السلام عليكم ورحمه الله وبركاته اخواني حبيت اسال سوال انا عندي صديق لي مقيم المهم جاب لي فكره مشروع وانا درستها تقريبا صارلي 4 اشهر وانا ادرسها واقلب الفكره براسي وطلعت ناجحه بس حبيت اسال سوال الشخص انا اثق فيه بس مابي اسلم رقبتي للناس على قوله الوالد الله يطول عمره تبي تطلع سالم لا تسلم رقبتك للناس انا الحين ابي استفسر الحين بطلع رخصه وكل شي بس ابي اضمن ان هل شريك اذا صارت شي ماطيح براسي انا وعلى قولتهم ينحاش ابي يكون ان اي طقه تصير بالراس تصير في راسي وراسه مو بس راسي انا واتمنى فهمتوا الي اقصد لا تقولون لي جواز لان مستحيل بقوله عطني جوازك الرجال اعرفه شكثر عطيته فلوس وردهم لي باقل من شهر بس ابي شي يقضبه اذا انطقينا بالراس نتطق انا وياه وشكرا
إن شاء الله الإخوان القانونيين يفيدونك اكثر ولكن الطريقة الجيدة هى ان تقوم بتأسيس شركة ذات مسؤلية محدودة 51% لك 49% لصديقك والتوقيع يكون مجتمعين اى ان لا تتم اى معاملة لكم من فتح الحساب بالبنك الى بوجودكم انت وزميلك
تسلم ياخوي على ردك انا كنت ابي رخصه تجارة عامة ومقاولات وانت تدري ان هل رخصه مصكره صارلها سنه ونص تقريبا انا عندي رخصه للوالده الله يحفظها لي بس ابي احولها باسمي وادخل وياي الشريك عشان اذا صار شي الله لا يقوله مايروح ديرته ويقطني على صخر :d من خاف سلم في حل لهل مشكله او ننسى المشروع للاسف
صباح الخير انا عندي خبرات مع هذه النوعيه اذا تبي تعرف ما يكذب وتكون متطمن قوله ادفع المبلغ ( الفلاني ) اللي تدير فيه المشروع كامل وانت تدفع معاه المصاريف من اجار مكتب وعمال (نص بنص) وعليك الرخصه . اذا قالك والله الحين ما عندي انت ادفع وبعدين اعطيك نصيحه اخو مجرب وخر عنه ولا تطيح بالحفره وتضيع عمرك وفلوسك ، لان هذولي جايين الكويت طمعاً فينا . واذا دفع ( كاش المبلغ كامل ) استخير وتوكل على الله . وارجو ان تتقبل مروري المتواضع ، وانا ما شاركت الا لاني حريص على ابناء ديرتي . واتمنى لك التوفيق والنجاح ....
عساكم على القوه ياشباب والله يجزاكم خير اهوا عنده فلوس كاش وقال انت عشره وانا عشره والشخص انا واثق فيه بس انا خايف ان يرتكب غلطه او مثل مايقولون الشيطان شاطر ويلعب بمخه وبعدها اكون انا الضحيه والله لا يقوله اذا صكني بمبلغ محترم منو بيشيل عني هل مبلغ جذي انا خايف من هل ناحيه بس المشروع ككل انا ضامن ربحه بعد توفيق الله طبعا بس مثل ماقلت انا خايف من انه ينحاش ويروح ديرته ويوهقنى
اخذ في نصيحه الوالد الوافد في حاله صدور احكام ضدكم اما يغادر البلد وإلا أخذ ابعاد وفي كلا الحالتين راح تنفذ الحكم لوحدك
تبي الحق : إذا أنت من أولها تفكر يخونك أو يصير فيك شيء لا تشاركه وفك عمرك الشراكه اللي مافيها ثقه , ما فيها خير
السلام عليكم اخوي تقدر تروح لمكتب محامي وتقوله طلباتك وهو يرسيك على اضمن الحلول واذا تبي انا اعرف محامي ومستشار في الشركات اضمن واحسن لك حط فلوسك بالشمس واقعد بالظلال راسلني اذا تحب وشكرا
ديربالك منهم , انا مسلف واحد 50 قام اتهرب لما طلبتهم منه وقام اتبجبج عند اريولي وماردهم شكله سوالي فلم هندي , لما رحت عنه ضحك علي , ديربالك ياخوي
