دورة المؤشرنت للتحليل الفني
50 دينار كويتي
السلام عليكم أخوي خالد
قواك الله كلامك حلو بس مو واقعي كلش
المشاريع الحكومية معروف عنها ورقية وبس
وبالنسبة للسكن بعيد ماكو مشاكل لو الشارع ما فيه ازدحام
بس شكلك ما تدري عن معاناة الدرب
محد يحس بالمعانات غير إلي عايشها
هلا بالحبيب..ياخوي انا قاعد ادلي بدلوي على قولة الشباب..انا معاك ان المشاريع الحكومية ورقية هذا الحجي كان قبل...الحين في خطة تنموية قدمتها الحكومة للمجلس وصارت ملزمة بتنفيذ الخطة بقيمة 37مليار كويتي دينار ينطح دينار...واغلب المشاريع ترتكز على توفير المنازل للكويتين ومجلس الامه الله يخليه سبق الوقت واول قانون تبناه توفير عشر مدن اسكانية..والحكومة الحين ملزمة بقوة القانون بتنفيذ هذي المشاريع..انا كلامي مدعم بقوانين تم تشريعها بشكل رسمي ..ووفق خطة حكومية ملزمة..عشان جذي يالحبيب الوضع الحين مختلف عن قبل..وسواء بقى وزير الاسكان الحالي او تغير تبقى الحكومة مرغمة على تنفيذ هذه المشاريع وغيرها...وبعدين مدينة الحرير ربع ساعة وانت بالديرة وسط العاصمة..حتى مدينة صباح الاحمد نص ساعة وانت بدوامك بشرق..حجة البعد اتوقع مومنطقيه خصوصا اننا في الكويت ماشالله سيارة محترمة ومكيفة...الحمدلله مانعتمد على الميكروباص في التنقل ...تحياتي للجميع
كلامك اخوي واقعي وعين العقل ....أحترم رايك.
مشكور يالحبيب..راح اقولك وحق المتابعين قصة قصيرة صارت معاي من قبل 6 سنين تقريبا صارت معاي شخصيا...كنت اكمل الماجستير في مصر..وبحسبة بسيطة شفت اني اشنري شقة هناك افضل من اني اقوم بتأجير شقة مفروشة...سويت بحث طيب..واصحاب الخبرة قالولي اشتري بمنطقة جديدة اسمها الشيخ زايد..تبعد عن قلب القاهرة 20 دقيقة تقريبا..وفعلا شرين هناك..كل الاصدقاء وخبراء العقار قالولي انت مجنون شاري باخر الدنيا ليش ماشريت في الزمالك ولا الدقي الخ والله يهداك ماخذ بمنطقة غير مأهولة..لان منطقة الشيخ زايد تعتبر منطقة صحراوية وبعيدة نوعا ما عن المدينة..المهم المنطقة الحين من اغلى المناطق في مصر وشقتي جابتلي ربح الضعفين..وصارت المنطقة عزيزة عند الكل المصريين والخليجيين كونها بعيدة عن الزحمة والاجواء فيها انظف من المدينة..الوضع صدقوني نفس الشي بالكويت..خصوصا ان القانون الجديد المفروض انهم يقرونه يشرط ان المناطق الجديدة لازم ماتقل عن 600 متر..وخلوا فلوسكم بجيبكم..والله عرفناه بالعقل..انا ليش اقعد اقاصد لمدة 15 سنة قسط شهري مايقل عن 900دينار عشان فرق مسافة نص ساعة وسلامتكم
ياجماعه العقار من منتصف 2009 والي الان في نزول
والعرض اكثر من الطلب والناس معاد عندها فلوس تشتري
طبعا بستثناء التجار
تحياتي
دورة المؤشرنت للتحليل الفني
50 دينار كويتي