مهندس مدني كويتي

[م/عبدالله]

السلام عليكم ورحمة الله وبركاته :
أنا أخوكم مهندس مدني كويتي على استعداد

1_للاشراف على المباني( بيوت .........الخ) .

2_ادارة المشاريع.

3_حساب الكميات (أعرف تكلفة بيتك قبل التنفيذ ).

4_ رسم المخططات.

** للاتصال 55669795 **

 

[almu7ank]

دام انك كويتي تستاهل الله يوفقك

 

[البولند]

هلا

اخوى

عندى بيت مساحتة 375زاوية حكومة

بهدة وابنية 3 ادوار

بسوى مخطط بس ما ابى ارتد عشان ما تضيع المساحة

اقدر ولا لا

 

[م/عبدالله]

اشكر الاخ almu7ank على الكلام الطيب والتشجيع الرائع.

اخوي البولند تقدر ماترجع ولا متر بس حسب موقع البيت والمخطط والشغل اللي تبيه انت. وانا حاضر

 

[almellyarder]

حياك الله

السلام عليكم ورحمة الله وبركاته :
أنا أخوكم مهندس مدني كويتي على استعداد

1_للاشراف على المباني( بيوت .........الخ) .

2_ادارة المشاريع.

3_حساب الكميات (أعرف تكلفة بيتك قبل التنفيذ ).

4_ رسم المخططات.

** للاتصال 55669795 **

==========================================

سلام عليكم

مهندسنا اتمنالك كل خير بأذن الله وهذا يسعدني ان ارى مهندس كويتي ينزل ويساعد اخوانه في البناء وأكيد هذا يشرفنا لانك منا وفينا انت افضل من غيرك مع احترامي لاخواننا ( الوافدين ) .

الله يسهل امرك ويعينك على مساعدة اخوانك .

اخوك / الملياردير

 

[م/عبدالله]

مشكور يالملياردير على هذا التشجيع والدعم وعلى رحابة الصدر

 

[البولند]

هلا

البيت زاوية

والبلدية رحتلها وقالو لازم ترتد على الدور الاول والثانى متر ونص من الجار

 

[ابو غانم]

أخوي م/عبدالله

عسى الله يوفقك انشاءالله

لو يطلع لي بيت ماأختار الا أنت أو أي مهندس كويتي يشرف على بناء البيت .. المهم يكون ابن ديرتي ومني وفيني .

دهنا في مكبتنا مثل مايقولون وأنت أكيد راح تخاف وتحاتي حلال ربعك وأهلك .

عسى الله يوفقك وأبشر بالسعد راح أوصي عليك أي واحد من معارفنا .

 

[بحريني1972]

عسي ربي يوفقك ان شاء الله

يلا يا اخوان تري كـــــــــــــــــــــــــــــــــــــــــويتي

 

[م/عبدالله]

اشكر الشباب على الدعم المتواصل اللامحدود .
وعسى الله يقدرني ان اخدمكم واكون عند حسن النيه
الاخ البولند يوجد استثناءات في البلديه للارتدادت اسال عنها في البلديه

 

[شنداخ]

مهندس عبدالله ..بما انك كويتي ومنا وفينا .

بسألك عندك مكتب هندسة ...لوضع مخططات معمارية ...وبعدها انشائية وكهربائية وصحيه ؟

لأن المكاتب الهندسية هذا شغلتهم ...بس اغلبهم كوبي في بداية الرسم المعماري ..واغلب المكاتب يوهقونك في بداية البناء يتغير المخطط بزيادة الاعمدة وغيرها ..اللي تزيد تكلفة على الميزانيه .

واذا ماعندك اخوي عبدالله ..شنو تقدر تفيدني فيه اذا كنت متفق مع مكتب هندسي اهو يقوم بكل شئ من مخططات معمارية وانشائية وكهربائية وصحيه ..وتكييف ...الخ . وهو بنفسه يقوم بالاشراف .؟؟

ماعليش عشان نقدر نستفيدك من خبرتك ....



ملاحظه علما بان المكاتب الهندسية تقوم بحساب التكلفة التقريبية ايضا

 

[ابوو عبدالله]

الله يوفقك اخوي المهندس عبدالله ويرزقك - لك مني اجمل تحيه

 

[م.فهد السبيعي]

يعطيك العافيه اخوي بو نجم على الفكره الطيبه وهذي الهقوه ,

اخوي البولند اذا كنت في منطقه قديمه وتعرف لك واسطه خفيفه من اللي يكشفون بالبلديه تقدر تبني ولا لك شغل بصفر وربعه , لأن القرار توه من شهر ستة اللي طاف وفيه ناس بنيان قديم وبانين على الصامت ..

 

[اماني الكويتيه]

م/ عبدالله الكويتي علي راسي الله يوفقك ياولد ديرتي وعسى ربي يوفقك ويوفقك ويوفقك
وربي لسوي لك دعاااااااااااااااااااااااااااااايه
تستاهل خير ياولد الكويت
ملينا من العماله اللي برى نبي كويتيين

 

[general]

يستاهل ولد الكويت واولاد الخليج فقط لاغير

 

[اماني الكويتيه]

بوعقيل دايم راعي واجب ولك الشكر انت بعد علي المجهود اللي تسويه ورد علي جميع استفسارات عساكم علي القوه وربي فرحت لكم وايد عسى ربي يوفقكم وين مارحتو يارب

 

[طارق55]

الله يوفجك ان شاء الله

 

[م/عبدالله]

أشكر الجميع الاخوان والاخوات على هذا التشجيع بلا استثناء مشكورين جدا جدا

الاخ شنداخ
صحيح كلامك بعض المكاتب ماعندهم الا copy and paste ولكن مانهضم حق المكاتب الممتازه اخ شنداخ اي مكتب تتعامل معاه اشرط عليه ان مايزيد الحديد عن كميه الحديد المدعوم من الدوله. وانشاء الله اسالك عن المكاتب الممتازه واردلك خبر باذن الله .

 

[ام روتا]

موفق ياااااااااارب

 

[almellyarder]

سلام عليكم

مهندس عبدالله اتمنى لك حياة جديدة وسعيدة في هذه المرحلة الانتقالية من الحياة المدنية الى المقاولات وهذا لك فيه أجر من الله لانك راح تساعد اخوانك والله يعينك على هذا المجهود العظيم إلي راح تبذله في الايام القليلة القادمة والمطلوب منك سعة الصدر وأن ترد على الاشخاص بالجواب الشافي حتى لو يتكرر السؤال فأنا مقتنع 100% انك راح تسعد ناس كثيريين بالبناء وتريحهم من ناحية تقليل المال والجهد عليهم فهذا اختصاصك .

اتمنى من الله وأدعيلك بأن تكون عون لاخوانك المقبلين على بناء بيت العمر ناطرين طول هالسنين ولابد أن يتكافئون بالشئ الصحيح وأنت أهل الثقة , الله يبارك لك بيومك يا شيخ ابو نواف .

(رَّبِّ أَدْخِلْنِي مُدْخَلَ صِدْقٍ وَأَخْرِجْنِي مُخْرَجَ صِدْقٍ وَاجْعَل لِّي مِن لَّدُنكَ سُلْطَانًا نَّصِيرًا) [الإسراء-80] .

اخوك / الملياردير