فضيحه تيوتا الساير في الكويت ؟؟!!!!!

[BO-MUBARAK]

http://www.youtube.com/watch?v=ZaRZMoJousw

والله صدمني ::verymad:: هذا واحد من الشباب
يصور سيارات تيوتا عند احسان
لا حول ولا قوة الا بالله

يجيبها قرعه ويقول فول اوبشن

 

[بو ناصر@]

اخوي الكلام هذا موصحيح
الي يسون هذا الشغل الي يودون سياراتهم للعراق
ياخذها قرع ارخص لهم ويركبوا عليها زوائد بره علبون من الوكالة
والساير موعجزان يجب عمال على حسابه ويخليهم يركبون بالمخزن
حدث العاقل بمى يعقل >> حق الي مصور .

 

[اسكاليد]

ياخوي ليش مو مصدق ؟؟

زين قولي شنو تسوي السيارات تويوتا بدون لوحات عند احسان ؟

انا ماقول غير حسبي الله ونعم الوكيل علي الي يدور الربح المادي وبس

مو همه شي لانه باختصار يدري ان الناس راح تشتري حتي لو يركبون جلد وشاشه بجليب الشيوح

الي مو مصدق ان شغل اي شي يدقق بالشاشه حقت الاندكروزر والبرادو يروح يشوف شاشه

اللكزس راح يعرف انها تركيب ومشكور علي الموضوع

سلام

 

[اسير الشوق1]

يعطيــــــــــــــــك العافيه علي التوضيح


الكلام صحيح وموثوق 100%


اي طلب تطلبه من الساير يسويه لك بره

وله نسبه وحق الكراج نسبه ..

ومو بس احسان في محلات تنجيد بشويخ يسوي عنده ...

اذا تبي جلد ولا تبي صاجات ..يسويلك

مو بعيده عليه العالم كله في ازمه اغتصاديه واهو يرفع بالسيارات

والي مشجعه ان الناس يشترون ...

والمصيبه ان مافي ذيك التقنيات يعني الاند كروزر ولا سكاليد

اكيد السكاليد بس الناس مطيرينه ....

مشكووور علي طرح الموضوع والمعلومات 100%

 

[اسير الشوق1]

اخوي الكلام هذا موصحيح
الي يسون هذا الشغل الي يودون سياراتهم للعراق
ياخذها قرع ارخص لهم ويركبوا عليها زوائد بره علبون من الوكالة
والساير موعجزان يجب عمال على حسابه ويخليهم يركبون بالمخزن
حدث العاقل بمى يعقل >> حق الي مصور .

يعطيك العافيه اخوي بو ناصر ... مجرد توضيح اذا تسمحلي ...
بالنسبه للي ياخذون السيارات حق العراق ... اول شي العراق مو مهم عنده المواصفات لو تلاحظ ان الي يصدرونهم كله هايلكس ولا نيسان وانيت ... يعني يبون شي ينكرف مو مهم عنده المواصفات ولو العراقي يبي مواصفات جان خذ لكزس صح ... يا خوي اول ايام تحرير العراق كانو يصدرون سيارات علي 200 دينار سكاريب و300 ... بس امنعوهم الي موديل جديد ... وسامحوني علي الاطاله .... وشكرا صاحب الموضوع ...

 

[ساسكو]

اخوي الكلام هذا موصحيح
الي يسون هذا الشغل الي يودون سياراتهم للعراق
ياخذها قرع ارخص لهم ويركبوا عليها زوائد بره علبون من الوكالة
والساير موعجزان يجب عمال على حسابه ويخليهم يركبون بالمخزن
حدث العاقل بمى يعقل >> حق الي مصور .

لا صحيح و100% انا اداوم بالجمارك ميناء الشويخ الكامل من الاندكروزر يجي بس فتحه وونش بس الكشافات هو اللي يركبهم مع السنسر مع الشاشه وبالنسبه للسعر شنو ادفع 15 الف على لاند كروزر اسحب كشنه سحب يدوي مو كهربا اذا وصلت هلا سعار اخذ جيب بورش والحين البابطين يقولك سعر الجيب السفاري الدرجه الاولى 20 الف ليش شصاير بالدنيا اخذ جيب لكزس570 ازيدها 4 الاف واخذه من الوكاله درجه ثانيه ولا مستعمل 2009 ب20 الف الله المستعاااااااااااااااان

 

[fasal1979]

والله يا اخوان اللي يفهم
مايشتري من الكويت كلها
احجز لدبي روحه بس ب30 علي الجزيره
واسكن فندق بالشارجه تحتي المكاتب
واتقلب واتفحص يومين
والثالث اشتري وارد
واستعمل اهني سنتين وابيعه بربح
وخل وكالات الكويت تريح
انا كل سياراتنا انا واهلي وربعي وارد
لا واذا عرضت سياره قالك الساير .. البشر .. الغانم..
اللي يشوفهم يقول يحطون لهم ذهب
ورب الكعبه 90% من الكويتين مايدلون الوكاله
بنشر الجمعيات يبدلون فيه زيت وفلتر
واسف علي الاطاله

