استفسار صغير

[kuwaitiya3asaal]

السلام عليكم

هذي اول مشاركة لي بالمنتدى مع اني من زمان مسجله فيه بس دايما ادش واقرا مواضيعكم الي دايما تفيدني وبنفس الوقت اقضي معاكم وقت ممتع ، الله يعطيكم العافيه على هالمنتدى


بس بغيت منكم استفسار صغير ، انا شاريه حق امي حق عيد الام هديه وانا لازم مثل ما اشتري لامي اشتري لابوي ، المهم مشكله الريايييل ان مافي اشياء وايد لهم هدايا !!! مره شريت بوك ومره شريت قلم ومره شريت خام للدشداشه وشماغ ومره شريت عطر ومره شريت ماكينه حلاقه كل شي شريت ، الحين مادري شنو اشتري يليت تفيدوني يمكن عندكم افكار يديده ، انا حاطه ببالي ساعه بس امكانياتي حدها 400 دينار ،وهو مايلبس اي ماركه لازم شي يكون ثقيل ، فياليت تفيدوني اذا احد يقدر يساعدني بفكره

ومشكورين

 

[Navigator]

حياج الله بين اخوانج وخواتج

تذكره واقامة في مكه يعتمر فيهم

والله يجزاج خير ويبارك لوالديج

 

[kuwaitiya3asaal]

سويتها العام حجزتلهم وانا وياهم وهم مره سويت لهم مثل وقفيه لمساعدة الاسر المحتاجه عن طريق جمعيه الاصلاح باسم امي وباسم ابوي .....وتسلم والله يحييك مشكور ماقصرت

 

[acton]

صارلج سنه وماتشاركين احنا اخوانج
المهم اشتري له شي دائما يكون يلبسه مثلا اشتري خاتم الماس
او ساعه ماركه اوميغا او رادو
كلش كلش بخور
الريال يحب يتبخر من اعز الناس له ​

 

[مديرو]

ممم .. شلون الوالد مع الإلكترونيات؟

لابتوب؟ موبايل؟

طبعاً إذا مثل أبوي يحب التكنولوجيا تقدرين تهدينه

Iphone
​

 

[kuwaitiya3asaal]

اي والله ادري فشله صارلي سنه مشتركه وتوني اشارك بس قلت لك انا يوميا ادش من الدوام الصبح اقرا المواضيع سواء بالاستراحه او بالاسهم الكويتيه بس ولا مره شاركت

وافكارك حلوه بس اهو مايلبس خاتم ، وعالساعه جنك تدري اهو يحب اوميغا ورادو وانا قايله بمر بهبهاني اليوم اشوف يمكن في ساعه بحدود ميزانيتي

مشكور ماقصرت

 

[kuwaitiya3asaal]

اممممم اي والله فكره موبايل شلون راحت عن بالي ، بس اهو مو مال تكنولوجيا لابتوب واي فون اهو المسج واينني عشان يكتبه وتالي انا اخذه منه واكتبه له

مشكور اخوي على مساعدتك تسلم

 

[مديرو]

عيل أضم صوتي لصوت اخوي

acton

و الله يهنيهم فيج ان شالله .. ​

 

[nabhaan79]

تبين أحلى هديه من غير غشمره

زيديهم شوي وزوجيه سوريه جذي راح تبرين أبوج مضبوط ويدعيلج كل ليله

ترا مو غشمره أتوقع بخاطره يتزوج على أمج ...

لا خلاص أتغشمر مو صج

شوفي أولا عيد الأم هذا عيد النصارى والعياذ بالله

كل يوم تقدرين تهدين أمج وأبوج من غير مناسبه وأنا أقول يا إختي عشان تبرين بأبوج وأمج ويكون لج أجر عند الله سبحانه لا تربطين بين الهديه وأعياد الكفار

وأنبهج في عيد الأم برج في أمج ليس لله سبحانه وإنما لعيد النصارى فا تنبهي قد تفعلين فعل طيب ويذهب هباءا منثورا ولا تأجرين عليه قال تعالى : ( قل هل ننبئكم بالأخسرين أعمالا ، الذين ضل سعيهم في الحيوة الدنيا وهم يحسبون أنهم يحسنون صنعا ) سورة الكهف

لأن برج فيهم بنفس وقت عيدهم هذا تشبه بهم ومن تشبه بقوم فهو منهم

والأحاديث كثيره وأنا أخوج عن هذا الموضوع والفتاوى كذلك

لو بس تسوين بحث في قوقل عن حكم عيد الأم راح تلقين الكثير من الفتاوى

أنا أقول تهدين أمج وأبوج وتبرين فيهم من غير تحديد يوم معين خصوصا أيام أعياد الكفار

والله يجعلك مثل ما كتبتي وأكثر ويرزقج اللي تبين وأكثر اللهم آمين

 

[nabhaan79]

إذا الوالد يحب أوميقا فهذا يعني إن ذوقه حلو

بس في ماركه حلوه حييييل وساعاته عليها القيمه وأنا من أشد المعجبين فيه يمكن عشان أول ساعه لي كانت هديه من والدي وعشقت هالماركه ...

