الرد الرسمي من مجموعة الساير على مقطع اليوتيوب

[ابو فاطمه906]

اترك عنك الكلام الفاضي عقول الناس ماهي لعبه

 

[gulffalcon]

والله الساير مو منه يسوي هالي سواه يلزق لكم مواصفات من شارع الزينه او احسان منكم انتوا ماعساه ينزل اعلان بالجرايد عن عروضه اللي كلها بوق في بوق الا طرتوله مثل الهبلان لا ويبي يرقع الاخ يقول عنده قسم خاص لتجهيز السيارات بالمواصفات كل المواصفات شغل الصين يعني يسويها فل ابشن صج تاجر تويوتا هذا لوعنده وكالة بنتلي ولا بورش شسوى
تدرون عاد كانت عنده وكالة الرنج روفر بس ماطولت لان قام يسوى بالرنج نفس اللي سواه بالتويوتا بس الوكاله الرئيسيه اسحبت منه الوكاله وعطتها حق علي الغانم لان شافوا شغله شغل شريطيه كله تلزيق قالوا مو كفوا بوقته كان مطيح حظ الرنج
والمشكله كل هالفلوس اللي ياخذها من هالفقاره علشان سياره ماتسوى موشبعان الاخ عساك ماشبعت هذا الطمع ومايسوي بس توصل فيك تمنع اي واحد يجيب سياره من بره نفس وكالة اوتو ستي اللي في الري الاخ من الحسد اللي فيه راح سكرها الله يخلي الغانم مال الشفرات اللي مابقى سياره في امريكا تجاري مادشت الكويت والبشر وعلي الغانم نفسه مامنعوا اي سياره تدخل الكويت بالعكس تدش عندهم السياره ويفتحون لها ملف واذا تبي يكفلونها لك ماعندهم مانع بس ادفع رسوم الكفاله مو مثلك قاص على الناس بهالسكاريب اللي حرام فيها الفلوس لا ومصدق نفسك وكيل حصري......!!!
الحين بالعالم كله مافي شي اسمه حصري حتى ماكروسفت اللي صمم برنامج النوافذ لجميع كمبيوترات العالم تم منع احتكاره بموجب قرار من هيئة المحكمه الاتحاديه الامريكيه
شنو ماسمعت عن الاقتصاد العالمي المشترك ؟؟؟

 

[السيد الأصلي]

خلوها تصدي

خلوها تصدي طيح الله حظهم أنا كان عندي أوريون موديل 2008 وتأمينها شامل وكنت عند أحد المجمعات ويوم طلعت لقيت السياره فيها زلوق صوب الدعاميه الخلفيه ووديتها حق الكراج اللي بشويخ خلف سيتي سنتر واصبغو الدعاميه كلها وعطوني كفاله لمدة 3شهور على الصبغه... تصورو بعد شهر ونص الصبغه تقشرت ويوم رجعت لهم طلعلي موظف جديد مادري من وين غير اللي استقبلني أول شي ... الظاهر انه يمني ويتكلم نحو... (يبدو أن في عندكم بالبيت جهال يلعبون كره ؟؟) (قد تكون هاذي سياره داعمتك ؟؟)
قلت له يبا انت اشقاعد تقول خبل ؟؟ شنو يبدو ان وقد تكون ؟؟ يعني أمسوي نفسك مثقف مع وجهك كككككككككككككك اي والله قالي يبدو ان وقد تكون كككككككككككككك والله مصخره هالشركه .​

 

[الغريب العجيب]

روح عندهم يورونك مكان التركيب موجود بالعارضية قسم التسليم

اول شي كلامك هذا يثبت انه انت مبعوث من الشركة لأنك عارف مكان التركيب وعارف اي قسم

وهذا اللي مخليك تدافع عنهم


ويا شباب اللي عنده اي جيب حديث من الساير وفيه شاشه يكون متأكد انه الشاشة الموجوده عنده بالسياره ودافع حقها بلاوي موجوده بشارع الزينه بأقل من ربع المبلغ اللي دفعه ومع التركيب

والله يعوض على الجميع

وحسبي الله ونعم الوكيل

 

[خالد32]

لكل جشع نهايه ولكن الاغبياء بيننا بلشونا بلشه يحسب الساير حكومه وذولا من طقة الحكومه ابخص تروح الساعه ست تشتري زقاير من الاحمدي تشوفهم حاطين مطارة شاي وفراش وقاعدين ينطرون السيرفس يبطل مادري يحسبون اذا بدل دهن كل اسبوع يزيد ولاءه للدوله !!!!! واجهت مهندس عندهم جاني في مقر عملي بشغله قلتله يااخي العالم كله يعاني كساد وفي دول تشتري سياره يعطونك معاها ثانيه مجاناً ونزلو الاسعار والشركات الكبرى خاطبو الموزعين من امثال الساير على اساس ينزلون الاسعار شفيه هذا ماينزل قال لا ابشرك زاد الف وقريت بعيونه جنه بغى يقولها ومستحي انكم حمير تشترون زاد الف زاد الفين دفاشه ربعنا مع العلم بحفر الباطن ارخص ب2000!!!! ياجماعه مصيبتنا من الاحتكار لعب بحسبتنا وطحنا بايد من لايخاف الله ولايرحمنا من حديثي النعمه والله المستعان

