أسهم جيده ورخيصه ولها مستقبل !! (بنيستوك)

[بشارة]

0.61
موفقين يا ملاك السهم

 

[m&m]

السعر اثناء التداول والله الحمد
65 سنت

اخي ابو غازي وبشارة الحركة هي
http://www.indexsignal.com/vb/showthread.php?t=22355&page=3&pp=15
نزل السهم بيوم الى 15 سنت (حركة ماركت خبيث جدا) وقد ذكرت ان الشراء وبقوة تحت 50 قبل شهرين!

اما الان الشراء بسعر جيد واثناء التداول لكن ما يكون فوق الدولار
والله اعلم
البيع بالنسبه لي ريض جدا

لكن في حالة بيعه سوف اذكره ان شاء الله

اما الان اللي شراء واللي نفسه يدخل يتوكل على الله ويحجز له مقعد في الحافله الثانيه 3 نجوم

بعدها يسكر الجهاز واللي كاتبه رب العباد بيصير

وتاسف لعدم دخولي الا هذه اللخظه

والله يبارك فيكم
ويرزقني ويرزقكم بحول الله وقوته
وماشاء الله ولا حول ولا قوة الا بالله

 

[أبو غازي]

ماشاء الله لاقوة الا بالله
والله زمان ماتسمرت قدام الشاشة

ماقلت لي ياكبتن .... وش رايك في mobl
والوعد قدام

 

[m&m]

هلا ابو غازي

افضل سهم بني منخفض حاليا والقطاع الهوت الويرلز
بسبب انه لم يجتاز الفلتره لم اقرء عنه الا القليل .. ارجع له بعدين
ان شاء نهاية الاسبوع لكن احب اتخصص بعدين يكون خير (حاليا في neomوالله يسهل طريجها ان شاء الله .. .. موبايل برووفيه ارتفاع طيب مستقبلا لكن بيغالكم صبر عليه.. وبكميه بسيطه

 

[بشارة]

وش القصة
فجأة هبط السهم من 65 سنت
الى 55
!!!!!! والله قهر من جد

غريبة
كان شاد حيلة، والمضاربة محتدمة ومضطرمة بين 65 و63، في ظرف 15 دقيقة (والستريمر) الزفت مهنق بعد! ينزل الى 55
نبي تفسير يا عزيزنا يا اخصائي نيوم!
وشكرا لك

 

[m&m]

اخوي بشارة اذا شريته تحمل نزوله مثل ما تتحمل ارتفاع

شيء عادي

ولا تنسى انها اسهم

عاد neom تبغى دعواتكم
بالله لا تخوفني


عاااااااادي

جدا ( الكل يشتري شف الفاليوم واحكم) لو نزل السهم 20 سنت كيف بتكون هذه مرت على شخصيا في نزوله الاخيره
اللي يشتريه يتحمل الخساره قبل الربح

انا اعطيه ترند صاعد ان شاء الله وبحول الله وقوته

اما اني اضيف ما عندي غير اللي قلته سابقا
والارزاق بيد الله

ان شاء الله يرزقنا فيها بلا حساب

 

[بشارة]

لعمرك ما ضاقت بلاد باهلها ## ولكن أخلاق الرجال تضيق



صدقت اخي الكريم

كلها اسهم لا قامت ولا قعدت ، لكن وش نسوي ، هذا هو الانسان ظلوم وجهول، وعجول (بفتح العين)

كنت كسبان 18% وفجأة تخسف (على حين غرةمني) بسبب الزفت الستريمر اللعين كان مهنق على 62 ، وانا مبسوط وقاعد اشخّص واتبسّم ، وعلى بالي هامور اسهم ! مادريت اني من جنبها
يوم فتحت حسابي باشوف الكاش الا يطلع لي السعر 56 !!مفاجأة تعيسة أليمة

ما علينا ..على قولة جحا : ما فاتكم اليوم تجدونه غدا بإذن الله

 

[m&m]

ضحكت من سالفه جحا هههههه


اضخك الله سنك


جزاك الله خير

تفائل بالخير وان شاء الله تكون ختامها مسك وعنبر

لا تخاف

 

[m&m]

ملاحظه:

اللي يشتري السهم رجاء يحدد الهدف من الآن .. مستثمر
او مضارب يستفيد من ارتفاعات السهم

