يجب أن تقرئ وتجيب يا كويتي
بسم الله الرحمن الرحيمــــ
رغم فرحة الكويت كل سنه أكثر من السنه التي قبلها ( بشهر و بيوم ) تحريرها وأزدياد عدد السنوات حتى وصلوها إلى 19 سنه ونشالله 20 سنه والـ 30 والـ 100 سنه بأذن الله ، فكل واحد فينه من أطفال و مراهقين وشباب وعجائز يعبر عن مشاعره وفرحته أتجاه هذا اليوم الي ما ندري شلون الله حررنه فيه !! فالحمدلله رب العالمين ، و وصول الكويت إلى القمه وتطور العمران والثقافه وأزدياد الحريات ونظامه بل صنعنا نظام جديد للحريات وإن لم يعجب بعض الناس ! ،
فنستغرب من تصرف بعض الشباب أو المراهقين عن طريقة تعبيرهم في المسيرة ( رش الفوم على الوجه - ضرب البيض على السيارات أو على الافراد - التكسير والتخريب والعصبية احيانا - وضع النير داخل مرشات ورشها ) وطبعا هذي من السلبيات ومن الاجابيات دفع الاموال لشراء اعلام الكويت و شراء البالونات وتزين السيارة بأسعار تصل إلى 500 دينار كويتي بألوان الاعلام أو بصور شيوخنا الشيخ جابر و الشيخ صباح والشيخ نواف الاحمد وطبعا هذي الاشياء طبيعيه وفي ناس تزين بيتها بأعلام الكويت وتصرف مبالغ كبيرة للتعبير عن فرحتها وانتصارها ... المهم المهم ان التعبير السلبي نقدر نقول عنه تصرفات ( مراهقين - أطفال - التعبير الخاطئ - قلة الادب - عدم الاحساس بالمسؤوليه ) وهذا هم عادي وطبيعي ................................
لكن الامر المحزن والغريب ولي نبي له تفسير شنو يعني مطار الكويت بتاريخ 24 تسكر من كثر السفر والحجوزات الي الكويتين حجزو فيها للسفر إلى دول أخرى ؟؟؟؟؟ يعني سنة 2010 كان في حماس بهلا فبراير و الي صار بالكويت أعاد علينه بالفوائد كل سنه اكثر من الثانية والحمدلله يعني الي أطلعه الكويت بشهر 2 أكثر من الي أطلعه باقي دول الخليج في 6 أشهر وهذا واقع عروض ومسابقات وشراء وبيع ودخول الفنانين وتشغيل المصانع وتشغيل متاجر السيارات وشركات الاتصالات لالالا مافي داعي أكمل يعني وسنة 2010 كان اقوى واقوى من كل عام لكن ليش كل ما صار تاريخ 24 فبراير بعض العوائل الكويتية أو الافراد يهجون ويسافرون بأسلوب غريب وكأنهم يقولون احنا ما تهمنا الكويت وشالخرابيط هذي !!!!! مادري يعني اليوم جريدة القبس تكلمت عن هالموضوع هذا أيضا !! .
(( أسرا - واستشهاد - وخسارة الكويت مليارات في الغزو العراقي )) وفي النهاية في تاريخ 24 إلى 28 الشهر من فبراير بعض العوائل تتصادم في المطارات للسفر بأي بأي مكان المهم الخروج من الكويت ؟؟؟؟؟ شنو لييش ؟؟ شنو الاسباب ولحد يقول ضايق خلقهم ، تره كان في قبلها عطلة نص السنه 3 أسابيع ولحد يقول الكويت مافيها شي لأن الناس من بره قاعده تتسلف علشان أتيي عندنا .
المصيبه لو سألت أحد فيهم يبطل حلجه ويقول : يعني شنسوي شنسوي بالعطله هذي !!!
أتمنى من الاعضاء الكويتين يفسرون ويقولون شنو سبب سفر الكويتين في عيد الوطني وعيد التحرير رغم ان العطله 4 أيام يعني مايمديك تحجز على النت !؟
؟