ما هو افضل مكان للعمل فيه (جامعة الكويت، وزارة المالية، مؤسسة البترول)؟

الموضوع في 'إستراحة المنتدى' بواسطة q8ti Man, بتاريخ ‏18 مارس 2010.

  1. q8ti Man

    q8ti Man عضو جديد

    التسجيل:
    ‏29 ابريل 2007
    المشاركات:
    30
    عدد الإعجابات:
    0
    بسم الله الرحمن الرحيم

    السلام عليكم ورحمة الله وبركاته

    عندي سؤال لو سمحتوا

    شنو افضل مكان للعمل فيه من حيث (المكان والكادر والبونص والحافز) ؟

    ممكن ترتبونهم لي من الافضل الى الاسوأ

    جامعة الكويت
    وزارة المالية
    مؤسسة البترول (طبعا الوفرة)

    وشكرا لكم
     
  2. الهمس الخجول

    الهمس الخجول عضو مميز

    التسجيل:
    ‏6 أكتوبر 2008
    المشاركات:
    8,739
    عدد الإعجابات:
    2
    لو سألتني عن المملكهـ ..بقووول

    شركهـ آرامكوا بلا منازع بالدرجهـ الآولى

    ومن ثم مؤسسهـ النقد

    والعمل في الجامعهـ في المرتبهـ الآخيرهـ ..!!
     
  3. away1979

    away1979 عضو مميز

    التسجيل:
    ‏4 يوليو 2008
    المشاركات:
    10,917
    عدد الإعجابات:
    1,584
    مكان الإقامة:
    Kuwait
    طع هذي :confused: :rolleyes:
     
  4. Winchester SX3

    Winchester SX3 عضو مميز

    التسجيل:
    ‏4 يناير 2009
    المشاركات:
    7,923
    عدد الإعجابات:
    1
    مكان الإقامة:
    الكويت
    الله بالخير

    ما هو مؤهلك الدراسي؟
    وشنو طموحك؟

    نصيحه أخو ( المعاش يغث ويطلع من الجبد اذا مكانك مو عاجبك )
    كل جهه من اللي قلتهم لها خط مستقل ومستقبل غير الثانيه

    - الجامعه ممكن اذا اثب وجودك وعملك فيها يخلونك تكمل دراستك الى الدكتوراه وتفتحلك باب لحياه عمليه اكبر

    - وزاره الماليه حلوه ( للي عنده واسطه )

    - البترول ممتازه ومزايا وظيفيه رائعه تعادل علاوات بمجالات اخرى

    بس كل يعتمد على الله أولا
    ثم على تفكيرك لمستقبلك

    ترتيبي للجهات الثلاث اذا كنت جامعي
    1- البترول
    2- الجامعه
    3- الوزاره

    ولو كنت مهندس راح احتار بين الجامعه والبترول

    موفق خير طال عمرك
     
  5. هامور 2000

    هامور 2000 عضو نشط

    التسجيل:
    ‏7 نوفمبر 2007
    المشاركات:
    1,778
    عدد الإعجابات:
    1
    بالنسبه للجامعه زياده بالراتب 200 عن باجي الوزارات و لكن تاكد ان الجامعه ينطبق عليها المثلين اللي بقولك اياهم

    ( صخلة الفريج ما تحب الا التيس الغريب ) لان وايد مميزات حق غير الكويتي و مناشبينا على الرواتب مثلا احنا اذا نراقب امتحان يطلعونا مبجر من الدوام هذا الحجي قبل البصمه و الحين شالوا عنا المراقبه خير شر و اذا راقبنا تري يكون شي ودي نستحي من الدكتور و نوقف له بالامتحان اما الغير كويتي يراقب بفلوس لا و احنا نفتر بالامتحان و اهم حاطين كراسي و ريل على ريل و كلاس شاي صعيدي و اذا الكليه فيها مؤتمر او ندوه او اي نشاط احنا نوقف سكيرتي بلاش لا و منظمين و تعبانين و مسوين كل شي و اهم بفلوس يشتغلون لا و كل ما قلنا لهم شي قالوا مو من مهامنا الوظيفيه و اللجان في بعض اللجان اصير بلاش لنا هذا اذا خذونا لان بالغالب اللجان لهم بس اهم بفلوس لا و مو عاجبهم و عينهم برواتبنا و يموتون و يدقدون تلفونات على ربعهم بالماليه عشان يعرفون جم رواتبنا