 

[alnweer]

خلوها تصدي طيح الله حظهم أنا كان عندي أوريون موديل 2008 وتأمينها شامل وكنت عند أحد المجمعات ويوم طلعت لقيت السياره فيها زلوق صوب الدعاميه الخلفيه ووديتها حق الكراج اللي بشويخ خلف سيتي سنتر واصبغو الدعاميه كلها وعطوني كفاله لمدة 3شهور على الصبغه... تصورو بعد شهر ونص الصبغه تقشرت ويوم رجعت لهم طلعلي موظف جديد مادري من وين غير اللي استقبلني أول شي ... الظاهر انه يمني ويتكلم نحو... (يبدو أن في عندكم بالبيت جهال يلعبون كره ؟؟) (قد تكون هاذي سياره داعمتك ؟؟)
قلت له يبا انت اشقاعد تقول خبل ؟؟ شنو يبدو ان وقد تكون ؟؟ يعني أمسوي نفسك مثقف مع وجهك كككككككككككككك اي والله قالي يبدو ان وقد تكون كككككككككككككك والله مصخره هالشركه .​

والله قاعد اضحك من هالسالفه


ولكن يبدو لي هههههههه ان الساير نصاب وكل الشركات الي بالكويت على نفس شاكلته

ليش التاهو واليوكن بالسعودية ارخص من الكويت بالفين دينار؟

ردوا علي

 

[B-A-1983-A-B]

ارخص بألفين !!!!!! التاهو ارخص بألفين دينار بالسعودية معقول!!!!!

 

[نواف الخالدي]

خلووووووووووووووووووووووووووووووووها تصدي وبكرشه تعدي

 

[Fahad-76]

السلام عليكم شباب انا ما ابي ادافع عن الساير بس الكلام بدون فعل ماله نتيجه الي عنده إثبات على الشركه يروح يشتكي في واجد محامين يرضون يستلمون هل قضايه بدون مقابل وتكونون فدتو الناس والله يوفق الجميع

 

[السيد الأصلي]

أنا أقول يبدو ان وعاد كلا ... خلوها تصدي ​

 

[kuwiti]

ياجماعه انا مستغرب من اللى نكه saidk كل مشاركاته بس بالموضوع هذا !!!!!!
ويدافع طبعا عن الساير دفاع مستميت .....

بس مجرد سؤال وودي اعرف ليش !!!!!

 

[الصدق منجاة]

مدرى نصدقك او نصدق الفيديو لكن الظاهر صاحب الفيديو هو الصح --- لأن الظاهر انك من عمال احسان او انك احسان بنفسه او مندوب من الساير او الساير بنفسه المهم ان الساير غش العالم اوانت جاى ترقع له والدليل نكك نك هندى ..صح صديك او صديق ... ومبين من مشاركاتك توك جديد جاى فزعه.على فكره المكأفاه النص بالنص .. واطبل معاك اوكى سديك..

هههههههههههههههههههه حسبي الله عليك لاتنساني ودي اطبل معاك

ياجماعه انا مستغرب من اللى نكه saidk كل مشاركاته بس بالموضوع هذا !!!!!!
ويدافع طبعا عن الساير دفاع مستميت .....

بس مجرد سؤال وودي اعرف ليش !!!!!

لانه احد الاشاوسه المرتزقين لدي طويل العمر

 

[abo_ghala]

لووووووووول ليش معصب وزعلان... ارجو ان نرتقي بالحديث شوي

بالنسبة للدليل مكتوب بالجرايد حبيبي نفي رسمي من الساير هالشي لو غلط ترا الساير يتحاسب

عن أبي ذر الغفاري رضي الله عنه عن النبي - صلى الله عليه وسلم - فيما يرويه عن ربه عز وجل أنه قال : ( يا عبادي إني حرمت الظلم على نفسي وجعلته بينكم محرما فلا تظالموا ، يا عبادي ، كلكم ضال إلا من هديته ، فاستهدوني أهدكم ، يا عبادي كلكم جائع إلا من أطعمته ، فاستطعموني أطعمكم ، يا عبادي كلكم عار إلا من كسوته ، فاستكسوني أكسكم ، يا عبادي ، إنكم تخطئون بالليل والنهار ، وأنا أغفر الذنوب جميعا ، فاستغفروني أغفر لكم ، يا عبادي ، إنكم لن تبلغوا ضري فتضروني ، ولن تبلغوا نفعي فتنفعوني ، يا عبادي ، لو أن أولكم وآخركم وإنسكم وجنكم كانوا على أتقى قلب رجل واحد منكم ما زاد ذلك في ملكي شيئا ، يا عبادي لو أن أولكم وآخركم وإنسكم وجنكم كانوا على أفجر قلب رجل واحد ما نقص ذلك من ملكي شيئا ، يا عبادي لو أن أولكم وآخركم وإنسكم وجنكم قاموا في صعيد واحد فسألوني فأعطيت كل إنسان مسألته ما نقص ذلك مما عندي إلا كما ينقص المخيط إذا أدخل البحر ، يا عبادي إنما هي أعمالكم أحصيها لكم ثم أوفيكم إياها ، فمن وجد خيرا فليحمد الله ، ومن وجد غير ذلك فلا يلومن إلا نفسه ) .

