فضيحه تيوتا الساير في الكويت ؟؟!!!!!

[meeshaal]

ومنو طقك على ايدك وقالك اشتر من الساير وهذا اللي مصور هو اللى يدور السوالف ترا والله ماله داعي محد مغصوب

 

[المؤشر نت2]

كلامك صحيح 100 %

انا انصدمت لما رحت مع وااحد من الربع قالي ابيك توصلني الي شرق ابي اخذ سيااارتي
الجيب 2009 قبل سنه هذا الكلام قلتله ليش مو الساير
قالي اذا الساير يركبون لسياارااتهم عنده وارخص الاسعااار
المهم
شنهو ركبت عند احسان قالي صاجات داخليه علي السكان والجير والطبلون وعلي الابواب كلفني 150 دينار وعند الوكاله 300 دينار
والله علي ماقوله شهيد
وسلامتكم

 

[q8ty_azgarty]

بسم الله والصلاة والسلام على اشرف المرسلين سيدنا وحبيبنا ونبينا محمد صلى الله عليه وسلم وعلى آله وصحبه اجمعين ومن اتبعهم بإحسان الى يوم الدين

السلام عليكم ورحمة الله وبركاته







اخوي بارك الله فيك " إن شاء الله " جذي تنكتب
عسى الله يوفقك ويوفقنا ويوفق جميع امة المسلمين اللهم آمين يارب العالمين






اخوي بالنسبة للغانم انا كنت قبل فتره شايف التاهو عندهم وسائل عنه
وقال لي الموظف جزاه الله خير اذا تبيه تقدر تاخذه واضيف لك الشاشة بسعر معين واذا تبي اضيف لك الجلد بعد له سعر معين
يعني وضح لي انهم يضيفون لك اللي تبيه

واعتقد السيارات اللي شفتهم ناس طالبين مواصفات وقاعدين يسوونها لهم
هذا والله اعلم

في أمان الرحمن

اخوي صح كلامك يضيفلك جلد ويضيفلك شاشه بس يسويهم عند محل معين بره
المحل يعطيه ابسعر رمزي ويبيعه عليك ابدبل
روح المكل وشوف سيايير الغانم واذا مادليت انا اوديك ابنفسي
وعلي فكره المصري الي يشتغل بالزينه داخل الغانم اهو الي قالي هالحجي وانا رحت ابنفسي تأكدت رحت المحل وشفت سيايير الغانم
لانه كان متهاوش وياهم ويبي ينهي عقد العمل فا قال علي وعلي اعدائي وقالي لا يقصون عليك ولا يبوقونك روح المحل نفسه الى احنا نتعامل معاه يعطيك ارخصورحت صج وشفت

 

[B-A-1983-A-B]

كلا ياخذ نصيبة

اللة يكون بالعون ,,, انا اقول الواحد يطلب سيارتة من برا ابرك لة من هالشركات على الأقل ارخص واحسن دام المواصفات صارت تركيب لا بالله المواصفات بالسيارة التجارية احلى مليون مرة من الي بالديرة عندنا والدليل شوفو اليوكن اليديد الامريكي فول اوبشن و وارد الوكالة وحكمو بنفسكم والله اللي يستعمل التجاري مايفكر يشتري من الوكالة ووفر على نفسك الفين على الاقل عيالك أولى فيهم ..

 

[fasal1979]

عليكم بالشارجه
وادعوولي

 

[قرم وفقير]

الله يعطيك العافيه على الموضوع , اهم شي انك تفضح الساير وعشان الكل يعرف شنو قيمة التويوتا الي ذابحينا فيها مدري على شنو قطع غيار غاليه وشكلها قبيح وماتسوى حتى قيمة سيارة هونداي .
اخوكم _ عاشق نيسان

 

[اسير الشوق1]

عليكم بالشارجه
وادعوولي

مــــــع كل احترامي لوجهة نظرك لا كن

عز الله انك ما نصحتهم ....


عليكم بالالمانـــــــــــــــــــــي ...

