاري من المعارف
قال باخذه على كلامك وعلى الاوراق انا قلت لا روح افحصه عشان تطلع من ذمتي وخاصه اني بايع حق شخص اعرفه الريال اخذ السياره
وراح الرمال الذهبية وفحصه عندهم ويعطيني
تقرير انه السياره فيه دعمه قويه بشاصي وفي دعمه من جدام
بذمتكم هذا كلام حمايت المستهلك يقول انه السياره صارله عندك حول السنه يمكن دعمت فيها وبعته بخساره بخساره
( مو عدل اروح افحص بالرمال تكرمون وروح افص بره )

 

[sma]

?????????

 

[كويتي راقي]

على حسب الموضف
في موضفين مهملين لازم توووقف عنده وتأكد

 

[كويتي راقي]

وشكرا على الموووضوووع

 

[z-75]

اخوي عندهم موظفين حيل مهملين
انا من قبل اسبوع صارت معاي هالسالفه عندهم
شريت سياره وفحصتها عندهم مكينه وجير وحوادث
وقعدت بره بالانتظار لأنه ممنوع تدش داخل الكراج
ووقتها عيوني ماغابت لحظه عن السياره واراقبها اشوف شنو قاعدين يفحصون والا بعدين يجيبلي تقرير ويقولون انه مافيها شي وانه الجير زين واكدت عليه فحصتوا الجير ولا لأ رد علي الميكانيكي اللي داخل اي زين وفحصته وطلعت جربته بعد ووقتها صدته بكلمة طلعت جربته لأني قاعد اراقب السياره وماطلعت من الكراج من عندكم شلون جربتها ويحلف طلعت جربته وإلا بعد ماتشيكوا على التقرير الداخلي وإلا لاجرب الحبيب ولاشي ويكذب
وبالحاله غسلت ايدي منهم وبس ووجهك ووجه الظيف

 

[أبوشيخه]

بـصــراحــه احـــســــن فـحـص الـرمــال الــذهــبـــيــه
عــــلــــــــــى مـــــســـــــتــــــــوى

 

[ابو سالم1]

انا سبق لى انا صارت لى سالفة مشابهه لسالفتك ولكن للامانة عطونى حقي بالكامل
شريت نيسان عربانة وفحصتها وقالو فيها اصباغ بالمداقر الامامية وغطاء السيارة الكبوت ويوجد معجون كثيف ومتفرق صاحب السيارة قالى انها فيها اصباغ متفرقة وانا ماعندى مشكلة من ناحية الاصباغ وتوكلت على الله وشريت السيارة بعد شهرين بالظبط عندى صديق خبرة ييعرف السيارة اذا حايشتها قلبة يعنى السيارة متعرضة لحادث انقلاب المهم انا رحت فحص قولد صن وقلت لهم ابي السيارة قالبة او لا وفعلا تم الفحص وعطونى تقرير ان السيارة مقصوصة القمارة بالكامل ومحايشها حادث انقلاب !!!!! انصدمت ورحت للرمال الذهبية وعطيتهم اوراق الفحص القديم والجديد وكان وقت الصباح وحصلت صاحب الرمال الذهبية ابو احمد العتيبي عسا الله يوفقة وقالى السيارة صارلها شهرين قالى احلف ان السيارة ماحاشها حادث بعد الفحص وهذا من حقة وحلفت وقالى الى تبي يصير قلت السيارة مابيها وفعلا شرا السيارى منى بنفس القيمة الى شريتها .

هذا من واقع تجربة الله على ما اقولة شهيد .
اخوى انت روح لصاحب الرمال ولله رجال طيب ومحترم وكلمة بالموضوع

 

[LS1]

