خبير تغذية
عضو نشط
- التسجيل
- 22 مارس 2010
- المشاركات
- 125
اخوي أبو فارس ...
نسبة الدهون بجسمك 34.6% وهي نسبة عالية .. أتمنى انك تعامل الموضوع بجدية أكثر ...
وزن عضلاتك مع الماي والعظام بجسمك 68 كيلو جرام ...
بافتراض انك تمشي بشكل يومي ولمدة لا تقل عن 45 دقيقة
انته لازم تاكل مجموع السعرات الحرارية باليوم الواحد حوالي 2200 سعرة
وللعلم ... موضوع السعرات الحرارية شر لابد منه ! ... يعني دام انته تبي تضعف وتنزل من الدهون اللي بجسمك ... لازم تتقيد بالسعرات الحرارية
بس قبل لا تعور راسك فيها ... في مجموعة من النقاط اللي ذكرتها اول الموضوع ... والحين اذكرلك بعضها مره ثانية ... هذي النقاط أساسية لأي جسم ... وقبل لا تفكر انك تلتزم بالسعرات الحرارية ... لازم لازم تلتزم فيها ...
1 أول ما تقعد من النوم ... كوب ماي دافي على الريج
2 أكثر أكله مفيدة لازم تاكلها اهيا الوجبة الأولى بيومك وأكثرها كمية ..
3 اشرب ماي وايد ... يعني بمقدار 8 الى 10 أكواب باليوم
4 لا توقف المشي مهما يصير ... امش كل يوم بمعدل 45 دقيقة ... لا تزيد ولا تقلل
5 وزع أكلك باليوم على 5 وجبات متساوية تقريبا بالمقدار وبين كل وجبة والثانية 3 ساعات ... الوجبة الأولى أكثر من بالباجي ... والأخيرة أقل من الباجي
6 لا تاكل قبل لا تنام بأقل من اربع ساعات ... يعني تبي تنام الساعة 12 اخر وجبة الساعه 8
7 بعد الوجبة الاولى والثانية اشرب شاي اخضر .. من غير سكر طبعا
8 ابعد عن اي نوع من انواع المشروبات مهما كانت طبيعية ... بس اشرب ماي
9 قبل لا تاكل اي وجبة ... تذكر انك راح تاكل بعدها بثلاث ساعات .. يعني لا تكثر .. ولا تطوف اي وجبة بيومك مهما يكون السبب
10 قلل من اللحم وخصوصا الأحمر كثر ما تقدر ... يعني مرة ولا مرتين بالاسبوع لحم أحمر ... 3 مرات لحم أبيض ... والباجي فواكه وخضراوات وبقوليات
11 ابعد ابعد ابعد عن الايس كريم والكاكاو والحلويات .. وبدلها بالتمر والعسل
....
واذا تبي بعد انا حاضر ....
أما بالنسبة حق جسمك بالذات ... مثل ما قلتلك .. اذا مشيت كل يوم 45 دقيقة ... لازم تاكل 2200 سعرة باليوم ... واذا وزعناها على 5 وجبات راح تصير جذي ..
الأولى 550 سعرة
الثانية 480 سعرة
الثالثة 440 سعرة
الرابعة 390 سعرة
الخامسة 330 سعرة
شلون تبي تعرف جم سعرة حرارية بأكلك .. المواقع ترس النت ... جرب هذا مثلا
http://www.moh.gov.sa/badana/Calories.htm
حاول تقعد بروحك وتحط الجدول جدام عيونك ووتسويلك وجبات تناسب ذوقك ومزاجك ...
واذا كان عندك أي سؤال .. لا يردك الا لسانك .. وان شاء الله ما اقصر