.. هذا السهم بالنسبه لي اقل مده امساك لو كتب الله لنا عمرا

هو 10 شهور

الهدف القريب جدا 1 دولار بيجيها بعون الله في مده بسيطه

الهدف واضح
على نفسي سوف اسكر الجهاز للمتابعه فقط واخباره وليس لي نية لبيعه ابدا ابدا
راحت المده العصيبه زمان والان لا خوف بمشيئة الله


بالتوفييييق للي شراء واللي يتابع

واولا واخيرا ادعوا الله لي ولكم بالتوفيق

neom = جوجل قادمة بحول الله

رائي الخاص فيني

لا تحرجوني لو نزل السهم او ارتفع بالنسبه لي محدد الهدف والله كريم

 

[أبو غازي]

وانا مبسوط وقاعد اشخّص واتبسّم ، وعلى بالي هامور اسهم ! مادريت اني من جنبها

هههههههههههه
وشلك وشل الهوامير
خلك في الصافي والشعري

واصبر وما صبرك الا بالله
واعتقد انه في نهاية السوق امس كان هناك بيع بشكل ملحوظ ادى لنزول السهم
وش السبب مادري
لكن نسأل الله التوفيق

 

[أبو غازي]

لاحظ ان السوق مايساعد
والا كان علووووووووووووم لو السوق طالع

على العموم اللي صبرنا سنتين يصبرنا بعد 10 شهور على قولة ام اند ام

والونيت قامت تزيد حنته وغبرته يبي يطير ......... يالله سترك

 

[m&m]

الله كريم

اخوي ابو غازي

واخوي بشارة

لا تستعجلون

ولو خسرتوا شوي اصبروا وصابروا

وانا مثل ما قلت لن لن لن اببببببببيعه الان

وان شاء الله تشووووفونه يرفرف بي$$$$$
ان شاء الله قريبا نعوض الخسارة وتغرد الطيور ان شاء الله

 

[أبو غازي]

يبدو ان سيناريو الامس سيستمر اليوم

وان شاء الله بعد هذا يرفرف فوووووووووووق فووووووووووووووووق

 

[m&m]

ان شاءءءءء الله

بحول الله وقوته

ننتصر


السهم حسابيا 200 يوم تقريبا 85 سنت

وهي مقاومة

وان شاء الله يكسرها بخبر او لايسن او المضاربين يحبون السهم فايرفعووونه

السهم واضح انه لحد الآن محبوب جدا

ابو غازي صدقت في صبرك وان شاء الله تكون 10 شهور 5 شهور
ويدبل بالاربع

مخاطره ومغامره مع عائد وعدم تهور بل دراسة

ان شاءءءءء الله يوفقني ربي واللي شروا
ونتابعه سويا

والظاهر والله العالم ابتسمر قدام الجهاز

 

[Penny$Maker]

الله يعطيك العافية اخ M&M اتوقع لشركتين من اللي ذكرتهم تروح سوق AMEX
ألا وهم:
VTLV
Neom
وانشالله بتشوف فيهم خير خاصة مستقبلهم يبين واحد من اثنين يا ازدهار يا شراء وحده منهم لإحدى الشركات الكبرى باذن الله (هذي رؤية مستقبلية لأسهمك) حيث بمجرد النظر لهم تبسط التوقعات على اراضيهن

بالتوفيق يا رب

 

[بشارة]

الله يحفظكم ويوفقكم
الصبر مفتاح الربح ان شاء الله

اخي ابو غازي واخوي ام &ام
ابشروا بالخير ان شاء الله
وما يضيع سهم ووراءه مضارب

 

[أبو غازي]

بشارة
هاه بشر ان شاء الله رجعت 18 %
ماشاء الله نيوم اليوم مبدع .... وسيكون اداءه قبل الاغلاق قوي
وارس ياترس واعتدل ياملف ..... الوعد قداااااااااااااااااااااااااام

 

[أبو غازي]

والله انا قابل كل يوم 5% بس .... انا ماني طماع
خمسه في الميه * 5 يام = 25 % في الاسبوع
يعني مية في المية في الشهر
مش بطال هالربح ....

 

[أبو غازي]

واذا 10% ... زي اليوم ..... برضه قابل
للمتابعه
والاسبوع القادم لنا عودة .... بس اللي يهدي السوق بعد القرايه وتطلع جنيته

 

[أبو غازي]

ابك ابك ابك ابك
غرقنا يالربع
رعوووود وبروووووووووووووق وامطار عندنا الان ........... النجدة ............... هيلب
ماتلي دو سمثنق ..............
اللهم زد وبارك
اللهم صيبا طيبا نافعا