%%%%% فزعتكم يالعرب %%%%%

[كويتي راقي]

يا شباب في مسابقة استرالية مشوينها استراليا حق احلى نغمة ومسجل فيها واحد كويتي وهو تأهل والحين المركز الخامس نبيكم تصوتوله وهو الوحيد العربي الي بالمسابقة
وهذا الرابط http://www.soundcheck.com.au/
وطريقة التصويت سهلة راح تفتحلك صفحة وروح عند الي نكه NewAges وحاط صورة ايدين واضغط على بلاي الي على اليمين وتفتح صفحة فيها مقطع فيديو وهي نغمة الكويتي تلقه تحت ارقام من 1 الى 5 ارقام المستوي اضغطو على المستوي 5 واكتبو الكود الي بالازرق واضغطو موافق الي بالاحمر وخلاص

 

[كويتي راقي]

للرفع للرفع

 

[vtc_305]

امحققق فزعه

افزع لواحد مسوي نغمه ... ترىى هذي محسوبه عليكـ عيبه

والجانب الاسلام محناا متكلمين عنه علشان لاندش بسالفه طويله وعريضه

ولو انكـ تحذف الموضوع ترىى واجد احسن

 

[Duke wahid]

الله يسامحك طلعت الشوزن وملقيت فشق ورحت اركض للسيارة عشان اشتري وتعرجبت وطحت من الدرج بس الحمدلله مصار فيني شي ولقيت السيارة ماتشتغل البطارية خربانه وقعدت اطر اشتراك من اليسوى واللي مايسوى وشغلت السيارة وطرت وقطعت الأشارة وصادني ضابط من هذيله المتخرجين اليدد وزفني وسحب الليسن ولما شرحتله ان الموضوع قومي ووطني تحمس وهدني وصلت المحل وكاسرت البايع الهندي بس راسه يابسه يقول بس بابا لايسوي جرجر واجد
بس لما شرحتله الموضوع انه قومي ووطني وذكرته بغاندي سوالي دسكاوند قوي ورجعت البيت ولقيت الكهربه كل العاده مطفينها ساعتين والكميوتر مافي شحن أضطريت اشبك من الشبه

وبعد هذا كله يطلع الموضوع نغمه الله يسامحك

 

[gulffalcon]

يا شباب في مسابقة استرالية مشوينها استراليا حق احلى نغمة ومسجل فيها واحد كويتي وهو تأهل والحين المركز الخامس نبيكم تصوتوله وهو الوحيد العربي الي بالمسابقة
وهذا الرابط http://www.soundcheck.com.au/
وطريقة التصويت سهلة راح تفتحلك صفحة وروح عند الي نكه NewAges وحاط صورة ايدين واضغط على بلاي الي على اليمين وتفتح صفحة فيها مقطع فيديو وهي نغمة الكويتي تلقه تحت ارقام من 1 الى 5 ارقام المستوي اضغطو على المستوي 5 واكتبو الكود الي بالازرق واضغطو موافق الي بالاحمر وخلاص

واللي يرحم والديك شهالمواضــــــــــــــــــــــــــــــــيع اللي قاعد تطلع فيها
شنو توك مجنس ولا شالسالفه درينا انك وطني من النك اللي حاطه
بس الموضوع ماله شغل لا بالقسم ولا بالمنتدي
لاتزعل تبيني اصوت بس على شرط تروح الحين ساحة العلم وتمسك علم الكويت وعلبة رغوه وتقول بصوت عالي وطني حبيبي وطني الغالي وتصور نفسك وتحطها بهالمنتدى
ها شرايـــــــــــــــــــك ؟ شقلت ؟

 

[كويتي راقي]

شكو هذا انت انطر يوم الخميس وحط على قناة الكويت ويصير خير وراح يصير معروف بالخليج كلة

 

[نواف الخالدي]

الله يسامحك طلعت الشوزن وملقيت فشق ورحت اركض للسيارة عشان اشتري وتعرجبت وطحت من الدرج بس الحمدلله مصار فيني شي ولقيت السيارة ماتشتغل البطارية خربانه وقعدت اطر اشتراك من اليسوى واللي مايسوى وشغلت السيارة وطرت وقطعت الأشارة وصادني ضابط من هذيله المتخرجين اليدد وزفني وسحب الليسن ولما شرحتله ان الموضوع قومي ووطني تحمس وهدني وصلت المحل وكاسرت البايع الهندي بس راسه يابسه يقول بس بابا لايسوي جرجر واجد
بس لما شرحتله الموضوع انه قومي ووطني وذكرته بغاندي سوالي دسكاوند قوي ورجعت البيت ولقيت الكهربه كل العاده مطفينها ساعتين والكميوتر مافي شحن أضطريت اشبك من الشبه

وبعد هذا كله يطلع الموضوع نغمه الله يسامحك

الله يرحم والديك لاتعيدها بطني انشقت من الضحك

 

[alwadey]

كويتى رافى

الدال على الخير كفاعله

وانت بفعلك هذا الله يهداك ماتحث على الخير

اسال الله لك ولصديقك ابو النغمه بالهدايه

 

[gulffalcon]

الله يكملك بعقلك

 

[أبوشيخه]

طـ هذا من صجه فزعه على نغمه وين الفزعه اصوتله وبينشهر بالخليج وبعدين شيصير ممكن تقولنا اذا انشهر شنو بيسوي؟؟؟؟؟؟؟؟؟ اما التصويت اغسل ايدك

 

[qoqo]

ياعمي انت بطران ومومار عليك هم

 

[أبوسعد الخالدي]

مــوفْـْـق

 

[بوجويس88]

قلت انا الحين فزعة على موقع يغلط على المسلمين و لا شي

طلعت السالفة عكس المتوقع

يا جماعة خلونا نترفع على هذي التفاهة شنو نغمات و لا اغاني

بعدين نقول احنا ليش متأخرين عن العالم

شوفوا شكثر الكويتين الي يروحون مسابقات عالمية في القراآن و ياخذون مراكز و لا أحد داري عنهم

كما قال عمر بن الخطاب رضي الله عنه
نحن قوم اعزنا الله بالاسلام فاذا ابتغينا العزة بغيره اذلنا الله

 

[كويتي راقي]

ياشباب انا اسف وحقكم علي بس الي معاهم رفيجي على شان جذي انا حاطة وابيه ينجح
ولا تزعلووون

 

[كويتي راقي]

يرجى حذف الموضوع

 

[gulffalcon]

هذا ورفيجك بعد
ليش ماتنصحه بشي احسن من هذا
شي يفيده دنيا واخره بدل ماتشجعه على الفسق والفجور
ياجماعه ناقصين عرقوز بالتلفزيون مو كافي اللي نشوفهم
الله يهديك وياهم