جيت الرمال الذهبية اكثر من 9 مرات مابين بايع وشاري

ولا مرة فيهم شريت ولا بعت فيهم ... يطلعون الموتر من خاطرك

اتقول الموتر مبيوق ولا مقصوص ... يجيك السوري يقولك هذي السيارة

ناقص فيها ماي المساحات ونسبة المكينة 65 % وفيها ربل صباب وفيها تهريب

في الشبنات .... طبعا يقولها لك كأنها فيها شاصي ... طبعا الشاري يكش من السيارة

وتفركش البيعه

ياخواني معنى نسبة المكينة هذي يعني الموتر يبيلة تصفية يعني لو موترك موديل 90

وتسويلة تصفية يروح فوق 80 % ..... وفي شغلة بعد اذا تشتري موتر من الوكالة وطلع

على طول على الفحص وقوله ابي افحص نسبة مكينة راح يعطيك 85% .. الانها هاذي

اعلى نسبة تعطيها اجهزتهم

وموضوع ربل صباب ... هذا له علاقة بي تبخير السيارة

امر طبيعي الانها تستهلك بسرعه وعادي اذا قالك ربل صباب 30%

وعلى العموم يتبدل وموضوعه بسيط جدا

عندي النجم الثلاثي احسن من اي فحص ... كافي انهم سمحين ومبروكين

واذا جيته تقعد بالمكتب وتطلع اتشوف سيارتك

الرمال الذهبية اهم شي ياخذ افلوس ....

 

[ح.الموسوي]

كان عندي لكزس موديل 2007 وبسنته بغيت ابيعه مطلعه من الوكاله على ايدي ومافي ولا دعمه بس زلغات وواضحه وانا ماصبغته علشان اللي يشتري يعرف شنو فيه والله فحصته عندهم قالو له الجنب اليمين مصبوغ رحت الوكاله وخذيت فحص وان السياره سليمه 100%
وبعدها رحت حمايه المستهلك وتصدق ما سوو شي حمايه المستهلك
ياخي كراج حراميه ومعروفين دايما الشريطيه يفحصون اللي يبون يشترونه عندهم ولمن يبيعون ما يرضون تفحص بالرمال واضحه سالفته
الله كريم

 

[fasal1979]

انا دايم افحص عندهم
صراحه ممتازين بس غالين اشوي
فحص الرنج شامل 80 دينار

 

[الدكتور80]

انا شريت سياره من مزاد الداخليه شفر 2005 اول ما طلعت السياره قلت ابي افحصها ودريتها الرمال قالولي الشاصي من الخلف مضروب قلت اووف صادوني هالمره المزاد
المهم نزلت السياره حديد سراب للحراج جاني واحد قال ابي افحص قلت تبي براحتك بس انا معطي حديد سكراب بالحراج إن طلع فيها شي لا تقول الفحص علي ؟ قال اوكي
وين تبي تفحص يالغالي قال كراج البشر إلي في كنددراي قلت اوكي المهم فحصوا السياره طلعت سليمه وقتها كانت الشفرات تنباع 2400 وفوق وانا بايع 1700 شوفوا الكسره شلون والصاصي قالوا سليم انا ماصاري يومين فاحص قبل امس يعني
السياره فيها دعمه من الخلف ومصلحه فوق الممتازه والصاصي ما حاشه شي وقالوا نعطيك ضمان علي كلامنا
قلت اوكي المهم الرجال الشراي طمع فيني قال نزلي قلته يامعي والله لو تقول بفكر يوم ثاني يوم ماراح ابيعك الحين قرارك ياوقفها عند بابك ياروح فيها بيتنا ما بيع ، والمشكله اني التزمت معاه في كلمه بيع وزين جت منه مو مني ، بس الله مو قاسمه له وطمع الشخص فيني ضيع الفرصه من ايده الرجال قال إذا مانت مطيحلي 100 ما بيها قلت براحتك
المهم فحصتها ثاني مره للتاكيد عند الحوال قال الشاصي سليم ، طرت حمايه المستهلك واشتكيت عليهم جاني مندوبهم لبناني او اردني وتقريبا والله ناسي بالضبط هاك الحمر إلي تعبان علي حاله
طلعت اوراق الفحص كلها وهو مو جود جان يقول حق الموظف انا وهو نتفاهم نحل الموضوع بس عطنا دقايق الموظف يبي الامور تنحل قلت اوكي المطلوب قال يمكن هذي غلطت فاحص ومن هالكلام والواجد إلي يعور الراس قالي من النهايه 250 وتنازل وتعطيني الورقه قلته اوكي واخذت منه المبلغ ورديت نزلت السياره علي الفحص بالحراج وبعتها 2250 والمقرود الاول قعد ، قطع رزقه بييده

 

[MDH119]

مافي شي جديد بالنسبه بسمعت الرمال ياخوي حطين ناس مرتزقه ماتدري وين الله حاشرها بطريقة الفحص


