ربح 100% في خلال 3 شهور

[عبدالله 2]

من اكثر السهم الرابحه هو سهم تنظيف
سعره بمنتصف شهر ديسمبر الماضي 120 فلس
واليوم بتاريخ 18 مارس وصل الى 240 فلس تقريبا
يعني السهم تضاعف
الله يوفق ملاكه​

 

[saud1]

ليس معنى ان سعره تضاعف ان 240 فلس سعره العادل فالشركة تستحق 820 فلس على الاقل بسبب مشاريعها التشغيلية اللي ما تحتاج الا عمالة ذات رواتب منخفضة ومعدات النظافة من نسافات وكسارات متوفرة من عقود سابقة كما ان راسمالها 9ز7 مليون وقيمتها الدفترية 210 فلس. واعتقد سر الاندفاع بالارتفاع انه وراها عقد ضخم من مشاريع التنمية مع القطاع النفطي بسبب تخصصها فى الردم البيئي والتنظيف الكيميائي حيث لايوجد لها منافسون محليون والله العالم انها طايرة لفوق فوق والله اعلم وهو الرازق.

 

[فيصل2]

الرابطة

في تاريخ 2 . 12 ــــــــــــــــــ وصل سعره 99 فلس

وفي 23 . 2 . 2010 ـــــــــــــــــ وصل سعرة 315 فلس

بمعنى في اقل من ثلاث شهر ربح 216 فلس

وشوف جم نسبتها

 

[saud1]

اتوقع الرابطة والتنطيف وراهم شي بمعنى ان صعودهم القوي وراه اما عقد ضخم او ان اعلان الارباح سياتي بمفاجأة ارباح زينة بالوقت اللي الشركات الاخرى تعاني من خساير ومو غريبة لان الشركات التشغيلية تربح بعكس الورقية.

 

[*الأستاذ*]

سعر تنظيف الان 236

بس الي ودي اعرفه هل وصل السهم الى الاعلى
والا في مجال يصعد ؟


اخاف ادش عليه ويرد ينزل نزول قوي

لان اخاف هالصعود القوي له وللرابطة للتصريف



مثل ما صار مع تمويل خليج
لما ارتفع للــ380
وبعد مده اتضح هالصعود لتصريف بيتك من هالسهم

 

[zizo 40]

خسارة أكثر من 100% خلال 5 شهور

من اكثر السهم الرابحه هو سهم تنظيف
سعره بمنتصف شهر ديسمبر الماضي 120 فلس
واليوم بتاريخ 18 مارس وصل الى 240 فلس تقريبا
يعني السهم تضاعف
الله يوفق ملاكه​

أنا شريت السلام ب 184 في يونيو والمستثمرون ب 79
بعدين مليت من النطرة والخساره, وبعت السلام ب90 فى نوفمبر::verymad::
وبردت على المستثمرون 3 مرات بس للحين خسارة قوية, ما أدرى اذا يستاهل أنطره بعد, شرايكم؟

على فكرة, الله عوضنى جزء كبير من خسارتى بالدانة والوطنى والتنظيف

 

[الحفيد]

السلام عليكم

تنظيف الحين يخوف لأنى اعتقد انة تضخم وايد انا مو محلل وهذا الرأى يرجع للأخوة المحللين او لمن عندة معلومة عن السهم