 

[ساسكو]

والله يا اخوان اللي يفهم
مايشتري من الكويت كلها
احجز لدبي روحه بس ب30 علي الجزيره
واسكن فندق بالشارجه تحتي المكاتب
واتقلب واتفحص يومين
والثالث اشتري وارد
واستعمل اهني سنتين وابيعه بربح
وخل وكالات الكويت تريح
انا كل سياراتنا انا واهلي وربعي وارد
لا واذا عرضت سياره قالك الساير .. البشر .. الغانم..
اللي يشوفهم يقول يحطون لهم ذهب
ورب الكعبه 90% من الكويتين مايدلون الوكاله
بنشر الجمعيات يبدلون فيه زيت وفلتر
واسف علي الاطاله

كلامك 100% اللي صانعها اليابان مو الساير اللي بيشتري يقولك الساير ليش انشالله اردا المواصفات بالساير اروح لعمان وارد البريمي جي كس ار مواصفات في اكس ار وخل الساير يستريح وفرق بالسعر

 

[q8ty_azgarty]

اخوي ترا كلامك صحيح وموثوق فيه وعلي فكره مو بس الساير حتى الغانم
والي مو امصدقي روحو شوفو تواهو الغانم عند محل تنجيد
يم كراج اوكي
اول شارع كندا ادراي مو راح يكون المسد علي اييدك يمين اخذ لفه المسجد وكمل سيده راح اييلك ابويهك كراج اسمه اوكي
اخذ يسار في محل تنجيد كبير انزل وشوف الباب الثاني سيايير الغانم

 

[Rap Soul]

بسم الله والصلاة والسلام على اشرف المرسلين سيدنا وحبيبنا ونبينا محمد صلى الله عليه وسلم وعلى آله وصحبه اجمعين ومن اتبعهم بإحسان الى يوم الدين

السلام عليكم ورحمة الله وبركاته

كلامك 100% اللي صانعها اليابان مو الساير اللي بيشتري يقولك الساير ليش انشالله اردا المواصفات بالساير اروح لعمان وارد البريمي جي كس ار مواصفات في اكس ار وخل الساير يستريح وفرق بالسعر

اخوي بارك الله فيك " إن شاء الله " جذي تنكتب
عسى الله يوفقك ويوفقنا ويوفق جميع امة المسلمين اللهم آمين يارب العالمين

اخوي ترا كلامك صحيح وموثوق فيه وعلي فكره مو بس الساير حتى الغانم
والي مو امصدقي روحو شوفو تواهو الغانم عند محل تنجيد
يم كراج اوكي
اول شارع كندا ادراي مو راح يكون المسد علي اييدك يمين اخذ لفه المسجد وكمل سيده راح اييلك ابويهك كراج اسمه اوكي
اخذ يسار في محل تنجيد كبير انزل وشوف الباب الثاني سيايير الغانم

اخوي بالنسبة للغانم انا كنت قبل فتره شايف التاهو عندهم وسائل عنه
وقال لي الموظف جزاه الله خير اذا تبيه تقدر تاخذه واضيف لك الشاشة بسعر معين واذا تبي اضيف لك الجلد بعد له سعر معين
يعني وضح لي انهم يضيفون لك اللي تبيه

واعتقد السيارات اللي شفتهم ناس طالبين مواصفات وقاعدين يسوونها لهم
هذا والله اعلم

في أمان الرحمن

 

[اماني الكويتيه]

فشلتونا ياتجار وربي قطعتو سمعتنا من الفضايح
ياناس اناس ماتعرفون احد باليابان يوصلهم الخبر والصوره صراحه سكتنا وايد علي المصخره

 

[خدمة الشعب]

بصراحه

أحنا الشعب نستاهل اللي يصير فينا من التجار و الشركات

عمرنا ما راح نتعلم و أتمنى من الشركات ( تزيد الأسعار )

دام لا حسيب و لا رقيب من الحكومه و الشعب مبسوط ويشتري منهم

شلون ما يطمعون هالشركات !!

حسافه يا الكويت اللي يصير فيك

 

[اسكاليد]

مو بس الكويت حتي عبداللطيف جميل وكيل تويوتا بالسعوديه يسوي نفس الساير واردي

باختصار لانهم يدورون ان التويوتا مرغوب حتي لو تجميع الصين هم راح يمشي

لو العالم الي بالخليج بس تسوي مقاطعه لمده شهر واحد عن وكالات تيويتا او غيرها

راح يتسنعون ويمشون علي السراط المستقيم ,,

 

[saas2000]

