خسائر متداول عليمى

الموضوع في 'السوق الكويتي للأوراق الماليه' بواسطة gloriyano, بتاريخ ‏26 فبراير 2010.

  1. gloriyano

    gloriyano عضو جديد

    التسجيل:
    ‏7 أكتوبر 2009
    المشاركات:
    46
    عدد الإعجابات:
    11
    السلام عليكم ورحمة الله وبركاته

    أخوانى المحللين من أهل الخبرة والمعرفة . أرجو مساعدة أخوكم فى الله المتداول العليمى فى أمور وبواطن البورصه وما أدراك ماالبورصة ؟
    بادى ذى بدء أحب أن أعرض عليكم الاسهم التى ساهمت فيها وكنت أمل بتحقيق ربح ولو بسيط ولكن شاء قدر الله سبحانه على العبد الفقير وعلى الجميع.

    أولا - اسهم البنوك :
    - 2500 سهم فى بيت التمويل عندما كان سعره : 2220 وسعره الحالى : 1180 .

    - 2500 سهم فى البنك الوطنى عندما كان سعره : 1660 وسعره الحالى : 1230

    ثانيا : أسهم استثماريه :
    - 20000 سهم فى عقارات المتحده عندما كان سعره : 122 فلس وسعره الحالى 87 فلس

    - 20000 سهم فى جلف انفست عندما كان سعره 120 فلس وسعره الحالى : 37 فلس

    ثالثا : أسهم خدمات :
    - 2500 سهم فى أسهم زين كان سعره 1140
    وسعره الحالى 1280 ( الحسنة الوحيده ) لولا صفقة زين


    ولا أقول الا الحمدلله الذى يهب لمن يشاء ويأخذ ممن يشاء

    وانا أرجو النصيحة النصوح بهذة الاسهم الدعلة ماذا افعل بها
    اصبر ام أبيع بخسارة أم ماذا

    بانتضار مشورة اخوانى المحللين

    ولكم جزيل الشكر

    أخوكم : عليمى سنة أولى بورصة
     
  2. al7boob_77

    al7boob_77 عضو نشط

    التسجيل:
    ‏30 أغسطس 2009
    المشاركات:
    1,312
    عدد الإعجابات:
    208
    مكان الإقامة:
    الكويت
    يعطيك العافيه اخي العزيز ... بس ياليت كنت موضح تاريخ شراء الاسهم امبين قديمه شوي هالاسعاااار :)
    وان شاء الله الله يرزقك واتعدل ارباحك بدال الخساير

    اولا البنوك :
    بخصوص البنوك بنك الوطني وبيت التمويل انطر عليهم الجميعة العهموميه للبنكيت بتاريخ 7 و 8 مارس 2010 وانطر بعد هالتاريخ شهر بعد اعلان الربع الاول بيرتفع السهم مره ثانيه واهني اتخذ قرارك وراح يوزعون ارباح نقدي ومنحه والوطني عليه اكتتاب 10% وبيرد يرتفع شوي وبتكون عوضت شي كبير من خسارتك فيهم

    ثانيا الاستثمار :
    ابصراحه ما اقدر انصحك بعقارات المتحده ولا جلف انفست لاني مو متابعهم نهائيا ... بس اذا عقارات المتحده انت متابعها محققه ارباح جيده وراح توزع ارباح ... مافي مشكله انطر على السهم ... او بدله بسهم اسعاره قريبه ويكون تحركه بالفتره القادمه جيد مثل شركة عقارات الكويت او ابيار خصوصا انه اسعارهم بالوقت الحالي جيده وفرص صعودها اكثر من نزولها

    ثالثا :
    زين انك ربحت بزين واتكون عوضت خسايرك بشكل عام .... مالك الا تنطر هذي الايام وتشوف في توزيعه ولا لاء .... طبعا اذا مافي شي ... انحاااااااش ..... ولو انى متفائل بالسوق وبصفقت زين .... لانه مثل ما الناس تبي تربح .. الخرافي بعد حاط فلوسه ويبي يربح ... يعني الناس والخرافي كلهم بالهوا سوا :) وما اعتقد راح يخسر نفسهم بالوقت الحالي واهو محتاج للسيوله