ياخوي انت يعني تبي حكم الشرع ؟؟

اتقي الله ليش اعصب ؟؟!!! شايف ادلتك والحجج اللي تقدمها !!! دليلك ان الساير نزل نفي بالجريدة !!! هذا دليل بالله عليك .

شوف دامك جايب حديث

- _البينة على من ادعى واليمين على من انكر _ البينة وطلعت بالفيديو اللي على اليو تيوب باقي تروح لمعزبك وصتوله فيديو وهو يحلف و يقسم بالله انه السيارات هذ ما طلعت من وكالته عشان تتضبط عند احسان و بعدين ترجعله يسلمها لأصحابها .

وتنتهي المشكله

كل ما قلناله دليل قال الساير نفى هالشيئ وحط اعلان

أبو الغباء شنووووو يذل البني آدم

 

[abo_ghala]

والله قاعد اضحك من هالسالفه


ولكن يبدو لي هههههههه ان الساير نصاب وكل الشركات الي بالكويت على نفس شاكلته

ليش التاهو واليوكن بالسعودية ارخص من الكويت بالفين دينار؟

ردوا علي

ههههههههههههه لأن الكويتي يشتري بدون ما يفكر ولا يحسب كم يخسر فيها كله يقول حول طلب ويقعد يقاسط

اهم شيئ عندنا كم قسطك مو كم مطلوب

 

[مهم للغاية]

عشان نقطع الشك باليقين ... لازم نسجل رقم الشاصي لسيارة او اكثر من السيارات اللي عند احسان ونتابع السيارة وين تنباع ... ونقدر نشوف الصج من الجذب.

على فكرة رقم الشاصي يصير بالجام الامامي بالاسفل من جهة السايق

ومتابعة السيارة اي واحد بالمرور يعطينا الزبدة.

الجميل بالموضوع لو ان واحد اشترى سيارة من الساير وتبين انها كانت عند احسان يقدر يرفع قضية على الساير ويطلب تعويض من النوع الدسم جدا جدا جدا جدا مبلغ مكون من 6 خانات على الاقل

 

[Old_Nevy]

سلام الساير نصاب وعن تجربه وديت لكزس الوكاله خريير من القير
التصليح 750 دينار ليش عشان مجمع السكان خربان
حجى القير فى شى لا بس هاذا الى بين ويانا فى الفحص
مشكورين ما ابى اصلح لا تعال انسويلك خصم ادفع 550 دينار
مشكورين مابى خلاص ادفع رسوم الفحص 50 دينار
لا مانى دافع اشويت اصراخ فى القراج فتحولى الباب مع السلامه
اروح الغصن للجيرات يرفع السياره
يشوف الزيت متيمع علا الجير يقولى روح اغسل السياره من تحت اب دينار
وارد ترشيح خفيف من الشبنه القير فك وتركيب 40 دينار الشبنه 13 دينار
المجموع 53 دينار بعدها حرمه اروح الوكاله يمكن السالفه قديمه بس
النصب لازال مستمر

 

[البرنس 25]

مرحبا اول شي الساير مو فاضي حق انه يطلب برادو بشاشه وديكور كشخه قال اذا طلبتها راح يكلف عليه ::::: بس اسويها عند احسااااااان برخيص وابيها علي الناااااس بسعر غالي:::: مثال اذا البرادو بدون شاشه ولاخشب ب10000 ::::اوديها حق احساااان مايكلف عليه 1500 دينار والساير بيع البرادو يحط عليها 14000 الف هذا الصراحه السيارات الي بالكويت نااااااااار اذا طلبتها بره ارخص والله

 

[saad1975]

بغيت اسال ياجماعة الخير الاهل يبون اللكزس rx350 الفرق بين اقل المواصفات وكامل المواصفات 1500 دينار يعني الفئة الاقل مخمل وبدون شاشة والفل بجلد وشاشة وانا اشوف المبلغ مبالغ فيه بالنسبة حق هالاشياء ، اقدر اروح عند احسان يركبلي شاشة بس ما ادري الوكالة يقولون ما يصير لان مافي مكان حق الشاشة ياريت اللي عنده خبره يقولي ويفيدني

 

[رياح العز]

الله اكبر عليه والله اني كنت باخذ برادو هاليومين بس هونا