اقدر اخذ ال 70 الف من غير لأ اشتري بيت فيدونا

[ابامحمد]

السلام عليكم
يأخوان انا ساكن مع الوالد وماني محتاج بيت في الوقت الحاليالسؤال هو:

اقدر اخذ ال 70 الف من غير لأ اشتري بيت فيدونا؟؟ وكيف!!!

وارجو محد يقولي اشتر بيت ابوك بالورق لأن بيت الوالد مطلوب لبنك التسليف يعني ماستفدنا شيء..

 

[بو ناصر@]

لا اخوي ،، مايصير .
لاتعب نفسك على الموضوع .

 

[general]

فعلا يابوناصر كلامك صحيح غيرنا كان اشطر

 

[بدر الكويتي]

في طريقة سهلة لكن نصيحة لاتسوي هالطرقة وعقبة تضيع فلوسك

حط فلوسك بعقار


الطريقة كالتالي اذا ابوك عنده بيت كاش غير مطلوب تنزل السلفية مالتك على بيت ابوك وفيها لفة مادري شلون طريقتها


لكن اعيد مره ثانية لاتسوي هالطريقه الا اذا تبي تحط فلوسك بمشرع عقاري بس

 

[F*N]

فى طريقه وكل شى بالكويت يصير
تشترى اى بيت قريب لك اب اخ عم او حتى صديق يثق بك
تنزل ال70 بحساب راعى البيت والمنزل يتسجل باسمك بس لاتقلب على صاحب البيت وتاخذه مع ان الطريقه حرام انصحك بالابتعاد عنهاااا وعسى الله ان يرزقك بالحلال​

 

[general]

تتكلمون كأن هناك ناس حمقى مستعدين يحولون بيتهم حقك عشان تستلم ال 70 الف ؟؟ حدثوا العاقل بما يعقل .

 

[شنداخ]

تتكلمون كأن هناك ناس حمقى مستعدين يحولون بيتهم حقك عشان تستلم ال 70 الف ؟؟ حدثوا العاقل بما يعقل .

كلامك صحيح ،،ذهبت الامانه .

اولا طريقة الــ 70 لف على القانون ،،شلون اللي لعب على القانون مايلعب على راعي البيت ... يعني يشتري البيت بلاش وفوقها 70 الف دينار

 

[ابو فوز]

الطريقه معروفه وهى ان ابوك يبيع البيت لشخص ثانى بدون مايدفع هالشخص شى مجرد تتحول الوثيقه باسمه ويعطونه مربح بعد جم الف وبعدين هالشخص الجديد يببع للابن وتتحول الوثيقه للابن وياخذ الابن ال 70 الف بس طبعا الشخص الثالث لازم يكون ثقه ويعرفونه مو اى شخص لان البيت بينكتب باسمه وماانصح فيها لانها فرصه تضيع فيها بيت العمر والفلوس بتطير مابتستفيد منها شى افضل شى اشتر لك بيت منفصل واسكن فيه افضل لك

 

[بوعبدالله _ 66]

انا اعرفلي واحد من جيرنا لف على ال 70 الف مالت البيت واخذها عن طريق شراء بيت ابوه مادري شنو سوى بس المهم اخذ 70 الف


اتوقع كان ماخذهم بنيت التجاره

بعد فتره بسيطه ولا مطير الفلوس والحين لامن بيت اعياله ولا فلوسه

فلوس البيت مو للمغامره لاي سبب كان سوائا تجاره او غيره حتى لو

كانت مضمونه والدنيا ماينقال عليها

وهالفلوس لبيتك اللي بكره بحفظك انت وعيالك بعد الله سبحانه


اعوذ بالله كيف اخذ فلوس بيت عيالي


لا حول ولا قوة الا بالله

 

[المغامر_1986]

ممكن احد يفيدنا بخصوص السبعين

اخواني انا بغيت اعرف السبعين شنو شروطها بالتفصيل

يعني جم مساحه البيت وووو واللي يتزوج غير كويتيه فيه البعض يقول سنتين والبعض يقول 4 سنين وشروط بيت الحكومه

ودي اعرف عن ال 70 بالتفصيل

ولك جزيل الشكر

 

[bosa3ad]

اشتر شقة مطابقة لشروط بنك التسليف وأجرها ب 500 و فوق.

 

[مسـتـثـمـر]

خل الــ 70 لا تلعب فيها
باجر البيت اللي انت فية يصير للورثة بعد عمر طويل للوالد وتلقاك انت وعيالك تحوس من شقة لشقة هذا اذا انت متزوج

اما اذا انت عزابي انسي ماتشمها الــ 70

 

[اماني الكويتيه]

ياخوي يابعد راسي لا تضيع بيتك ولا بيت عيالك وام عيالك الله يحفظك
وبعدين انت تبي تحتال اسمحلي بالكلمه وتدخلي بس تتوقع الحرام هذا بيدوم
ياخوي كل شي سوه الا انك تتحايل
وانا عارفه انه من حقك بس يابعد راسي لا تظلم عيالك وزوجتك تراهم مالهم غيرك غض النظر عن الموضوع تماما وربي يوفقك ويرزقك من حيث لا تعلم
وانا والله ماحطيت نصيحتي عبث وربي وديلك بالخير بس الله عطاك عقل وانت حر
ربي يوفقك يارب

 

[ابامحمد]

يعطيكم ألف عافيه على نصيحتكم ويعلم الله انكم شلتُ الفكرة من راسي
مشكورين على النصيحة الصادقة..

 

[اماني الكويتيه]

فرحتني ياخوي بومحمد
والله يوفقك وين مارحت ويرزقك

 

[* مواطن *]

ابا محمد شلونك زين أكيد زين
شلون تبى تاخذ السبعين بدون لاتشترى بيت اى على موجب شنو يعطونك السبيعين
الله يهديك بس