Mercedes-Benz CLS 500 2008 AMG

الحالة
موضوع مغلق

راعى^الفتك

عضو نشط
التسجيل
19 يونيو 2007
المشاركات
21
السلام عليكم ورحمة الله

Mercedes-Benz CLS 500 2008 AMG
http://upload.wikimedia.org/wikipedia/commons/3/3d/2006-Mercedes-Benz-CLS55-AMG-2.jpg

ياجماعة ابى اعرف كم سعرة بالكويت وكالة الكاظمى يعنى وارد الكويت كم سعره

واذا امريكى او خليجى او المانى كم ينباع بجليب الشيوخ

يعنى كم سعره اهنى عندنا ينباع او كم فرقه عن سعر الكويتى
اللى بالصورة فل ابشن او خرطى
ادورلى واحد ولا اعرف سعرة القصد ماهو لانى ادور الرخص لاكنى ابا ابى اعرف سعره
وجزاكم وجزانى الله خيرا
 

الملفات المرفقه:

  • 1.jpg
    1.jpg
    الحجم: 48.8 KB   المشاهدات: 208
  • 11.jpg
    11.jpg
    الحجم: 66.7 KB   المشاهدات: 194

560SEL

عضو نشط
التسجيل
13 مارس 2008
المشاركات
731
اخوي ليه بالذات جليب الشيوخ
 

560SEL

عضو نشط
التسجيل
13 مارس 2008
المشاركات
731
على العموم ال 2008 البشر مو اقل من 16000 النظيف مررررره والامريكي تحصل ب 14000 ولو تجيبه بنفسك يمكن اقل والالماني حول ال 15000 وتحت
هذا اللي اعرفه والاخوان ما يقصرون
 

راعى^الفتك

عضو نشط
التسجيل
19 يونيو 2007
المشاركات
21
هلا هلا

اول شى جليب الشيوخ معناها انها اغلا منطقة عند اهل الرابعة وحنا نسمى الكويت كلها جليب الشيوخ للعبرة
لاكن بنفس الوقت هى حكمة حق الجيل اللى بعدنا اذا الله تعالى احيانا يمكن يطلع جيل شجاع مايحب المظاهر والانتخابات والفلوس
شلون حكمة نوريهم كيف جيف تجار ومسؤولين المنطقة من بلدية وجمعية وتجار العقار وغيرهم من لايخافون من الله تعالى يخافون بس انه الفلس لايروح عليهم لين خلوها مجارى

طبعن اكثرهم مجرمين بس يفتخرون بنفسهم ومع الوقت لالحين الناس تحترمهم لانا الحين حنا فى العصر الذهبى للمجاملة والجبناء
وانا اتكلم على قد عقلى وعلى منطقتى اذا بتكلم على مستوى الكويت ماخربها غير اهل التقليد ومرض تقليد الغرب من انتخابات ومظاهرات وحب الظهور بالفضائيات والتسكع والدوجة والنوم داخل شرق والافنيوز وزيادة الرخوم بالشوارع من غشم وزيادة الاجانب وتماديهم بانهم موكفو عندهم محلات بالشويخ ويركبون ويلبسون احسن السيارات والملابس لاحسد فى المال الحرام لاكنهم لايحترمون البلد وهم فى ديرتهم مايركبون حتا حمارة
الغبنة يغازلون بعد بدال مايصلون المفروض عندنا شرطة شجعان يعزون الدين وعندهم حمية لجدانه ويستحون ويسترون على البلد
يعنى غير السرق يبون ياخذون عقولنا ويخربون الدول اللى حولينا خربتها صح
الله يهدينا ويردنا على نهج سلفنا الصالح رضى الله عنهم

المهم مشكور طال عمرك على طاعة الله تعالى

بس هل اللى بالصورة هو مواصفات المانى او امريكى وشنو يفرق عن جليب الشيوخى اقصد الكويتى
وشكرا
 

560SEL

عضو نشط
التسجيل
13 مارس 2008
المشاركات
731
والله يا اخوك كلامك بمحله والاصح مو بس بالكويت بالخليج كله صارو الاجانب ملوك والمواطنين طرارين وصارو الرخوم رجال والرجال اهل الطيب والافعال هم الرخوم والمستغلين لطيبتهم وصارت المرجله بالاستعراض والسرعه والقز والمحترم يقولون له رخمه وخواف ليه انه ما يقز ولا يقحص ولا ينهب فلوس الناس
والله حتى الكلام فيهم يغث
على العموم افضل شي الالماني ولا يعلى عليه بلا بشر وبلا خليجي واللي بالصوره الماني
الامريكي بعد الالماني بالمواصفات وما في فرق عن الخليجي والقطع هي هي لكن في كم قطعه اساسيه ولا تخرب فيه بعض الفروقات
لكن نصيحه لوجه الله مثل الالماني ما في ولو تقدر تجيب بنفسك توكل على الله ترى رخيص وخاصه ال 500 وترى في طريقه للتصدير من المانيا انك بعد ما تشتري الموتر تخلي صاحب الموتر يخصم لك 19% من قيمته اللي تتفقون عليها وهي ضريبه داخل اوروبا وعند التصدير تطيح وراعي الموتر هو اللي يعرف كيف يسترجعها من الدوله وترى النصابين ما يعلمون احد بها ويقول لك المانيا غاليه وشف النت واحكم ويوم تشوف القيمه وتحسبها تصدق انها غاليه ويوم تخصم انسبة الضرايب تشوف انها ارخص من عندنا ولا مما كان الا اليوم يجيبون من المانيا وفاتحين مكاتب واسعراهم ما تتعدى وارد البشر ولا بعد انظف لان اللي يستخدمون يحترمون السياره مو عندنا يخرب الموتر وكل يوم داعم رصيف واذا يبي يبيع يخلف بعياله وما يخلي شي ما يحلف فيه وهو من يقعد يحلف بغير الله اكيد انه كذاب ولا يخاف الله
الله يوفقك بموتر نظيف ما عليه كلام
 

