شنو رايكم باللكزس الامريكي

[جهاد666]

السلام عليكم ..
ياجماعة اسشارة ...
شنو رايكم باللكزس امريكي 430 او 460 لارج
كامل مواصفات وممشاه شوي ونفس مواصفات السعوديه الترا
شنو فرقه وهل يفرق قطع الغيار وكم اسعاره بالسوق مقارنه بالخليجي اتمنى الراي من اهل الخبرة ..

 

[جهاد666]

افااا ياجماعة لارد ولاخبر ماهي بالهقوه والله ..
انتظر ..

 

[abdullah6868]

كل السوق امريكى
والناس تدور الرخص
والمواصفات نفس الشى
والقطع نفس الشى
يعنى اكشخ برخيص ولا تحاتى

 

[560SEL]

والله يقولون في قطع لازم تتلفق ماتركب 100 % لكن الحين كل شي سهل اطلب القطع من امريكا وفي ناس متخصصين وياخذون عموله بسيطه
يعني اذا تعرف احد يوفر القطع من امريكا توكل على الله واستخير

 

[اليوفي الثاني]

اخوي ما في فرق نهائيا
انا كانت عندي تويوتا سولارا نفس قطع الكامري
وكانت عندي كامري 2002 امركية احسن من مواصفات الخليجية اللهم السفايف حصلناهم من الغنام

توكل علا الله الواحد الاحد

 

[ابو سالم1]

كانت عندي لكزس قديمة موديل 1997 ورحت محل قطع غيار وقلت ابي بلاكات وسئلنى السيارة امريكي او يابانى وقلت يابانى وسئلتة شنو الفرق وقالى الفرق ان سعر بلاكات اليابانى 3 دنانير وسعر بلاكات الامريكي 17 دينار وقلت الحمدالله سيارتى يابانى ))):

نصيحة اذا انت شارى وفلوسك معاك انت تتشرط وتشترى الى تبي لاتخذ غير يابانى ويكون من وكالة الدولة الى انت فيها وريح بالك لاتستعجل ترا الامريكي ماله سووووق وبيعة صعبة مو مثل اليابانى مع احترامى للاخوة ولكن الحق ينقال الامريكي بيعتة ثقيلة بالخلييييج اشتر الزين سعرة فية

 

[جهاد666]

الف شكر ياجماعة على الردود الطيبة ,,

 

[القحيصان 76]

والله راي من راي اخوي ابو سالم الغالي سعره فيه ومثل ماقال ماله سعر بالخليج توكل علي الله واستخير وان شالله ربك ينور لك طريق الخير بالتوفيق يارب اما بالنسبه لي الكشخه هم اضم صوتي من صوت الاخ اللي قال اكشخ نفس الشي بس اعمل حسابك علي نسبه من خساره