اكبر غلطه

[سهمك اخضر]

السلام عليكم ورحمه الله

اكبر غلطه في حياتي اني شريت

قرين قابضه

والمستثمرون

وكل يوم اطل عليهم طله ويضيق خلقي

 

[البيروتي]

انا اكبر غلطه شروتي للمدينه

سهم دايخ ولايث

 

[Winchester SX3]

أكبر غلطه اني دشيت السوق!

والحمدالله طلعت منه بأقل خسائر

بس ليلحين يغريني ::verymad::

 

[بورزيقه]

اكبر غلطة هي شراء اسهم قروب المدينة ومنا

 

[ابن عمير]

أكبر غلطه اني آخذ توصيات الربع بالديوانيه ... ( الكل صاير ابو العريف )

لو اكتفي بما هو موجود بالمنتدى احسن لي ...

 

[alshamk]

اكبر غلطه انك ماتعلم التحليل الفني وتريح راسك والي يقول التحليل ماينع ماعنده سالفه

 

[nawaf52]

أكبر غلطه إنك ماتقول قدر الله وماشاء فعل ، لأنه مقدر وكاين وبعدين ماعليك من اللي يتشيحط بالمنتدى والديوانيه ويقولك انا ربحان يا خوي تلقاه الخساير مغطيته من راسه لين اريوله وانت بكرامه أنا بعز الازمه الماليه دشيت على أسهم والحمد لله ربحت منها لكن عندي مجاميع الله لا يوريك خسارتي فيهم واعتقد هذا ينطبق على الكثير ولا شوف اللي يقولك ربحت بأنابيب اليوم 370 قبل سنه 102 فلس إنزين واللي شاري قبل 3 سنوات وقاظبه لين اليوم خسران 75% مع ارتفاعه اليوم .
أقول خلها على الله والسوق موراضي يمشي لا مع الخسران ولا الربحان اليوم شركات معلنه خساره حد أعلى وشركه تعلن أرباح حد أدنى .

 

[بن عدوان]

الله يعوضك باحسن منهم يارب

واكبر غلطه انك متمسك فيهم الي الان !!!!!

عن نفسي خسرت في ابيار ويوم شفتها مو مضبوطه قطيتها قبل جم يوم بسعر 56 ولله الحمد والمنه واليوم سعرها 50 السوق يبي قلب جبار .

ملاحظه: لا تعتبر كلامي ايحاء انهم مو زينين فنيا لا والله ماشفتهم ولا بطلت التحليل الفني لكن ابي ابين وجهة نظري ان الاستمرار بالخسائر يحرق المحفظه!!!

 

[bensh]

السلام عليكم ورحمه الله

اكبر غلطه في حياتي اني شريت

قرين قابضه

والمستثمرون

وكل يوم اطل عليهم طله ويضيق خلقي

انا كنت نفس حالتك

السوق يصعد ينزل
والسهم مكانك راوح

ولا ينزل

قمت قطيته وخذيت سهم سعره اقل بكميه اكبر
عوض جزء كبير من خسارتي قمت بعته

شوف اذا طريقتي عجبتك جربها

 

[Trillion]

الله يعوض على الجميع ويا سهمك أخضر والله كل خسران

شخصياً اذا باقول أكبر غلط لي باقول تمويل الخليج !! لي راح ينطرني جم سنه عشان اطلع من

ربح بس هم الحمدالله

 

[الهدهود]

اكبر غلطة هي اني دشيت السوق

بالبداية كنت ربحان خوش ربح بعدها الخساره كلت فلوسي وكلت صحتي

قمت احاتي واوسوس الشيب طلع براسي وحت شعري والنفسية انهارت وصار مالي خلق عيالي ولا لي خلق شي وكل يوم تزيد الحاله سوء


صج صج الي مو داش البورصة نصيحه لا يفكر يدشها لانها تاخذ فلوسه وصحته وراحته

لو هلفلوس قاطهم على عيالي واهلي وايد ابرك من انهم راحوا ببطون التجار الجشعين

لكن الله كريم يحيي العظام وهي رميم

 

[الطير القطامي]

الله يعوض عليك ويرزقك

بالنسبه لي غلطتي شريت المستثمر د وخسرت فيها 70%

من راس المال والحمدلله على كل حال

شركه من ال1992 بالسوق سعرها 30 فلس لو فاتحين بقاله يمديها

صارت سوبر ماركت,,والشي المؤسف في الموضوع ان ادارة الشركه

تتحدث وكأنها تستثمر اموالها في مناجم الذهب والزئبق وطلعت بالاخير

استثماراتها شركة تكسي في الاردن واخرى في تركيا ونص السيارات

خربانه

 

[كاتب_متقاعد]

اكبر غلطة هي اني دشيت السوق

بالبداية كنت ربحان خوش ربح بعدها الخساره كلت فلوسي وكلت صحتي

قمت احاتي واوسوس الشيب طلع براسي وحت شعري والنفسية انهارت وصار مالي خلق عيالي ولا لي خلق شي وكل يوم تزيد الحاله سوء