 

[صقرالبحر]

انا رحت الشارقه السيارات فيها
اغلي من الكويت بكثير لاتتعبون انفسكم
العراقيين ماسكين السوق ورافعين الاسعار فووووق

 

[mxxy]

انه مادري شنو الي يخليكم تشترون تيوتا ؟؟؟ ومادري شلي يخلي الناس تقول عن هالسياره قويه ؟؟؟ ياخي كافئ نفسك وبفلوسك بالافضل تره الوكالات وايد والاسعار وايد وعلى الاقل السيارات الامريكية والبريطانيه والامريكية تتطور وتتحسن لكن التيوتا وايد شايف حاله وفي وسط الازمه يحفر حق باجي الوكالات ويرفع من سعرها وعلى شنو مادري ، يكون طالع طلعه مسوي برادو 2010 وربي شكله سيء للغايه ويقولك فيه 9000 كاميرا اخر شي طلع 2 سنسر جدام وره ... وانه اتكلم عن التيوتا ماني شغل بتكنلوجيا اللكسزس ونعومتها او الانفنتي وغيره .

عمري ماريت بشارع ألا وشفت كامري يا مقلوب يا مبنجره توايره او السياره طايره بالسما فوق وضراط والله ضراط كل ساعه رافع سعر


وبعدين شالنظام الغير حضاري هذا يقول سعر السياره 10500 بس احنا نعطيك خصم 500 دينار ويصير سعرها 10000 ياعمي احترموا فن البيع ، ولا طالعلي رئيس تويتا يقول حق الناس تره انه ((( ابجي على الحوادث نتيجة الاخطاء الصناعيه و تره جنرال موترز محتره منه )) صج ياباني ، خو اللذين إذا جنرال موترز أهيه الي تصنع لكم اللكسزس ، والله جنرال موترز لو ما الازمه العالميه جان ما تجرئ هذا المنافق يقول هالكلام هذا / \\

وعلى فكره اسعار بيع التويتا مو مثل الاول ونتيجة عدم ثقة الناس فيه والناس قامت تعرف حق افلامه

 

[مراقب الاسهم]

مايذبحي الا اذا قالو الشرطيه واشاعوا بانها شيك مصدق
وينجرف المنجرفون وراها فلان ليش شريت تيوتا وذابح نفسك بالاقساط الجايده
قال : ماعليه شيك مصدق سعره فيه
تسال صاحبك الثاني ليش شريت تيوتا غاااااااااليه قال : ماعليه سعره فيه شيييييك مصدق

مايدري لو كل عاقل بالغ حر بيده آاله حاسبه وقارن بين سيارتين بعد 3 سنوات يعرف ان العمليه نسبه وتناسب من ناحيه السعر
يعني بو15 الف يصير بعد 3 سنوات استعمال 11الف
وبو 10 آلاف يصير بعد 3 سنوات 7.500 الى 7000آلاف

ولكن الظاهر حجم الفلوس غيب على لغه العقل والمنطق 11الف

يقولون شيك مصدق

طلع فلم مصدق مشينه على البعض

 

[نواف الخالدي]

والله العظيم انا اشتريت لحد الان تقريبا 20 سياره من استلمت الليسن واستخدمت جميع الانواع ( الامريكي . الياباني . الالماني ) ما ارتحت الا للامريكي والالماني غيره لاتدورون

كان عندي لاند كروز 2001 شريته بمبلغ وقدره بطني بط بانزين قمت ادفع قسطين قسط اللاند وقسط البانزين ومره دعمت عليه انكسر الشبك والدعاميه وليت واحد كلفني تصليحه تقريبا 200 دينار الليت شريته تجاري بحدود 40 او 50 دينار ماني ذاكر المهم بعته بعدين شريت يوكن 2003 قلت بسأل عن اسعار قطع غياره رحت للأهليه قمت اضحك والله يا جماعه احس اني داش بقاله كل شي فيه رخيص وقلت من يومها ما على الامريكي شي مواصفات + جوده + قطع غيار رخيصه

 

[hawawi]

ياجماعه فضايح تويوتا صارت وايد الحين ومشااكلها وايد وخسائرها اكثرت بأمريكا وبالصين وبكل الدول
وشكلها قريب بتعلن افلاسها ما على النيسان

 

[q8delta]

,

,

السلام عليكم ورحمة الله وبركاته

للمعلومية فقط .. كل التويوتا اللي عندنا في الخليج

ما يورد من اليابان

اكثر وارد استراليا وماليزيا وتايلند

وامريكا ..

..

اما الدول الثانية غير الخليج اقصد الدول العربية

التويوتا عندهم فيه ملصق على الباب مكتوب made in japan

تحياتي

 

[z-75]

شنو تويوتا
ولا في مره فكرت اشتريها
واحد من الربع شرى حق مكتبه تاكسي جوال تويوتا كورولا وتحسف كل 6شهور يبي يبدل سفايف حق التكاسي وسعر السفايف حده غالي بمقارنة بالهوينداي والشفروليه وباالأصل سعر السياره اصلا غاليه

 

[سراج الأقصى]

السلام عليكم ..

