يااخوان شرايكم بمرسيدس موديل 99 s500 بشتريه؟

[العنزي1]

سلام عليكم

اخواني لاقي مرسيدس s500 نظيف الموتر كنظره بس مافحصته للحين

موديل 99

شرايكم فيه يااخوان وبإستعماله

ترا اخوكم كلششششششش مايعرف لهم

ووين افحصه؟
وشنو قصة الهيدروليك ماله يقولون بسرعه ينكسر ؟؟

اتمنى احد يفيدني يااخوان عن سعره واستعماله

 

[محمد 33]

شيل الهدروليك وحط معونيات احسن لك
اللي كان عندي مسويه جذي

 

[Knights]

مثل ما قال اخوي محمد شيل الهيدروليك وحط معاونيات واستخدام بس بالفحص جيك على نسبه المكينه والقير والشاصي اهم شيء والبدي انت شايف نظرته عدل يالغلا ويعطيك خيره ويكفيك شره يا رب

 

[560SEL]

والله يا ابن اخي الحوت ما فيه مشكله الا الهيدروليك وان غيرته بمعاونيات عاديه راح يكد ويمد معاك وخاصه انه 500 ونصيحه من مسنخدم مرسيدس لا تركب كل القطع اصليه وفيه قطع ما تركب الا اصليه ركبها واللي ما يفرق ركب الماني ماركه ممتازه وفي ماركات المانيه طبق الاصليه بالضبط ونفس الغرض ونفس العمر الافتراضي

 

[ابو مرمر]

مرحبا شباب وين في مكان اقدر اشيل الهيدروليك وابدله معاونيات ؟

وبجم يكلف تقريباً ؟


وهل اقدر بالوكالة وبجم ؟

 

[LQQK]

مساء الخير
انا بعطيك نصيحتين الاولي اذا تبي تفحص افحص في الرمال الذهبيه واذا نسبة المكينه فوق 65 تعتبر جيده بالنسبه لموديله واذا تبي تشيل الهايدروليك يشيلونه لك 250 دك مع البدل يعني ياخذون هيدروليكات سيارتك مع اني ما انصحك لان السياره بعد ماتشيلهم تفقد راحتها وثباتها بالخط وتوازنها لان الهدروليك مصمم ان السياره اذا كانت ماشيه ينزل ليناسب سرعتك واذا حملت عليها اغراض يرفعها لترجع لوضعها الطبيعي وانت حر يا طيب
واي خدمه في صيانتها راسلني وانا ادزك على ناس فاهمين وتقبل مروري

 

[عزيزوغالي]

اول شي عسى الله يوفقك
والله انا اقول اخذ من موديل 2000 فوق احسن هذا حسب مأسمع وال 500 حلوة الله يوفقك
وتقبل مروري يالغالي

 

[غير محظوظ]

نصيحه اخذ 2003 وفوق مافي مشاكل 2002 وتحت وايد مشاكل
الكلام عن تجربه
والله يوفقك ان شاء الله

 

[كويتي راقي]

اذا افلووسك واجد حق القطع غيار خذه لانه قطع غيارة غالي
واذا انت استعمالك خفيف وما تسرع اخذة لانه بسرعة يخرب