    و ازيدك اللجان عندنا سكرتير ( طبعا مو كويتي ) واسطته قويه كل اللجان فيهم اهو و مرته و لا يحضرون و لا لجنه و تمشي لهم الفلوس و اذا كلش سمع ان احد معروف باللجنه معاهم يحضر بروحه و يا اخي السياره برادو لا و كان اول المسئول عندنا يطق كرت و اهو سكرتير مشيول عنه الكرت ( ناس واصله )
    المثل الثاني
    ( السيط و لا الغني ) يعني لما انقول حق احد نشتغل بالجامعه ما نسمع الا شعليه و كشخه و عشتوا بس الواقع كراف على الفاضي و تفرقه بالرواتب يعني بقولك على البكالريوس قسم قاعدين يحكون قمل راسهم و زادوهم 1000 و شالوا عنهم البصمه ( واسطه قويه ) قسم كراف اليهد و لا يرتاحون و رواتبهم عاديه

    بالنسبه للبترول اتقوع وايد افضل لان بدلاتهم احسن مكان حتي لو كان طريج بعيد بس في بونص حلو و في جم فلس حلوين بالاوفر تايم يعني تتعب و انت باول شغلك و ترتاح بعدين

    الماليه اعرف 2 هناك و لا ينصحون احد اصلا بس ميزتهم الدورات الخارجيه لا و بهوشه ياخذونها و دور و سالفه حتي واحد منهم بيطلع
     
  6. nabhaan79

    nabhaan79 عضو نشط

    التسجيل:
    ‏28 مايو 2005
    المشاركات:
    3,815
    عدد الإعجابات:
    102
    مكان الإقامة:
    الكويت
    على البترول

    مو بكيفك تختار

    والحين التقديم للبترول يكون عن طريق مؤسسة البترول الكويتية ومو بكيفك تختار المكان أهم يسوون قرعه إذا نجحت في الإختبارات

    الإختبارات إنقليزي وقدرات وتخصص

    صعبه طبعا

    وكوني أحد موظفين المؤسسة أنصحك وبشدة تشد حيلك وتدش البترول خصوصا إذا كنت جامعي

    وإذا كنت غير حاصل على مؤهل دراسي عالي

    دش مشغل مصفاة والله يوفقك

    البترول فيه أسرار تخلي الواحد يداوم من 7 لييييييييي 3 العصر ^_^
     
  7. q8ti Man

    q8ti Man عضو جديد

    التسجيل:
    ‏29 ابريل 2007
    المشاركات:
    30
    عدد الإعجابات:
    0
    مشكورة اختي على مشاركتج، ان شاء الله النصيحة تفيد اللي بالمملكة :)





    شاكر لك اخوي على مرورك :)




    اجمعين ان شاء الله بارك الله فيك اخوي على الرد ولاتنسى تفيدني اكثر لو عندك ملاحظة >>>> طماع :D

    لا يعني مو زينة :eek: :( <<<--- عندي احساس راح انقبل بالمالية

    مشكور اخوي على ردك ومشاركتك ونصيحتك بارك الله فيك


    عدل كلامك اخوي، بس انا اخذت اسوء احتمال عشان اعرف المقارنة تصير اشلون :)

    ان شاء الله بشد حيلي والله كريم



    تقريباً بصورة عامة كلكم اتفقتو على البترول والجامعة والمالية اخر شي

    زين يعني وزارة المالية حالها حال الوزارات الثانية يعني ماتهتم بالتخصص ومافيها مميزات؟

    وشكرا للجيمع :)
     
  8. Winchester SX3

    Winchester SX3 عضو مميز

    التسجيل:
    ‏4 يناير 2009
    المشاركات:
    7,923
    عدد الإعجابات:
    1
    مكان الإقامة:
    الكويت
    دامك من ربع الــ it

    لا تفكر بالحكومه

    خلك بالجهات الحكوميه الخاصه مثل البترول بعدين الجامعه

    ولو تروح خاص أحسن مثل شركات الــ it و البنوك
    مستقبل أفضل :)

    موفق خير طال عمرك
     
  9. q8ti Man

    q8ti Man عضو جديد

    التسجيل:
    ‏29 ابريل 2007
    المشاركات:
    30
    عدد الإعجابات:
    0
    زين اخوي سمعت ان المالية كراف مو يعني تهتم بالتخصص؟

    مشكور اخوي على النصيحة وجزاك الله كل خير
     
  10. فيصل الهاجري

    فيصل الهاجري عضو نشط

    التسجيل:
    ‏5 مارس 2009
    المشاركات:
    105
    عدد الإعجابات:
    0
    تبي نصيحتي رووووح الاشغال وشتر راحت بالك
     
  11. q8ti Man

    q8ti Man عضو جديد

    التسجيل:
    ‏29 ابريل 2007
    المشاركات:
    30
    عدد الإعجابات:
    0
    ليش لا
    اذا تعبت من الكراف احول الاشغال :d

    جزاك الله كل خير على الرد والنصيحة :)