السلام عليكم يا اخوان والله الموضوع يشد الأنتباه ويستاهل المناقشه فعلا .... انا من وجهة نظري واللي تحتمل الصواب والخطأ إن اللوم ما يقع على التاجر أو الوكيل وإنما يقع بالدرجه الأولى على المستههلك والحكومه اللي المفروض تحمي المستهلك من جشع التجار
يا أخوان لو كنا كمواطنين نقاطع أي شي نحس انه مبالغ بسعره كان التاجر حط الف حساب قبل لا يفكر يزيد أسعاره علينا بس احنا ثقافتنا الأستهلاكيه جدا متواضعه عكس الشعوب الأخرى ..
والأمثله مو بس بالسيارات في جميع السلع الاستهلاكيه
أنا شخصيا سنة 2008 مدبر واسطه تخيلو يا جماعه مدبر واسطه على الساير عشان اقدر أحجز جيب لاندكروز وكان قيمته 17000 دينار والحين قيمته يقولون 19000 وما تحصله على شنو بالله قولولي هالجيب يطير يعني مهو كان سعره في 2007 تقريبا 14000 ليش هالزياده والناس تشتري لا وتدبر واسطه عشان يحصل سياره شلون تبون التاجر ينزل اسعاره من حقه يرفع ويرفع ويرفع ومن حقه يقلل بالمواصفات عشان يستفيد اكثر .......... البلا يا جماعه مو بالتاجر البلا فينا احنا .

 

[sound blaster]

حسبي الله عليهم ونعم الوكيل


حسبي الله عليهم


حسبي الله عليهم


مشتغلين بوق بهل ناس ... ولا ياليت الاسعار مثل الأوادم


هذه آخرتها ...

القهر ان الشركه تقول في خلل مصنعي ..

والحبيب مصرّح نحن سنقاضي كل من يقول بأن لدينا أخطاء مصنعيه ...

بعرف وين تصنعون سياراتكم؟ باليابان أو بالبقاله

 

[الغريب العجيب]

يا اخوان انا مالي شغل ولا اشتري من الوكاله لأنه الحاله الماديه ما تسمح

ولكن عندي تعليق

انا واحد من الشباب قالي انه الوكاله تطلب السيارات بمواصفات معينه ومن اجل التوفير تطلب مثلا من نيسان سيارات يابانيه ولكن الطلب يكون انه الكشافات تكون صيني والليتات صيني والداخليه صيني والطبلون صيني وكل شي اسمه اكسسوار بكون صيني من اجل التوفير

وهالكلام اللي شفتوه بالفيديو انا شايفه بعيوني قبل فتره واستغربت من هالسيارات هذه ولكن الحين عرفت السبب

وروحو وشوفو هالسيارات بعيونكم

بركبو الشاشه قولو ب 200 دينار ولما تجي تشتري ويكون بالمواصفات شاشه يزيدو عليك الف دينار اذا مو اكثر


الله المستعان بس

ولكن التجاره شطاره

ما ادري هالشي حلال ولا حرام الله اعلم

وازيد على كلامي انه الواحد يحمد ربه السيارات ببلاش ( بالنسبه للمستعمل ) والله وشوفو السيارات المستعمله ببلاش والله فيه سيارات ب 150 دينار وفيه سيارات ب 15 الف هذه ترجع لقناعة المستهلك

والله ببلاد ثانيه السيارات توصل اضعاف اضعاف حقها بالكويت هذا غير الضرايب كل سنه

والأخ اللي بقول انه الحق على المستهلك بالله شلون المستهلك يبي يعرف اذا الشي راكب اساسي ولا تجاري ؟؟؟

هذه لازم تكون مراقبه من قبل جهات مختصه


واسف على الأطاله

 

[abu yousef]

لاحول ولا قوة الا بالله .... يا شباب السياره تطلع من المصنع قرعه ويحطون السنسر والجناح واى اضافات تكون جايه مع السياره بس مو مركبه لانه المصنع مو فاضى يركبلك ولى يكون مركب من المصنع الى يكون معروض فى المعرض عندهم يكون شد المصنع كل الوكالات جذى فى ناس ما تبى شاشه فى ناس تبى شاشه من غير فتحه ترى ما يعيب الشركه هل شى مسوينها فضيحه والله انه الى مصور هو الفضيحه والله يرزق عباد الله

 

[محمد السليمان]

اخوانى اتا اعرف محل اركب فرميكا بنى غامج او فاتح حق سيارات الساير يم جبرة الخضره بسعر
ارخص من الوكاله وكذالك سيارات الجمس والشفر اركبون لها فتحات فى كراجاتهم

 

[صقرالبحر]

انا بحياتي ماشريت تويوتا ودخلت وكاله الساير
سنه 2004 اول ماتغير البرادو شفت شكله حلو
ورحت شفته وسالت عن السعر كان يقولي 8500
قلت شنو استريييح زين هذا حده 5 الاف وكان وقتها
اليوكن 8700 دينار وطلعت برا كله ياباني خرابيط بخرابيط

اقول اذا تبي تدفع 20 الف عندك x6 بس لكن من يفهم الزين

 

[اليوفي الثاني]

والله مهزله