مشروع شمال الصليبخات (بيوت حكومه ) متى بالضبط ؟

[mr_n]

مشروع شمال غرب الصليبخات 1736 قسيمه وبيت .....القسايم توزعت منها 1030 قسيمه وخلاص .. الحين باقي 396 بيت حكومي .

السؤال متى راح تتوزع هذه البيوت ؟
وسمعنا انه فيه مطالبات بتحويلها الى قسايم ارض وقرض .

اللي عنده خبر ياشباب يفيدنا

 

[مفتاح]

اخوي بيوت الحكومة قريبا تتوزع عشان يسكرون المنطقة
أما بخصوص تحويل بيوت الحكومة لقسائم : أعتقد صعبة والأسباب
1- ناس تبي بيوت حكومة ماتبي ارض وقرض
2- مخططها توقع مع الشركه يبنون بيوت حكومية
3- كل منقة لازم فيها بيوت حكومة
والله اعلم

 

[مستريح]

في كثير من الناس ترغب في البيت وترفض القسيمة ونحترم رايهم ولسببين

الاول لقلة القسط مقارنة بالقسيمة

والثاني لجاهزية البيت والابتعاد عن مشاكل المقاولين ونصبهم

وصعب جدا تحويلها لقسائم لان العقد قد أبرم وانتهى

 

[F*N]

في كثير من الناس ترغب في البيت وترفض القسيمة ونحترم رايهم ولسببين

الاول لقلة القسط مقارنة بالقسيمة

والثاني لجاهزية البيت والابتعاد عن مشاكل المقاولين ونصبهم

وصعب جدا تحويلها لقسائم لان العقد قد أبرم وانتهى

مستريح شلونك العكس صحيح اغلب المواطنين يرغبون فى القسيمه والاحصائيات تبين ذلك وان شاء الله يحولونها الى قسائم عشان الكل يستفيد والله يعطيك على قد نيتك اضعاف مضاعفه
وتقبل مرورى

 

[متوازن]

مافيه توزيع دون السنتين والنصف

 

[المعلم فهد]

السلام عليكم اليوم انا في الاسكان سالت عن البيوت الحكومية متى يوزعونها وقال الموظف ما اعرف متى يوزعونها قلت للموظف سمعنا انهم يبي يحولونها قسائم قال انسى

 

[alsa3eb]

السلام عليكم

اخوي فن الآخ مستريح قال ( كثير من الناس ) وما قال ( أكثر الناس ) وفي فرق بينهم

وانا مع الأخ مستريح في كلامه.

ودمتم سالمين