يا اخوان ..

أنا كنت عند احسان قبل شهر تقريبا وسألته الموظف هناك عن سيارات تويوتا اللي عنده وقالي انه هالسيارات ملك مكاتب والساير ما يتعامل معاهم.

هذا للعلم ..

والله أعلم ..

 

[gulffalcon]

ليييييييش مستغربين بالاخير اقتنعتوا ان الوكالات طايحه فيكم بوق كلهم من غير استثناء انا اقول اذا بتشترون سياره من الوكاله اخذوها ستاندر من غير مواصفات وبره ركبوا عليها اللي تبونه تره الاكسسوارات كلها موجوده بشارع الزينه اوفر لكم بألف مره والتويوتا ارخص مكان بالخليج من عمان فل اوبشن شغل مصنع مو شارع الزينه وجلد الباكستاني احسان وارخص من الكويت بوايد ومواصفات الخليج يعني قصبن عالساير يدخلها وبعدين يدخلها علشان شنو يبدلك دهن وفلتر روح بل بره احسن لك لان انا واحد قالي معلومه ان الفنيين اللي بالوكاله يبوقون من السيارات قطع اصلي ويركبون لكم تجاري عادي يشوفون الوكيل يبوق يعني اهم بيصيرون ملائكه من عاشر القوم

 

[صلو على النبي]

اخواني توقعون عقب الفيديو هاشي راح ياثر باسعار تويوتا في الكوت
ما اظن لان افضل السيارات اليابانيه من كل النواحي التويوتا

 

[Fahad-76]

يعطيكم العافيه شباب بخصوص سالفة تويوتا و الساير اول شي تويوتا من اقوى الشركات بصوره خاصه والياباني بصفه عامه من افضل السيارات ثاني شي شوف امريكا سنويا اكثر السيارات مبيع عندهم تويوتا بالذات لكزس es و RX والتاندرا وبخصوص الفيديو المعروض اهو يتعامل مع شركه يركبون الاكسسوارات الاضافيه علىحسب رغبت الزبون وهذا الشي انا شفتة وتعاملت مهاهم ثاني شغله هذي السيارات الي موجوده اتوقع للتصدير ناس شارينهم ولو هل كلام صحيح ليش ماتروحون تشتكون بحماية المستهلك او ترفعون عليه قضيه والمشكله بزيادة الاسعار الناس روح الساير وشوف جنك داش جمعيه مو وكالة سيارات مو بس السيارات اي مكان شوف الغانم شوف الزحمه تقول يوزع إبلاش والناس طايحتله اقصاد والسبب بأن اغلب الناس موتعبان بمعاشاتها وهذي حقيقه مرو الوزارات وشوفو قليل من قطاعات الحكوميه الي فيها كد وانا كنت اداوم بالساير عندهم ميداني بسنة 2001 ماشفت من هل كلام الي بنقال يبوقون قطع وحطون تجاري بالعكس خدمتهم زينه وبخصوص اسعارهم كتصليج ما اقول موغالي بس شي شائع بجميع الوكالات اما قطع الغيار فأشوفها مناسبه احنا عندنا لكزس وبرادو وكورولا وسيكويا وعندي لومينا 2003 و الله قطع غيار اللومينا اغلى من اللكزس وتويوتا والناس تروح الاهليه تشتري تحسب رخيص اغليه تجاري مو اصلي وكاله *وبصراحه محد يزعل لوتفرون العالم مثل تويوتا خاصه والياباني بصوره عامه والامريكي شنو ديكور كله كلبسات دش باليوكن ولا التاهو البر وشوف تقول قاعد بجبره وبتطيح عليك والبريك الله بالخير خاصه بالصيف والثبات حدث ولاحرج اثبت من الالماني وبعدين شايفين اسعار التاهو واليوكون والاسكليد 16 الف و 22 الف تقولون الياباني الامريكي شنو عيل على الاقل اليابني في جوده
في تكيف سنع حراره موطبيعيه وعلى فكره حتى السيارات الالمانيه نظام تبريدها كل ياباني والفرود نظام البريك الماني وسامحوني طولت عليكم بس هذا واقع ومهما اختلفنا ماراح يتغير موفقين*

 

[maax1]

الحمدلله ما احب تويوتا ولا عمرى فكرت اشترى تويوتا نهائيا ادرى انى مخالف اراء كثيرة
بس انا مرتاح مع سيارات مورسيدس وفورد و gmc

 

[hassankoc]

لا بارك الله فيهم