ما هي النقاط الواجب مراعاتها لفتح محل للحلويات

[Del Piero]

باذن الله وبعد التوكل عليه سافتح محل للحلويات واخوكم عليمي حده في الامور المتعلقه بالبلديه وبالتجاره والله الموفق

اذا الاخوان يتكرمون على اخوهم ببعض المعلومات المتعلقه بالبلديه مثل اشتراطات مساحه المحل والتراخيص المطلوبه لهذا النشاط


""أعقل الناس من جمع عقول الناس إلى عقله""
""من شاور الناس شاركهم عقولهم""

ايضا اذا عندك نصيحه او خلاصة خبره فلا تبخل فيها علي والله يرحم والديكم

 

[إستشارات]

انا لي خبرة متواضعه بالمجال هذا لان كان عندي محلين

بس تطلع لك الرخصة لكن احرص على انك تختار ان تكون محل للعرض فقط ام محل ومعاه المطبخ؟؟

يمكن ثلاجات العرض شويه غالية .. تلاقي المستعملة بس احرص تكون يديده ونظيفه

وانشاءالله سهالات

واذا محتاج اي شي تفضل اسأل

ومستعدين نمولك بالكاكاو اذا تبي بسعر خاص

 

[Del Piero]

مشكور اخوي استشارات على الرد
اولا ابي كاكاو واذا ممكن تعطيني التفاصيل
ثانيا نعم ابي يكون المعرض منفصل عن المطبخ وودي لو احد يفيدني باشتراطات البلديه بخصوص المعرض والمطبخ

نسال من الله التوفيق لكل مسلم

 

[Del Piero]

ما رديت علي اخوي استشارات بخصوص الككاو
بانتظار الرد

 

[سلطان200]

السلام عليكم
اخوي انا عندي محل اذا كان لك خاطر تشوفه
جاهز من الديكور والمصنع والرخصه
والعمال اوالسياره
المحال شغال نشاطه حلويات ومعجنات

 

[Del Piero]

السلام عليكم
اخوي انا عندي محل اذا كان لك خاطر تشوفه
جاهز من الديكور والمصنع والرخصه
والعمال اوالسياره
المحال شغال نشاطه حلويات ومعجنات

نشوفه ان شاء الله
ممكن العنوان والتفاصيل الله لا يهينك

 

[سلطان200]

العنوان
السالميه مقابل نادي السالميه بجنب مكتب الموتر
او الاتصال 66022236

 

[Del Piero]

العنوان
السالميه مقابل نادي السالميه بجنب مكتب الموتر
او الاتصال 66022236

هلا وغلا اخوي سلطان
اسمحلي على التاخير انشغلت هليومين

وان شاء الله امر اليوم او باجر باذن الله

 

[إستشارات]

عندي لك اقتراح اسهل لك من المحل

جيك الخاص

 

[هامور 2000]

يا اخوي انت توك بادي عن خبره لا تقط كل المبلغ اللي عندك من اول مره استخدم ربعه او نصه بالكثير عشان يكون عندك خط رجعه

قط على الديكور بس خل ثلاجاتك و اجهزتك مستعمله بس شي نظيف

ثالثا اهني بالكويت ابدي بكورنر بجمعيه و لما تنشهر كبر نشاطك

اجار الجمعيه مهما يكون بصير اقل من اي مكان ثاني و الجمعيات دوس عليهم اكثر من اي مجمع او مكان ثاني

و دور لك بالمناطق الداخليه لان اللي بره يدشون بس اللي داخل صعب يروحون لك بعيد


دور لك وحده من المناطق اللي فيها دوامات او كليات لان الطلبه دوس على الجمعيات مثلا الخالديه او كيفان او الشاميه او العديليه لا الجمعيه الصبح مالك محط ريل فيها من الطلبه و الموظفين

و وقف لك احد عند الباب يذوق الناس عشان يشترون

و ضروري و اهم شي موقع ( سو لك من المواقع الفري ) و اميلات و فيس بوك و تيب لك مصور يصور لك شي بروفشنال لان بالكويت الناس تآكل بعينها ( اذا عجبها شكل الشي بتذوقه )



و ممكن تبدي مثل ديليزيا كان بس بالبيت و لما قاموا ما يلحقون على الطلبات افتحوا بجمعية الخالديه ابدي بالاميلات و الفيس بوك تري ينتشر بسرعه بس اهم شي التصوير مثل ما قلت لك مصور بروفيشنال قط على المصور عشان يطلع لك الشغل و وسع راس مالك بعدين افتح لك محل
و اي استفسار حاضرين يا الحبيب

و موفق ان شاء الله

 

[Del Piero]

يا اخوي انت توك بادي عن خبره لا تقط كل المبلغ اللي عندك من اول مره استخدم ربعه او نصه بالكثير عشان يكون عندك خط رجعه

قط على الديكور بس خل ثلاجاتك و اجهزتك مستعمله بس شي نظيف

ثالثا اهني بالكويت ابدي بكورنر بجمعيه و لما تنشهر كبر نشاطك

اجار الجمعيه مهما يكون بصير اقل من اي مكان ثاني و الجمعيات دوس عليهم اكثر من اي مجمع او مكان ثاني

و دور لك بالمناطق الداخليه لان اللي بره يدشون بس اللي داخل صعب يروحون لك بعيد


دور لك وحده من المناطق اللي فيها دوامات او كليات لان الطلبه دوس على الجمعيات مثلا الخالديه او كيفان او الشاميه او العديليه لا الجمعيه الصبح مالك محط ريل فيها من الطلبه و الموظفين

و وقف لك احد عند الباب يذوق الناس عشان يشترون

و ضروري و اهم شي موقع ( سو لك من المواقع الفري ) و اميلات و فيس بوك و تيب لك مصور يصور لك شي بروفشنال لان بالكويت الناس تآكل بعينها ( اذا عجبها شكل الشي بتذوقه )



و ممكن تبدي مثل ديليزيا كان بس بالبيت و لما قاموا ما يلحقون على الطلبات افتحوا بجمعية الخالديه ابدي بالاميلات و الفيس بوك تري ينتشر بسرعه بس اهم شي التصوير مثل ما قلت لك مصور بروفيشنال قط على المصور عشان يطلع لك الشغل و وسع راس مالك بعدين افتح لك محل
و اي استفسار حاضرين يا الحبيب

و موفق ان شاء الله

بيض الله ويهك ومشكور على المشاركة المفيده وان شاء الله راح اخذ بشورك والتوفيق من الله سبحانه

 

[ASUS]

اخوي دق علي ومستعد اساعدك لين تفتح محلك من غير مقابل 97115110 فقط حاب اساعدك وترا ماني شريطي ولاني من هذيل راح تشوفني وشرط اعطيك افكار اخليه يتميز بلكويت ارد وقول من غير مقابل مثل ما يقولون اخوانا المصرين جدعنه مني

 

[Del Piero]

اخوي دق علي ومستعد اساعدك لين تفتح محلك من غير مقابل 97115110 فقط حاب اساعدك وترا ماني شريطي ولاني من هذيل راح تشوفني وشرط اعطيك افكار اخليه يتميز بلكويت ارد وقول من غير مقابل مثل ما يقولون اخوانا المصرين جدعنه مني

كفو والله ومشكور عزيزي على تعاونك وخدمتك

 

[بو_راشد]

مشاالله عليكم صج الدنيا فيها خير كل واحد وده يخدم بدون لايعرف الثاني والله شي مفرح وعسى ربي يزيد اهل الكويت محبة وتلاحم امين