للبيع فيلا في العقيلة

[أبو حموود]

[للبيع فيلا في العقيلة
من المالك مباشرة ( يمنع الوسطاء )
على طريق الفحيحيل السريع ارتداد أكثر من 30 متر
قطعة 3 بطن وظهر 375 متر
3 أدوار - نظام أجنحة ( كل غرفة بها حمام )
لايوجد بها شقق
حمام سباحة
التكييف هيتاشي
المصعد الغانم
( جديدة لم تسكن )
تصلح لهيئة أو لجنة أو مبرة
السوم 250 والبيع قريب

نسمع السومات الطيبة ...[]

 

[أبو حموود]

للرفع

 

[خالد العليان]

مرحبا

ابوحموود ماشالله الظاهر عندك حلال كثير في العقيلة..عموما سواء كنت صاحب الحلال او مكتب اتمنى لك التوفيق ...بس انوه ان الاسعار اللي تحطها مااتوقع انها تنفع لرواد المنتدى مع احترامي للجميع لان اعتقد ان اعضاء المنتدى والزوار يبحثون عن العقار الكويس والرخيص...لان اللي عنده كاش وراهي مايدور عالعقار اللي يبيه في المنتديات..حضرتك قاعد تتكلم عن ربع مليون كويتي ...يوازي مليون دولار امريكي ..عشان بيت بالمنطقة العاشرة...والفهيم يفهم...موفق بالبيعة

 

[أبو حموود]

اخوي خالد
اتمنى ما اشوف تعليقاتك الفهلوية مرة ثانية على اعلاناتي .

واذا موعاجبك الاعلان لاتكلف نفسك وترد عليه (( والفهيم يفهم )) يابوفهيم !

 

[خسران جداً]

250 مساحته 375؟ اجل لو 1000 متر بجم تبي تقول لنا السوم؟؟؟بصراحه اذا عندك سوام مثل ما قلت وانت صادق بكلامك...وما بعت.......اسمحلي اقولك ما عندك سالفه

 

[خالد العليان]

الحبيب بوحمود انت ليش زعلان..المنتدى للجميع ودامك قبلت بنشر الموضوع تقبل الرد...اخوي انت ناشر كذا موضوع وتقول انك صاحب الحلال منت دلال...وهذا حقك سواء شريطي ولاصاحب الحلال..وانا من حقي اسوم السعر اللي يناسبني او اعلق اذا شفت السعر خيالي...انت قاعد تتكلم على مليون دولار امريكي...بالعافية عليك اذا لقيت احد يشتري البيت ...اذا كنت صاحبه..او بالعافية عليك عمولة 1%

 

[أبو حموود]

اخوي خالد حياك الله ..
عشان ترتاح اقسم بالله اني صاحب الحلال ... اتمنى تكون ارتحت .
أما الأخ خسران فأقول له ان كلمة (وانت صادق بكلامك ) تعني التشكيك وهذا عيب ... واتمنى مايكون له نصيب من أسمه

 

[أبو حموود]

البيت انباع الله يبارك للي شراه ويعطيه خيره ويكفيه شره .
الرجاء من المشرفين ازالة الإعلان .

 

[خسران جداً]

اكيد اشكك في مصداقيتك...مو لان شخصك الكريم اللي قايل الموضوع...ولكن لان السعر يخلي الواحد يشك صراحه...يعني بيت بالعقيله مسيوم ب250 و راعيه مو عاجبته السومه...جم يبي يعني؟ 250 الف و خمس دنانير زياده والا شنو بالضبط؟ اكيد بيبيع على طول...ويحمد الله ان جاله واحد مطفي الليتات
ومبروك البيعه واتمنى انك تذكر لنا السعر اللي انباع فيه البيت على شان نتحرى الدقه منك ونشيك على صحة كلامك من موقع وزارة العدل. اسف اذا جرحتك بكلامي

 

[خالد العليان]

ابوحموود
مبروك عالبيعة الله يوفقك ...ويرزقك ببيت احسن منه يارب

 

[يبيله123]

ما أعتقد بو حمود راح يرد عليك يا خسران تدري ليش على شان أنت تقول راح اتحرى الدقه منك ونشيك على صحة كلامك من موقع وزارة العدل.
صعبه يرد

 

[أبو حموود]

انا ماني ملزوم أرد لكن ..
أولاً : مشكور اخوي خالد وجزاك الله ألف خير .
ثانياً : أقول للأخ الخسران جداً جداً المسلم من سلم المسلمون من لسانه ويده ولولا احترام رواد المنتدى والقائمين عليه لأسمعك كلام اخليك تتحسف انك شاركت بموضوعي ،،، أما الأخ الكتكوت يبيله 123456789 فأنصحه لايكون مثال رائع للقافه والفهلوه ويعيش الدور زيادة عن اللازم و ( ليقل خيراً أو ليصمت ) (((وآسف إذا جرحتكم بكلامي ))) .

 

[المنظور الشامل]

الله يوفقك يالحبيب

 

[أبو حموود]

جزاك الله خير ، أجمعين انشالله .

 

[خسران جداً]

هات ما عندك. ومسامحك مقدماً

 

[life-enginer]

فيلا ـ في العقيلة من المالك مباشرةالفحيحيل السريع ارتداد اكثر من 30 م ق3 بطن وظهر 375م 3أدوار نظام. ح سباحةمصعد لم تسكن/تصلح حضانه أو هيئةالسوم240 ـ ت: ‌

هذا اعلان الوسيط اليوم يمكن الشاري هون او يبي يبيع ويتربح شوي ياريت توضح ابو حمود