الارض السبخه .. مالها وماعليها

[q8_king1]

يريت اخوي تصور لنا طريقة البناء بعد عملية سحب الماء وطريقة صب اللبشة وهل في انواع منها

 

[bo_hamod]

تسلم ....

 

[طارق55]

الاخ q8_king1

للاسف اخوي ماعندي صور لللبشه بس هي عباره عن صبه خرسانيه ارتفاعها نصف متر علي كل القسيمه .. عاد تخيلها انت ..

 

[q8free2009]

مشكور يا راعي الموضوع على مجهودك والسبخه الموجوده في منطقة صباح الاحمد اسمها سبخة ام الفلا من اكبر السبخات وتمتد لمسافه كبيره بس بالضبط مادري اشكثر ومعروفه لرواد البر في تلك المنطقة

 

[المطبه]

شاكر لكم اخواني ..
وهالارض في جابر الاحمد .. وهي الارض الوحيده الي شفتها بالفريج تحتاج سحب الماء .. الباقي بس لبشه .. يمكن لان راعيها بيسوي سرداب .. والباقي مافيها سراديب

موضوع مفيد ومهم بارك الله فيك ياطارق
بالنسبه لجابر مريت القسايم هناك وكلمت المقاولين يقولون حفر 2-2.5 متر مافي مشكله في الماء بس اذا حفرت أكثر من جذي راح تحتاج سحب ​

 

[ikdla]

وينكم يالحكومه, والله ادري ما راح تلقي بال لنا, لان هم يبون جذي, يبون المواطن ينتف ريشة عشان يهتم بهمومه وما يبطل حلجه.

 

[snouman]

ابي اسألك اخوي طارق بشغله

انا سمعت انك تقدر تحط لك جهاز للسرداب بعد ما ينبني يشفط الماي

وحوله للمجاري صح هالكلام ؟؟؟؟

 

[طارق55]

الاخ المطبه

كلامك عدل .. بس لاتنسي ان في اراضي علي صيهد .. لو تحفر ثلاث امتار ايضا مافي مشكله معاهم ..

--------------
الاخ snouman

كلامك عدل ..

اول شئ يجيبون بايبات العدساني الرماديه مقاس 3 انش .. ويخرمونها من فوق فقط .. ويحطونها علي شكل مربعات الشطرنج متصله بعضها ببعض .. ويخلون بين المربعات بحص كبير او حصم .. ويخلون للبايبات ميول كلها الي جوره .. في طرف البيت او الحوش .. والجوره عباره عن بئر ماي .. ويحطون فيها ماكينه شفط للماء تنباع في الصفار ب 70 دينار .. ويوصلونها ببايب الي البالوعه الرئيسيه الي بره البيت .. وهذا تشتغل اوتوماتيك .. وبهذا تتعامل مع الماي وتطلعه بره بدلا ان تعانده ويعاندك والنهايه انت الخسران ..
كان عندي صوره لكل هذا الامر بس للاسف ضاعت الصوره وراح ادور عليها لان الصوره عن الف مقال ..
علي فكره هالعمليه ماتكلف وايد .. اقصي شئ يمكن 400 دينار .. ويمكن اقل بعد

=================
بس هالعمليه كلها تسويها بعد ماتنشف الارض من الماي لانك ماتقدر تسوي اي شئ الا ان نشفت الارض .. وايضا في ناس تسويها وتسوي اللبشه فوقها .. صدقني العمليه متعبه للي بيسوي سرداب في ارض فيها ماي ..

 

[طارق55]

الف مبروك علي الاخوه الي وزعولهم في المناطق الجديده .. وللاخذ فكره عن المياه الجوفيه للاستفاده

 

[ميوسيت]

مشكور اخوى على الموضوع المفيد << حسافة على الماى لو انه حلو يستفاد منه بالزراعة

 

[اللمبى]

أخ طارق شكرا لك -----والكويت كلها على بحر بس تختلف من منطقه الى اخرى بالامتار ........ اللى قريب من البحر لا يعور راسه ويسوى سرداب يعوضه ب 3ادوار وربع

 

[بوالعيس بيك]

مشكور عالموضوع..
ولكن بالنسبه لمدينة جابر الحمدلله ماصار فيها سحب ماي واغلب الناس مسويه سراديب وطبعا لازم لبشه أما سحب الماي ماصار إلا يمكن قسيمتين أوثلاث موأكثر وهذا في القطعتين a وb والحمدلله الأمور طيبه..
والله يوفق الجميع.

 

[كويتي2]

مشكور اخوي طارق على المعلومة الطيبة والله يبارك فيك ...

الله يعين البيوت اللي قريبة من البحر .

 

[الجووووكر]

اخوي شلون اذا ابي اشتري ارض بالمسيله
!!! اكيد في ماي وااااايد بالحفر !!!
اذا ممكن الرد خااص وشكرا سلفا​

 

[طارق55]

شاكر كل الاخوه الي شاركوا بالموضوع .. شرفوني وزادوا الموضوع ثراء

اخوي الجووووكر

اسف علي التأخير لاني توني اشوف مشاركتك .. اخوي الارض حظوظ .. وأنت وحظك ... يمكن تلقي ارض ناشفه وارض مقابيلها بشوي فيها ماي .. ومافي ضمان علي هالشئ والله يعين ..