    نصيحه لك اخي العزيز انت نطرت واجد وانت تشوف الاسهم قدام عينك تنزل بقوه وكنت متحسف تبيعهم بخساره .... السوق يبي قرار جريء ... ( اشتر مع اللى يشترون ... وبيع اذا الناس باعت ) .. وان شاء الله بالنهاية الله يرزق الجميع :)
     
  3. barbarian

    barbarian عضو نشط

    التسجيل:
    ‏19 ابريل 2005
    المشاركات:
    5,073
    عدد الإعجابات:
    1,566
    لو كنت في مكانك أبيع جميع أسهمي وبالتالي تكون محفظتي فيها 11705 دينار تقريباً

    شراء 120 ألف سهم الاسمنت الابيض بسعر 88 فلس = 10560 دينار

    وموعدنا في 14 مارس 2010
     
  4. ابن عمير

    ابن عمير عضو نشط

    التسجيل:
    ‏29 سبتمبر 2008
    المشاركات:
    2,870
    عدد الإعجابات:
    9
    دش على زين احسن لك
     
  5. xTrader

    xTrader عضو نشط

    التسجيل:
    ‏2 ابريل 2009
    المشاركات:
    994
    عدد الإعجابات:
    3

    السلام عليكم اول شيء الله يعوض عليك

    وثاني شيء سواء اسهم ورقية او اسهم تشغيلية الكل فقد من قيمته ثلثين او اكثر يعني الموضوع ما كان لا على البال ولا الخاطر
    احتفظ بالاسهم الممتازة ومالك الى انك تصبر

    والنصيحة الي اقدمها لك استشير اهل الخبرة
     
  6. gloriyano

    gloriyano عضو جديد

    التسجيل:
    ‏7 أكتوبر 2009
    المشاركات:
    46
    عدد الإعجابات:
    11
    أخوانى حبيت أشكركم على أرائكم ومشورتكم المتنوعة فهذا العشم فيكم .

    وحبيت اقولكم انى أخذت فكرة واضحه على نصائحكم الا وهى اتخاذ القرار الجريء فى التعامل بالاسهم

    الا اننى اضعف من اتخاذ اى قرار وبالتالى يؤدى الى خسارتى وراس مالى .

    وقررت ان أصبر وأرى ما يخبئه المستقبل وعسى الله سبحانه ان يرزقنى وأياكم أجمعين

    ومشكورين على المشورة الطيبة
     
  7. naserr

    naserr عضو نشط

    التسجيل:
    ‏13 فبراير 2010
    المشاركات:
    453
    عدد الإعجابات:
    16
    الله يعوضك ان شاءالله واحب اضيف على اخوانى اذا بتعوض ادخل على سهم فى بطنه ارباح وسعره رخيص مثل اسمنت الشارقه سعره 144 وتوزيعته 10 نقدى و10 منحه وجمعيته العموميه تاريخ 17-3 وفيه بعض الاسهم فيها خير
     
  8. gloriyano

    gloriyano عضو جديد

    التسجيل:
    ‏7 أكتوبر 2009
    المشاركات:
    46
    عدد الإعجابات:
    11
    مشكور ياناصر وأتمنى لى ولك الخير

    أمين
     
  9. التناك

    التناك موقوف

    التسجيل:
    ‏24 يناير 2009
    المشاركات:
    507
    عدد الإعجابات:
    0
    مكان الإقامة:
    وين داس ؟
    أسمع وأنا أخوك
    يشهد الله أني أبيلك الخير
    إذا ماتعرف بالتحليل ولا ناوي تتعلمه ولا عندك طريقه معينه تتربح منها
    هد هالبورصه وأسلم على راس مالك وأنا أخوك
    والله يعوضك على هالخساره
    ترى الكل قاعد يخسر وتزيد خسايره إلا من رحم الله
    ويقولون في أزمه بالطريج بعد
    ترى اللي قاعد يربح بنظري الشخصي أثنين
    الأول توصله المعلومه بارده مبرده
    والثاني شاطر عارف شلون يشتغل مع البورصه
    بغض النظر مضارب أو مستثمر
    إذا أنت مو تبع واحد من هالأثنين
    نصيحتي وخر عن هالمحرقه وخلها لأهلها
    وسالفة دش على هالسهم وأطلع من هاسهم وخر عنها
    ترى مره تصيب وعشر تخيب
    عسى الله يوفقك ويوفق جميع المسلمين