اخوي اذا عندك الفحص القديم والفحص الجديد
ارفع قضيه وراح تكسبها بشرط وجود الفحصين

والفاحص الفني راح يبين لك اذا السياره كان حدثها قريب ولا بعيد بتشييك علي الرقم
اذا كان في اصدار ورقة تصليح للسياره من المخفر تكون بتخزين العاصمه
يعني لاتسكت عن حقك والف بالميه لك القضيه ويتم تعويضك

 

[al-dbel]

من افضل كراجات الفحص ومعروووووووف على مستوى الخليج
وكافي ان اللي يسبة يرجع ويفحص فية مرة ثانية
وشي بديهي ان تقذف شجرة مثمرة

 

[4 Ever Kuwait]

من افضل كراجات الفحص ومعروووووووف على مستوى الخليج
وكافي ان اللي يسبة يرجع ويفحص فية مرة ثانية
وشي بديهي ان تقذف شجرة مثمرة

صحيح كلام الرجل افشل فحص بالديره الرمال الذهبيه ديكورات عالفاضي انا لاني شريطي ولا ني شراي بس كلام الناس اقنعني وانا فحصة سياره وصاحب السياره قالي المدقر مصبوغ تجميلي الرمال الذهبيه ماصادها وفاحصين سيارة وحده جيب لاندكروزر 2005 قالولها مافيها شي اخير شي السياره مقصوصه بالنص وعوضها الرمال الذهبيه واقول استريح انت معاهم


الله يعوض ياصاحب الموضوع الحين المكاتب والفحص الفني جذابين لازم طريق معرفه احسن واظمن
تقبل تحياتي

 

[BOSHHAB]

شريت bmw موديل ورحت فحصته عند الرمال الذهبية وعطاني انه الفحص
سليم السيارة ممتازه
بعد فتره 11شهر قررت شراء سياره ثانية وعرضته الbmw ويوم
ياني الشاري ووريته اوراق الفحص مع العلم انه الشاري من المعارف
قال باخذه على كلامك وعلى الاوراق انا قلت لا روح افحصه عشان تطلع من ذمتي وخاصه اني بايع حق شخص اعرفه الريال اخذ السياره
وراح الرمال الذهبية وفحصه عندهم ويعطيني
تقرير انه السياره فيه دعمه قويه بشاصي وفي دعمه من جدام
بذمتكم هذا كلام حمايت المستهلك يقول انه السياره صارله عندك حول السنه يمكن دعمت فيها وبعته بخساره بخساره
( مو عدل اروح افحص بالرمال تكرمون وروح افص بره )

اشتك عليهم .. واشتك على حمايه المستهلك بعد بوزاره التجاره

لا تبوق ولا تخاف. الحين تروح لهم شكاي يطلعونك نصاب !!

يقولك يمكن انت داعم فيها قوله يمكن انت قابض رشوه من الرمال وحده بوحده.

حولها قضيه وقولهم يثبتون انك انت داعم فيها. الكراجات ما تصلح حوادث الا بورقه من المخفر

احتفظ بالتقرير القديم وياك مع التقرير اليديد. وفيه خبير فني بالداخليه يقدر متى وقت الحادث.

اهما يتهمونك انك انت داعم فيها للتهرب من المسؤوليه عشان تخاف وتهون

لا تخاف والله تطلع فلوسك كامله منهم هالخمه.

صير بولسانين نفس بوسالم1 الي خذا حقه منهم

 

[أبوشيخه]

صحيح كلام الرجل افشل فحص بالديره الرمال الذهبيه ديكورات عالفاضي انا لاني شريطي ولا ني شراي بس كلام الناس اقنعني وانا فحصة سياره وصاحب السياره قالي المدقر مصبوغ تجميلي الرمال الذهبيه ماصادها وفاحصين سيارة وحده جيب لاندكروزر 2005 قالولها مافيها شي اخير شي السياره مقصوصه بالنص وعوضها الرمال الذهبيه واقول استريح انت معاهم


الله يعوض ياصاحب الموضوع الحين المكاتب والفحص الفني جذابين لازم طريق معرفه احسن واظمن
تقبل تحياتي

اذا انت تقول لاني شراي ولا بياع
عيييييييييييل بيااااااااااع حجي
يبى هذي الرمال الذهبيه
والله تقووول ولا مااااتقووول

 

[w_e_e_b]

