لا تفكرون تشترون آجهزة ماك من الكتروزان .... ادخلوا للإفاده

[KuWaiT DriFT]

السلام عليكم

اخواني راس الموضوع اشوي يخرع

بس السالفه مو نصب 100٪ بس فيها تلاعب الا و اهوا

ان اجهزة ماك من الكتروزان التعريب فيها معرب من قبل شركتهم فلمن تشتري جهاز راح تنصدم ان الكيبورد احرفه العربيه ما تشب مع اضاءة الكيبورد !!

يعني مخلص الكلام ايبون الجهاز من برا يعربونه اي كلام و يبيعونه و الجهاز 13 انج الي يبيعونه اهما ب 549 اطلبه من برا واصل الكويت 450 الفرق 100 دينار !!

فالنصيحه و خلاصة الكلام الي بيشتري من الكتروزان عشان اسعاره رخيصه خل يطلب احسن له و الي يبي يشتري من الكويت لا تدور غير اي سيتي و ديجيتز

مع العلم ان باجي الشركات مثل آى سيتي و ديجيتز و الغانم .... كلهم تعريبهم 100 ٪ و اسعارهم متقاربه من بعض و الفرق بينهم وبين الكتروزان بال ٤٠ ولا ٥٠ دينار اهيا وايد بس الواحد يشتري راحته و ما يحاتي

الا الكتروزان فهذي اسعاره

و هذي اسعار تخلي الواحد يشك فيهم و انا رحت اليوم و اكتشفت بنفسي .... !!

 

[Mr Seller]

اخوي اهم عارضين الجهاز جدامك و مشغلينه لك و كل شي واضح و ما اعتقد يحاول يغطي انه الاحرف ما تشب ليت و بعدين يكفلونه لك سنه اذا صار شي بالجهاز او انمسحت الاحرف تقدر ترجعلهم و اتوقع ماكو لابتوب ينباع بالكويت الا و تحصله ارخص بالانترنت,, والله اني يبت ماك بوك كنت ناوي ابيعه ب 350 بس بسبة الكتروزان عرضته 325 بس الحق ينقال. يا جماعه هذي ارزاق لا تقطعون رزق الله لا على زغير ولا على كبير.

و عساك عالقوه

 

[saad16]

السلام عليكم

يشتري من الكويت لا تدور غير اي سيتي و ديجيتز
.... !!

سعر ماك بوك اير على 700 عيل على
حسبتهم هذي بجم يطلع على الباجي


تدري ان الجهاز
والديفيدي الخارجي
وبعض برامج الماك المهمه (7 برامح ) لا واصليه بعد ماتوصل لل 700

على الاقل الكتروزان سامحه اني اخذ الجهاز بسعر رخيص وازيد عليه اضافاتي وياصل ال700 ومو مشكله

وحتى لو ابطلبه من برا ماراح يفرق عن الكتروزان الا بنسبه بسيطه طبعا مع الشحن خل الكتروزان تزيد حلال عليها
على الاقل اذا زادت زادت نسبه تنبلع مو فوق الخيال

بس عيبه اني محصلته عندهم

ومثل ماقال الاخ اللي قبلي


اخوي اهم عارضين الجهاز جدامك و مشغلينه لك و كل شي واضح و ما اعتقد يحاول يغطي انه الاحرف ما تشب ليت و بعدين يكفلونه لك سنه اذا صار شي بالجهاز او انمسحت الاحرف تقدر ترجعلهم و اتوقع ماكو لابتوب ينباع بالكويت الا و تحصله ارخص بالانترنت,, والله اني يبت ماك بوك كنت ناوي ابيعه ب 350 بس بسبة الكتروزان عرضته 325 بس الحق ينقال. يا جماعه هذي ارزاق لا تقطعون رزق الله لا على زغير ولا على كبير.

و عساك عالقوه

 

[KuWaiT DriFT]

يا جماعه انتو ما فهمتو الي بوصله لكم !!

انا مو قصدي الاجهزه مو زينه و مو اصليه !!

انا اقصد التعريييب !!

