ابي افضل دكتور اطفال

[qadsawi]

السلام عليكم عندي ولدي تصيبه حالة تشنج ومو عارف من شنو ووديتة مستشفي العدان التحاليل زينة والاشعة زينة بس ابي واحد عنده علم بالحالة هذه يفيدني وابي دكتور زين بعيادة خاصة يكون متخصص بحالة التشنج عند الاطفال وجزاكم الله خير

 

[alanzi]

مستشفى العرف بالجهراء فيه برفسور عندهم

 

[qadsawi]

جزاك الله خير

 

[ابو برهوم]

الدكتور/ محمد سعيد السيد
1885544/ داخلي 113
عيادة بو شهري كلينك
اهم مايميز هالدكتور ... تشخيصة صح وهذا المهم وأسأل عنة
اللة يشافي ولدك وماتشوفون شر

 

[qadsawi]

الله يجزاك خير ابو برهوم

 

[بو_راشد]

دكتور مازن العيسى عيادته في خيطان على شارع المطار هو متخصص اطفال ويدوام في الاميري انشاالله يعرف مشكلة ولدك واسال الله العظيم ان يشافيه

 

[هامور 2000]

دكتور مازن العيسي

بصراحه ممتاز عن تجربه عيالي كلهم ابو 8 شهور و يبونه لي بالخدج بصراحه ممتاز و شهادتي فيه مجروحه و صار لي اتعامل معاه 10 سنوات


بو حيمد زين بس مواعيده فل عادي ما تلقي موعد الا عقب شهرين و لا 3 شهور

 

[NICK]

عسى الله يشفيه
وماأزيد على الاخوان
أنصحك بالدكتور مازن العيسى

 

[nabhaan79]

ترا التشنج أمر عادي موجود تقريبا عند أكثر الأطفال

المهم إنك ما تخلي ولدك ترتفع حرارته إذا كان تشنج حراري

وكذلك عليك مراقبته هل تشنجه يقعد دقيقه أو دقيقتان أو أكثر

وكذلك بعد الإستيقاظ من التشنج شنو يصير وياه

ولازم يكون عندك تحميلة فك التشنج في الثلاجه وهذي تاخذها من المستشفى بوصفة خاصة توقع عليها وعند التشنج على طول تحطله

وعلى العموم لا تخاف ترا الموضوع عادي جدا جدا بس دير بالك على حرارته لا تخليها ترتفع

ولو تكتبلي شنو حالته بالضبط ممكن أفيدك عندي بعض المعلومات اللي مكتسبها من خلال تجربه

 

[kinghamad]

انا عن تجربه اقولك الدكتور مازن العيسى صارلي معاه 11 سنه وكل عيالي عنده بصراحه دكتور فاهم وينصح ونفسه حلوه الله يوفقه وصدقني راح يوجهك التوجيه الصحيح وبالنسبه للمواعيد انا رايي تروح امبجر وتاخذ رقم او تروح العياده وتطلب منهم موعد وتشرح الحاله وانا متأكد انهم راح يتعاونون معاك .. ومايشوف شر ولدك

 

[beemer]

ترا التشنج أمر عادي موجود تقريبا عند أكثر الأطفال

المهم إنك ما تخلي ولدك ترتفع حرارته إذا كان تشنج حراري

وكذلك عليك مراقبته هل تشنجه يقعد دقيقه أو دقيقتان أو أكثر

وكذلك بعد الإستيقاظ من التشنج شنو يصير وياه

ولازم يكون عندك تحميلة فك التشنج في الثلاجه وهذي تاخذها من المستشفى بوصفة خاصة توقع عليها وعند التشنج على طول تحطله

وعلى العموم لا تخاف ترا الموضوع عادي جدا جدا بس دير بالك على حرارته لا تخليها ترتفع

ولو تكتبلي شنو حالته بالضبط ممكن أفيدك عندي بعض المعلومات اللي مكتسبها من خلال تجربه

كلامه عدل و مافي الا العافيه بس اهم شي حط بالك عالحراره لانها بس تطلع عنده بسرعه تصعد و يحصل التشنج لا قدر الله و اهم شي تكشف عليه ان هذا التشنج اكون من الحاله العاديه و ليست الوراثيه لانه الوراثي صعب جدا و انشاءالله لين عمر الخمس سنوات و ينتهي زز بس بلغ اهلك لو صار اكونون هاديين حتى يحسنون التصرف و على طول حطه في البانيو اكون ماي بارد و اخذه بعدها المستشفى و عسى الله يحميه
"طبعا كلامي عن تجربت ولدي"

 

[qadsawi]

جزاكم الله خير جميعا بالنسبة لأخوي نبهان بارك الله فيك علي النصيحة وجعلها الله في ميزان اعمالك انا ولدي اول شي صارت له الحاله فجأة بدون سابق انذار ووديناه المستشفي وحطوله اكسجين وقعد تقريبا لي الساعة 5 وطلعت من المستشفي وعطوني دواء ما ادري شنو اسمه وشربناه الدواء الساعة ست والساعة 11 ما اشوف الا اخواني ينادوني طاح ولدك طبعا المستشفي عطونى التحميله علي طول حطينا التحميلة وطرت فيه المستشفي سويت التحاليل والاشعة حق الراس يقول الدكتور التحاليل ولله الحمد كلها سليمة ومو عارفين شنو السبب واحنا توقعنا انها كهرباء بالراس وهي الي خلته يتشنج وبس التشنج يجيه بدون حرارة جذي مني والطريق وجزاكم الله خير

 

[بwفيصل]

عسى الله يشافية وده للإشتشاري الشرقاوي بركز cmcبالجهراء او الكتورة البصيري هم اشتشارية بس ماعرف وين عيادتها يمدحونها بعد

 

[بن فرناس]

الله يشافي كل مسلم

وده مستشفى ابن سينا

بيسوون له تخطيط للأعصاب

وشيئ طبيعي للطفل وما تخوف الحالة

 

[دنياء غريبه]

السلام عليكم عندي ولدي تصيبه حالة تشنج ومو عارف من شنو ووديتة مستشفي العدان التحاليل زينة والاشعة زينة بس ابي واحد عنده علم بالحالة هذه يفيدني وابي دكتور زين بعيادة خاصة يكون متخصص بحالة التشنج عند الاطفال وجزاكم الله خير

يـاالله مسكين <<الله يشفيهـ ويقومهـ بالصحه والسلامـه

ودي والله ساعدك بس انا موكويتيه لذلكـ :. أتـرك المجال الاخوان اللي من الكويت يساعدونك..

وياليت تخبرنـا عن حالته اذا صارت افضل وشفت له دكتـور متخصص التشنج الاطفال

​

 

[النجدي2007]

طارق قطب في مستشفي هادي ممتازة بس علية حمة وعسي الله يشفي عيالك يارب