مشكورين على الردود بس الرمال ( تكرمون ) حراميه وفي وايد اماكن للفحص السيارات احسن منهم بس الرمال( تكرمون) اخذ سمعه على الطل والله بس الناس تعودت في اماكن فحص بالري وايد احسن اذا ياك اشريطي ويبي يطلع اعيوب من تحت الارض يوديني ( تكرمون الرمال ) لانه شريطي وكل شريطية يموتون على الرمال ولا ( المشكله لا وقفت والريال يفحص سيارتك ايك واحد ازباله ونتو بكرامه يقوله السعر وايد عليها وطيحه من عينه و المشكله انه في ناس متربيه وفي ناس لا تربيه ولا يعرف التربية

 

[مساعد ابو محمد]

اخي الكريم

اذا كلامك صحيح وانشاء الله انه صحيح وتكرم عن الكذب وعندك الاوراق وما يثبت كلامك ارفع قضية وراح يحولونك على الخبير الفني ويحدد تاريخ الحادث بتقرير مصدق ويرسلة للمحكمة والمحكمة تنظر بالتقدير وتقارنة بتاريخ الفحص وان ثبت صحة كلامك يحق لك التعويض الكامل من حيث القيمة الشرائية والمطالبة بكل ما يلزم تجاة الفاحص والشركة المصدقة على صحة الفحص

وتقبل تحياتي

 

[abdullah6868]

يا اخوان اغلب الشعب الكويتى يسوق سيارة من عمرة 16 سنه يعنى اهل نعمه الله يدومها علينا انا اشتغل سيارات من سنة 1986 مع الوالد الله يرحمة
راح اعطيكم بعض الملاحظات قبل لا تشترى وتفحص وتخسر
1 - تلمس اطراف السيارة -- الاماكن اللى يصعب مسحها بالبوليش اذا لقيها خشنه معناته هذا الجانب مصبوغ
2 - شاهد الفواصل بين المدقر والباب او الكبوت والمدقر او المدقر الخلفى والباب الخلفى -- اذا لقيت الفتحات مو متساوية معناته الشاصى مضروب
3 - ضع ايدك على كبوت السيارة وهى شغاله اذا ترجف فية مشكلة ميكانيكية
4 - اسمع صوت الماكينه اذا فيها صوت غريب او زائد فية مشكلة
5 - انزل تحت السيارة اذا الشاصى مرشوش قار يخوف الموتر
6 - انزل تحت السيارة وشوف الشاصى بعينك اذا فية لحيم او مصنفر -- يعنى مضروب ومصلح
7 - طف السيارة وشغلها وشاهد علامات اللى على الطبلون اذا ما اشتغلوا معناته العلامات مفصولة -- احتمال علامة الايرباق معلمة
لا تستهين بالشاصى اذا مضروب مشكلة فة السلامه
بالنسبة للرمال الذهبية
مو دقيقين 100 % ويخوفون الشارى
بس احسن من غيرهم
اتمنى السلامة للجميع

 

[khaled777]

انا قبل اسبوعين رحت الرمال عشان افحص

ماكينة سيارتي لان فيها رجفه

قالو لي نفحصها ب10 دنانير وطلعو لي اكثر من ملاحظه

قلت لهم انا ماقدر اضبط كل الملاحظات

قالو لي ادفع 10 ثانيه ونركز لك على سبب

الرجفه قلت ماعندي مانع , افحصو الماكينه

وطلعو تقريرهم وقالو ان فيه مشكله بدعسة البانزين تحتاج تبديل


ورحت الوكاله طلع سعرها اكثر من 250 دينار , رحت السكراب

حصلتها عند واحد مع التركيب 90 دينار , قلت له اوكي ركبها

, ركبها ماضبط الموتر !!

قالي عامل السكراب منو قالك الخراب بالدعسه

قلت له الرمال الذهبيه, قال لي الافغاني ماعليك منهم

الدعسه مو خربانه الكويل خربان ركبه وتصلح سيارتك !

قال لي صحيح اني افغاني وعامل بالسكراب بس انا افهم

عشرين مره من كمبيوترهم !!

وسمعت كلامه
وغيرت الكويل وراح التقطيع !!!

ياجماعه انا ما اذم الرمال الذهبيه ولا امدحهم بس انصح

نفسي والكل انه يفصح بأكثر من مكان

لان الاخطاء البشريه والاهمال والتسرع

موجود باكثر الكراجات !

والله من وراء القصد .