الماركه إسمها philip chariol
فيليب شاريول

كان وكيلها قبل الطخيم في الصالحيه والحين صار .... نسيت إسمه صراحه

عندهم محل في الصالحيه

والأفنيوز

الساعه من تمسكينها راح تعرفين الفرق صراحه ماركه رخيصه نوعا ما وراقيه جدا جدا جدا وإذا الوالد يلبس ساعات كلها سير جلد لا تشترين سير حديد ديري بالج اللي يلبس من الرجاجيل سير جلد معناها ما يحب الحديد الغالب طبعا مو الكل بس هذا أبوج وإنتي أدرى فيه

وموفقه خير

 

[انطلق2]

بتزوجين أبوج سورية؟؟؟؟!!!!!

من اليوم و رايح بعدج مثل بنتي

 

[kuwaitiya3asaal]

نبهان بذبحك على فكره الزواج انا من كثر ما انا وايد مع ابوي امي كله تغار مني وتقولي انتي شنو شريجتي هالمره تبيني ازوجه عشان انا اذبحه مو امي

ومشكور وايد على كلامك عن عيد الام ووالله انا وياك وماحب هالسوالف الاحتفال بنفس اليوم واصلا بالدين مافيه اعياد الا عيدين عيد الفطر وعيد الاضحى فعشان جذي انا اعطيهم بعدها بجم يوم مو نفس اليوم عشان لايكون فيها تشبه او شي جذي

وبالنسبة لساعة فيليب انا احب هالماركة بعد وحلوه ،يبيله اخذلي جوله وامر اشوفها واشوف اوميغا وبشوف كونكورد ومونت بلانك بس ماعتقد بلاقي بالسعر اللي ابيه بس ان شاءالله احصل ، تسلم نبهان

وانطلق يشرفني اكون بنتك بس عاد لي صرت بنتك مالك امل اخليك تتزوج

يسلموو الكل

 

[يوسفاني]

ساعة حلو من بهبهاني فرصه مسوي تنزيلات نص السعر أمس كنت عنده بفرعهم بمجمع بهبهاني

 

[kuwaitiya3asaal]

عيل ببدي ببهبهاني اليوم دام جذي

تسلم اخوي ماقصرت

بشوف شيصير معاي وبقولكم

 

[acton]

وصي ابوج لاياخذ سوريه
راح تكون دمها ثقيل لانها الثانيه وتدلع على ابوك ​

 

[nabhaan79]

وصي ابوج لاياخذ سوريه
راح تكون دمها ثقيل لانها الثانيه وتدلع على ابوك ​

رجاءا لا تخرب

إحنا قلنا سوريه عشان الميزانيه ما تسمح واللا ودنا نقولها مغربيه بس فلوس ما تكفي غير التذكره

تصدق عاد

أبوي وعمره توه 56 أو 57 تصدق ما أدري كم

المهم قالوله فلان عنده عزا زوجته توفت ، تخيل شنو قال والدي

بصوت عالي من غير تفكير ( يا حظه )

الرجال اللي عمره 50 مو مثل المره اللي عمرها 50

عاد تصدق شكل كلامك عدل عندي رفيج شامي

إذا دق علي وشلت التليفون يقول ( سلاموووو عليكوووووووووو ) إقراها بالسوري والكوووو طولها حيل ورب الكعبه دائما أقوله تكفه غيرها بس مو فايد معاه . سلامه حده يرفع الضغط بس متحمل شسوي بسبة سلامه ودي أقطع علاقتي معاه . ترا من صج مو غشمره

 

[acton]

رجاءا لا تخرب

إحنا قلنا سوريه عشان الميزانيه ما تسمح واللا ودنا نقولها مغربيه بس فلوس ما تكفي غير التذكره

تصدق عاد

أبوي وعمره توه 56 أو 57 تصدق ما أدري كم

المهم قالوله فلان عنده عزا زوجته توفت ، تخيل شنو قال والدي

بصوت عالي من غير تفكير ( يا حظه )

الرجال اللي عمره 50 مو مثل المره اللي عمرها 50

عاد تصدق شكل كلامك عدل عندي رفيج شامي

إذا دق علي وشلت التليفون يقول ( سلاموووو عليكوووووووووو ) إقراها بالسوري والكوووو طولها حيل ورب الكعبه دائما أقوله تكفه غيرها بس مو فايد معاه . سلامه حده يرفع الضغط بس متحمل شسوي بسبة سلامه ودي أقطع علاقتي معاه . ترا من صج مو غشمره

معروف السوريه اذا تزوجت وتكون الثانيه دئما تدلع وتحسب نفسها اهيه الكل بالكل
احلى شي ولد عمي كان ابوه متزوج سوريه على مرته وولده الكبير مومتحمل السوريه المهم اغلطت عليه عبالها بسوريه الاخ راح دور نعال نيديه عتيجه وعطاها بظهرها :d انا عبالي يصفق لها ومن ساعتها صارت مثل الميعل ​

 

[NoOoOoR]

اختي مثل ما قالوا الاخوان اشتري له ساعه ماركه من الماركات
اللي يحبها
والله يوفقج ويخلي لج الوالد والوالده

 

[قلم حر]

اشتري له الرسيفر العجيب ​

 

[acton]

اشتري له الرسيفر العجيب ​

اشيطلع العجيب بعد​