راعى^الفتك

عضو نشط
التسجيل
19 يونيو 2007
المشاركات
21
ايه

بيض الله وجهك ياولد الحمولة الطيبة من هرجك مبين علاك
من اهل الطولات تحب الحق وهاذى كافى

واقول جزاك الله خيرا

وسود الله تعالى وجيه النصابين والمنافقين بالسوق وغيره

واحد من قبيلتى قلتله انت واخوانك تجيبون سيارات من امريكا من 7 سنين واكثر يعنى ودعو الفقر بالنصب او بالحلال الله اعلم
بس انا طلبت منه سيارة استعمال شخصى والله العظيم نيتى استعمال

قالى شتبى بامريكا واهوالها سعرها فرق عن الكويت 500 دينار او نفس السعر ويمكن ماهو نضيف
وقالى حنا نجيب كميات وقام يخربط على كلام ماله داعى
وانا اقدر اخليه يجيب غصب لانى انا اقوى منه مكانة بالقبيلة وساعدته كذا مرة لاكن انا الحمدالله رزقى عند الله تعالى يعطينى باذن الله تعالى اخير منها ويغننى عن الناس

وانا الحمدالله لحقت على وندز95 يعنى انا قديم بالنت طبعن بالصدفة ولا افتخر لانا النت عندى يعتبر بحر زبالةوانتم بكرامة
الا هناك كم موقع 1-2 بالمية نظيف
ادش المواقع طلع فرق السعر اللى يقولة اقل لاكنهم يخدمون الاجنبى النصاب ويخلى ولد ديرتة
لانهم اغبياء ساحرينهم الموقيمين بالكلام العسل وهو كلام سم
اكثر الموقيمين اول اسبوع يطب الكويت يبى ياكل يبى بس يتعشى
وبعدين يبدا التمرد توصل فيه يطق الكويتى او وده بالعقال ليه او ليش لانا الكويتى يحرظهم على الكويتى والقانون على الواسطة
والمال المسيب معرض للسرق والسكوت عن الحق مايهتم اهم شى اعيالى وفلوسى وخل الكويت تحترق
يشوفه يسرق وينصب بدال مايرده ديرته يكنسل اقامته يقوم يوقف معاه
انا ما اقصد العنصرية
بس المفروض اى كويتى يجيب احد على اقامته يعلمهم يربيهم يحببهم على الاسلام واحترام المسلمين واحترام البلد اللى يحسن اليك والله العظيم روحو شفوهم باروبا يحبون الكفار لانا العرب اهناك مايتعدون حدودهم فيه قانون وجيب العربى هذا وحطه بالكويت او الامارات يصير اسد وليه لانه يلعب على شوارب اللى جابوه


ماعلينا

انا اتاسف من المشرفين لانى من الغبنة اسولف اهنى ولنى ادرى فيه ارجال اهنيا تحترم وتقدر
فا مالقيت افضفض اللى اهنى بين اهل الديرة او الدولة اللى انا والد فيها

وجبت هذا مع هذا الموضوع لانى ابى الكويتى والخليجى يستفيد وانا كذالك بمعلوات النقطة من بحر عن الناس اللى تجيب مواتر من برا وطريقة تعاملهم والا مبالاه

الزبدة هم يضرون المواطن الكويتى بالسعر المرتفع او نافعينه
وانتم بكيفكم فيه من يشترى النصيحة وفيه من يضحك على خلق الله تعالى

وشكرا
 

راعى^الفتك

عضو نشط
التسجيل
19 يونيو 2007
المشاركات
21
وقال الأصمعي: قال لي عمرو بن العلاء: يا عبد الملك،
كن من الكريم على حذر إذا اهنته
ومن اللئيم إذا أكرمته
ومن العاقل إذا أحرجته
ومن الأحمق إذا مازاحته
ومن الفاجر إذا عاشرته
وليس من الأدب ان تجيب من لا يسألك
أو تسأل من لا يجيبك
أو تحدث من لا ينصت لك
.
من كتاب الآداب الشرعية والمنح المرعية
 
الحالة
موضوع مغلق
أعلى