روحو اثنينكم بنفسكم بعينكم شوفوا التعريب بالكتروزان و بآي سيتي و شوفو الفرق و موفقين ان شاء الله

 

[mohamm3d]

حبايبي الكتروزان ابرك من الغانم ويوريكا الحراميه وشغلهم مضروب

روح شوف يوريكا الكاميرات اللي عنده مو اصليه ومضروبه لما تروح للوكيل يقولك هذي مو اصليه

ياعمييييييييييي

 

[KuWaiT DriFT]

خلاص انا غلطان الي نصحت

ارجو حذف الموضوع

 

[nxman]

الاجهزه اصليه ولاكن تعريب الكويت ومافي نصب ولاشي

 

[KuWaiT DriFT]

و منو قالك اني كاتب ان الاجهزه مو اصليه و معاد تصنيعها !!

انا اقول ان التعريب ليزر و اللي ما يفهم بالماك لا يشارك بموضوعي

تعريب الماك مفرووض يكون شفاف عشان الكيبورد ليت مو عادي

و الكتروزان بين الغانم و يوريكا مثل فيفا بين الوطنيه و زين

عروض على الطل .....

ناس تدور الرخص بس تشتري شي كامل مو معربينه بورشتهم و يبيعونه

و ارجو حذف موضوعي و اذا ما انحذف لحد يرد عشان بروحه يروح بالصفحات البعيده

 

[بو بـدر]

ياخوي جزاك الله خير على نيتك ونصحك ...

وكلامك في محله المفروض يكون التعريب اصلي حتى يستفيد الواحد من ليت الكيبورد بس ربعنا يدورون الرخص ويبيعونه بغالي والمتضرر بالنهاية المستهلك

 

[M7MD Q8]

يعني وقفة على الكيبورد!!!!!!!!!!
اصلا كل شركات الكويت لصوص واسعارهم غالية بكل شيء مو بس الاجهزة
حتى جمارك الكويت صار معاهم وقامو يفرضون ضرايب على الشحنات الشخصية
قبل اسبوع طالب عسل من نيوزلندا قيمتة 15دك دفعت لارامكس 7دك ودفعة للجمارك تقريبا 25 اذا مو اكثر يعني قيمة الشحن والجمارك دبل السعر وزيادة ... قانون الجمارك بالكويت متخلف وضالم ومجحف ...الخ <<<<اسف طلعت عن الموضوع بس من القهر قلت الكلام هذا​

 

[advisor]

لصوص بتحمي لصوص شي طبيعي
لو كانت الجمارك كباقي الدول لما اشترى احد من التجار المحليين
حاميها حراميها خخخخخ

 

[KuWaiT DriFT]

ياخوي جزاك الله خير على نيتك ونصحك ...

وكلامك في محله المفروض يكون التعريب اصلي حتى يستفيد الواحد من ليت الكيبورد بس ربعنا يدورون الرخص ويبيعونه بغالي والمتضرر بالنهاية المستهلك

اشكرك يابو بدر و كلامك سليم و بس انت الي فاهم الي انا بوصله للناس

يعني وقفة على الكيبورد!!!!!!!!!!
اصلا كل شركات الكويت لصوص واسعارهم غالية بكل شيء مو بس الاجهزة
حتى جمارك الكويت صار معاهم وقامو يفرضون ضرايب على الشحنات الشخصية
قبل اسبوع طالب عسل من نيوزلندا قيمتة 15دك دفعت لارامكس 7دك ودفعة للجمارك تقريبا 25 اذا مو اكثر يعني قيمة الشحن والجمارك دبل السعر وزيادة ... قانون الجمارك بالكويت متخلف وضالم ومجحف ...الخ <<<<اسف طلعت عن الموضوع بس من القهر قلت الكلام هذا​

اكيد توقف على الكيبورد بدون الكيبورد تقدر تستخدم الابتوب !

فالكيبورد من أساسيات الجهاز و انت ما راح تستفيد من ميزة الليت بالكيبورد

و الناس على قولة أبو بدر يدورن الرخص