يااهل الخبرة في العقارات لو سمحتو افيدوني

[العوشز]

كم تتوقعون سعر قسائم الصليبخات لو فتحو مجال للتبديل لان المنطقه عيني عليها وماحصل نصيب وقفت على 93 وابي منكم تعطوني السعر المتوقع ولكم مني كل التحايا

 

[مفتش تجاري]

والله انا رأي الشخصي ما تسوى شي بالمره تسوى بحاله وحده اذا كان التبديل فيها راس براس بدون مقابل لان الاسعار اللي نشوفها مبالغ فيها لدرجه كبيره ومكاتب العقار هم وراء هذا الارتفاع لانه الاسعار تتفاوت وكل من يطرب على ليلاه اللي يبي 70 الف واللي يبي 50 لقسيمه شارع واحد واللي يقول القسيمه مسيومه ب65 الف يعني ما ادري شنو يبي الاخ يبي قسيمته ب 200 الف مثلا يعني ولا شنو والادهى من هذا كله ان المنطقه ما فيها تبديل او بيع رسمي من الاسكان كله عن طريق محامي يعني حلالك مو مضمون لا من ارضك ولا من فلوسك ولو تبيها بالقانون على كلام المحامين او اهل القانون القانون لايحمل مغفلين تقبل اخي الكريم مشاركتي ومروري على موضوعك

 

[العوشز]

يامفتش تجاري انت شهادك مجروحه لسبب وهو ان الدور ماوصلك وعينك على المنطقة ,,,

 

[مستريح]

انا اتكلم عن الاسعار الحاليه والله اعلم

الراس على ثلاث شوارع 80 الف

الراس الداخلي 55

السد 35

بعد فتح المجال للتبديل اتصور تكون الاسعار خياليه


ابو ثلاث شوارع 120


الراس الداخلي 85


السد 60

ومع ذلك اقول كلها قابله للزيادة لكون المنطقة اخر منطقة في العاصمة وعلى البحر

والله اعلم واتمنى افدتك اخوي

 

[أبوعلي1]

اي والله عالبحر / بس العقار بيطيح باذن الله عالبحر والا عالبر

مو اللي رفع السعر هالامور سالفة بحر و بر / والشريطيه ماصدقوا خبر .... ارفعوا السعر !!
وهي كلها على بعضها لعبة وجذبه وصدقوهاااا