صج صج الي مو داش البورصة نصيحه لا يفكر يدشها لانها تاخذ فلوسه وصحته وراحته

لو هلفلوس قاطهم على عيالي واهلي وايد ابرك من انهم راحوا ببطون التجار الجشعين

لكن الله كريم يحيي العظام وهي رميم

هذا الكلام المضبوط

قدر الله وما شاء فعل

والله الحمدلله فى كل الاحوال

 

[المبتكر 33]

اكبر غاطه مو اتضيع افلوسك اكبر غلطه انك تغضب ربك والفلوس تروح وترجع والواحد اهم شى الصحه والعافيه

 

[TAHOE]

السلام عليكم ورحمه الله

اكبر غلطه في حياتي اني شريت

قرين قابضه

والمستثمرون

وكل يوم اطل عليهم طله ويضيق خلقي

الله يعوض عليك خسارتك يا اخوي سهمك اخضر

يا جماااااااعه عليكم باتباع التحليل الفني ولا تاخذكم العاطفه وما عليكم من اللي يقول انه لا يعلم الغيب الا الله فهي كلمة حق اريد بها باطل صحيح ان التحليل الفني ليست نتائجه 100% ولكن ماهو الافضل ان تدخل مكان مظلم ودامس الظلمه بشمعه ام تدخله لا ترى حتى راحة كفك ؟ اعتقد كل واحد يعرف الجواب ,, ولكن عواطفنا لانستطيع التحكم بها

تحياتي

 

[جـراح]

لاتشكيلي ابكيلك

الدار شريته بـ405 فلس وصل ال34 فلس

كسر ظهري

وارتفع وبعته بالسبعينات لما حسيت انه بيتوقف

والحمد لله على كل حال

هذه اكبر غلطه

 

[Legal]

الله يعوض عليكم

ولكن من زرع حصد وان شاء الله تعبكم ما راح بلاش

عليكم بالصبر

لو رجعنا للازمة المالية 2008 كانت معظم الاسهم الورقية بخانه 20 فلس ويا سعده الي شرى بالاسعار الي قبل اكيد باع بضعف راسمالها 5 مرات مضاعفه .

والان اسعار الاسهم الورقية مقاربه لاسعار الاسهم وقت الازمة المالية باذن الله راح تدوبل بس عليكم بالصبر .

وانا عن نفسي لا انكر قوة التحليل لمعرفة تجاه السهم ولكن انا لا اعتد به نهائيا وذلك لان صانع السهم اذا اراد السهم ان يرتفع فيقول ( هبو لا لا )

وسلامتكم

 

[el6ayeb]

أكبر غلطة الاستثمار في سوق المقاصيص و الحرمنة .. بورصة الكويت
تبي تضيع أموالك استثمر بسوق المقاصيص ... ماشفت أحد يربح فيه إلا اثنين ..!!!!؟؟؟

 

[تعب قلبي]

اكبر غلطه...........
ان دخلت البورصه اساسا لاني ماعرف فيه شي
والغلطه الاكبرر اني دخلت بكل ما املك ولله الملك
والغلطه الادهى انها كلها بسهم واحد وهو تمويل الخليج
ها وبكم شاريه ولليوم عندي...بس لحد يضحك ويتشمت
تدرون بكم بدينار و200...طبعا من ناصح كانت المعلومه اشتره والاسبوع الجاي طالع للدينار ونص كانت توصيه من واحد
ما اقول الا الحمدلله والشكر والفضل والمنه والحمد لله على الصحه والعافيه والستر
بس الغلطه غلطتي ليش ماغطيته...بس المكتوب
اى الله كريم
والمشكله اني بردت عليه والحين طالع علي ب280
وال280 حتى بدربيل ما اشوفها بيني وبينها ابحار ووديان وكم وادي لان الوضع من اسوء لاسوء
يارب عفوك وعافيتك والله يرزق كل واحد على نيته

 

[iig+grand]

انا دشيت السوق ب صكوك شريت ب 360 وبردت 290 وبردت 226 وبردت 216 طلع المتوسط 240 بعت 220 بخساره

شريت جراند والمجموعه 370 وبعتهم 410 غير المنحه والارباح....وطفيت خسايؤي وحققت ارباح سحبت فلوسي من السوق
وبعد فتره رديت للمجموعه وجراند وشرين 400 كميات كبيره وبردت 360 كميات كبيره وبردت 255 كميات كبيره ................100........55.......50



والحمد لله قدر الله وماشاء فعل
للامانه عودتي الاخيره بعد ماتفحصت ميزانيات جراند بعنايه ووجدت عندهم اصول عقاريه( برج بالشارقه 22 مليون دك؟؟؟؟ ارض مصر (تم شرائها تقريبا 20 مليون؟؟؟؟؟يملكون المستثمرون ,,,,,, محافظ ماليه للمضاربه))))
لكن الواقع غير واهعتقد انه مر والله اعلى واعلم