عشان تعرفون ان الوضع مو طبيعي والمسخرة في الاسعار حاليا ، شوفوا الاسعار قبل كم سنة هذي الاسعار منقولة من مؤسسة المداوله العقارية : 250 مراجعه 750 م2 ضاحيه عبدالله السالم ق 4 - على شارع واحد - يتكون من دورين وملحق . منزل 14 05/10/2002 ----------------- 220 الف 750 م2 ضاحيه عبدالله السالم ق 2 - زاويه - دورين و نصف و سرداب ارتداد منزل (4) ----------------------------------- 230 سوم 750 م2 العديليه ق 2 - على بطن وظهر - يتكون من : دورين وملحق . . منزل جديد 15 8/5/2004 ------------------------------------- 225 سوم 750 م2 الروضه ق 5 - على زاويه - إرتداد + حديقه - يتكون من دورين وملحق . مجدد بالكامل منزل 40 10/08/2002 ------------------------------------ 280 الف 750 م2 الروضه ق 4 - على بطن وظهر وسكه - يتكون من : دورين جيري وحدات . منزل 70 8/4/2006 --------------------------------- سوم 450 1000 م2 الشويخ السكنيه ق 5 - على شارع وسكه - منزل هدام. منزل 1 11/1/2003 ------------------------------ 108 سوم 400 م2 الشهداء ق 4 - على 3 شوارع الواجه : 25×16 ارض 29 04/05/02 ----------------------------- والكمية كبيرة ما اقدر احصرها كلها ، قبل كم سنة طب وتخير ، تبي بالضاحية زاوية تقدر تحصل ، الحين بوفطيرة 400م تبني فيها كوخ ما تقدر عليها ، شنو شالسالفة شصار بالضبط ! ترى الشغلة ما عدت 3-4 سنوات بس و ولع كل شي !!!! انشالله ترد الامور طبيعية كما كانت ولكم التعليق
والله ما تدري المالك يبي البيت يوصل مليون ويبيع وبعدها ينهار العقار واللي يبي يشتري يبي بسعر معقول عالاقل نفس اول قسايم مكلفه 80 الف بارضها وبنايها يطلب 200 واكثر وما في احد يعاف الفايده والمشكله الان تحصل شارع وفي فهد الاحمد يقولك 220 الف اوكي هذا حاله محتاجه بس يطلع الثاني يقولك انا زاويه ابي 250 الف يطلعلك وراه واحد يقولك انا تشطيبي ارقى منهم ابي 280 ويطلعلك واحد يقولك انا زاويه وارتداد وديلوكس وابي 310 الف ويخربها الاخير ابو ثلاث ادوار وسرداب يقولك دخل1000دينار وسكن للمالك وابي 350الف وهي بالنهايه 400 متر وبنيان ابو 100 الف حده عبالهم الناس لاقيه فلوسها بالشارع ويعور قلبك الاطلاله البحريه يطلب 350 الف وتتمقط عالدريشه وينكسر ظهرك عشان تشوف البحر شوف التسلسل بالموضوع وتحصل الكل يبي زود والمشكله مافي شراي الا للمواقع القويه الناس تدفع طبعآ للي عنده فقط واسف عالاطاله ولكن هذا اللي اشوفه بالسوق (يعني صار سوق غنم وليس عقار ) والبنغاليه هم المتحكمين بالسعر
الحل يااخوان انتظار مشاريع الاسكان والارض علي 4 آلاف وتبني البيت علي كيفك وذوقك وكل شي بعيد الحين بعد جم سنة يصير قريب وخير مثال منطقة القرين كانت بعيدة واخر الدنيا الحين بوسط البلد
280 الف 750 م2 الروضه ق 4 - على بطن وظهر وسكه - يتكون من : دورين جيري وحدات . منزل 70 8/4/2006 بيت هدام بنفس المواصفات ينباع الحين على 500 الف !!!!!! زيادة 220 تقريبا ضعف !!! على شنو ارض خايسة ( البيت هدام )
لا وماشفنا شيء للحين .... والحكومة كانها تقول يا تدفع غالي وتندفن بالديون والا تسكن عالحدود !!!!!!!!!!!
السلام عليكم انا اتوقع الاسعار طبيعيه وانا اتكلم لاني شاري ولا بايع لان المستقبل غير واضح صراحه ومن يقول غير ذلك اتوقع انه ظرب من الجنون امانة لكن القيمه السوقيه للدينار ماتسوى شي والدليل على سبيل المثال سنة 2002 تاريخ اول عقار ذكره صاحب الموضوع تقدر تشتري جيب لكزس بعشرة الاف دينار الحين 2010 24 الف دينار ماتجيبلك نيسان الجديد المعروض حاليا فما بالكم الجيب لكزس 27 الف يعني اذا كان البيت ب200 الف سنة 2002 الحين سعره هو نفسه ماتغير 400 الف الدينار بس القيمه السوقيه للدينار نزلت اللي معاه مية الف ماتسويله شي بهالوقت وقبل كانت العشرة الف دينار تسوي اشيااء
هذا الكلام المنطقي الحين فرصة للشرا قبل لايتعزز العقار ويرتفع وتقعد على الحدود النويصيب والصبية شنسوي راح نسوي مدينة كاملة هناك انا احسلي اخذلي شالية على البحر\ واقول بيتي على البحر بلا دوخة
االاسعار اندبلت 300% قبل تاخذ السبعين وقرض من التمويل على جم الف مجمعهم وام عيالك شويه توصل 120 تقعط تشرط تدور بيت ثلاث شوارع وارتداد وحمام سباحه بعد الحين تاخذ السبعين وتاخذ فوقها من البنك 50 الف وطبعا تبيع سيارتك الكشخه عشان القسط تشتري كامري او فورد وانسا تغيرها لين تموت لانك راح تقاسط وبعدك يكمل قسطك الورثه وام عيالك تاخذ 30 الف وبالموت تلقا بيت سد لد حتى الشمس ماتحوشه شوفو بيت عبدالله السالم بجم كان الحين اكو بنفس المنتدى اعلان عن بيت بنفس المنطقه ونفس المساحه السوم 710 الاف وهذا كان سعر البيع 250 ندا الى الحكومه الصمخه اللي تعبنا واحنا انادي وانتو اتصيمخون تحركو واضبطوا الاسعار لاتزيدون قرض التسليف بس اضبطو الاسعار تصرفوا
