مديرة مدرسة

محب المصطفى

عضو نشط
التسجيل
6 فبراير 2010
المشاركات
326
الإقامة
q8
السلام عليكم ورحمة الله وبركاته
تدور القصة حول مديرة مدرسة عزباء غابت عن المدرسة يومين
ولما عادت لمدرستها قابلتها المدرسات سلامات وينك
يامديرة ؟!
قالت : باركوا لي تزوجت
قالوا : مبروك يامديرة ولكن منهو زوجك ؟!
قالت : بصراحة زوجي هو زوج إحداكن !!

المدرسات
تكفين علمينا أي وحدة منا ؟!
قالت المديرة : والله ما أعلمكن

المهم لزموا عليها
فقالت : أنا منيب متكلمة اللي تبي تعرف هل هو زوجها وإلا لا
تجيب بكرا معها خمسمية ريال وإذا جت توقع تحط الخمسمية على الطاولة
واللي آخذ خمسميتها فهي مهو زوجها واللي أخلي
خمسميتها على الطاولة ولا آخذها فهو زوجها
عيب علي أتزوج زوجها وآخذ بعد منها خمسمية ريال
وافقن المدرسات على الطريقة
ويوم جاء بكرا وكل وحدة مزهبه معها الدراهم
جت الأوله والثانية والثالثة والرابعة حتى العاشرة
والمديرة تاخذ الدراهم
يوم جت المدرسة الـ 11 وبدت المديرة تأفف .. المهم حطت الدراهم
على الطاولة وقالت لها
تكفين خذيها يالمديرة قالت
المديرة : اعذريني
قالت المدرسة كأنها قليلة حطيت ألف بدال الخمسمية
قالت المديرة : أووووووه معليش أنتي جواهر والله إني آسفة غلطت
يومها تنفست المدرسة وقالت الحمد لله يعني بتاخذين الفلوس

المهم أخذتها المديرة
ودخلوا بقية لمدرسات حتى الـ 23 والمديرة تلعب بأعصاب كل وحده
وفي النهاية تاخذ الخمسمية
المهم بقي مدرسة وحدة فقط ماجت يوم اتصلوا عليها المدرسات
هاه وينك ياأستاذه قالت والله أني تعبانه وماني جايه
قالت المدرسة الغايبة : هاه من صار زوجها اللي متزوج المديرة ؟!
قالوا لين الحين مابين شي والمديرة عيت تاخذ الفلوس لين نحضر كل المدرسات
( يلعبن عليها بس يبونها تجي عشان يتطمنون إنها هي لأنه مابقى إلا هي )
وقالوا المدرسات لازم تجين تكفين
المهم جت تسحب رجليها بالقوة ويوم جت تدخل المدرسات
كل وحده مبسوطة أنها مهي هي
وصاروا يمهدن للمدرسة الـ 24 عشان ماتنصدم
دخلت المدرسة الأخيرة غرفة المديرة وحطن باقي المدرسات
أيديهن على قلوبهن
وحطت المدرسة الخمسمية على الطاولة وضفتها المديرة
يوم طلعت لقنها عادية وما صار شي وفلوسها أخذتها المديرة
قالوا يابنات فيه وحده منكن ماخذت المديرة دراهمها ؟!
قالوا لا والله كلنا أخذت دراهمنا

ودخلوا المدرسات على المديرة وقالوا أخذتي الفلوس من كل المدرسات
تلعبين علينا
!! منهو زوجك !!
قالت المديرة المهم الدراهم ( 12000 ريال ) ماراح ترجع
وأنا والله لا تزوجت ولاشي لين الحين عزوبية ووالله كنت مريضة هاليومين
ولكني أطلبكن قبل شهر تدفعن على مية ريال نصلح المصلى
ولا وحدة منكن دفعت .. قلت والله لأدفعكن 500 ريال
نصلح المصلى ونشتري مصاحف وقف للمسجد

قالوا المدرسات بردها الله بالعافية فداك الدراهم ولو تبين زود عطيناك
هو صدق بس رجالنا ماتزوجوا علينا

 
التسجيل
15 فبراير 2009
المشاركات
1,221
الإقامة
الكويت
حلـــــــــــــــــــــــــــــــــــــوووووووووووووووووووووووووه
 

maz149

عضو نشط
التسجيل
6 ديسمبر 2009
المشاركات
1,027
الإقامة
الكــويـت
جزاك الله خير
 

البرنس111

عضو نشط
التسجيل
26 فبراير 2006
المشاركات
895
ههههههههههههههه
هههههههههههههههه
ههههههههههههههههه

حلوه والله ضحكت من كل قلبي
 

دربك أخضر

عضو نشط
التسجيل
12 فبراير 2010
المشاركات
482
حلوه
 

محب المصطفى

عضو نشط
التسجيل
6 فبراير 2010
المشاركات
326
الإقامة
q8
جزاكم الله خير ,

أسعدني مروركم
 

boxku

عضو نشط
التسجيل
7 سبتمبر 2008
المشاركات
236
ههههههههه
الله يعطيك العافيه
 

ريّس نفسه

عضو نشط
التسجيل
17 يناير 2009
المشاركات
587
عرفوا قيمة النعمة اللي هم فيها :p

الف شكر
 

abdullah6868

عضو نشط
التسجيل
3 مايو 2008
المشاركات
6,222
الإقامة
kuwait
شكرا
لو قالت المديرة الاف راح يدفعون
 
التسجيل
2 مايو 2009
المشاركات
566
هههههههه
والله بدعت فيهم مساكين
 
أعلى