الفرق بين الشرطي والمدني 50 ديناراً

الموضوع في 'الوظائف والأعمال التجاريه' بواسطة ياسر الروقي, بتاريخ ‏28 مارس 2010.

حالة الموضوع:
مغلق
  1. ياسر الروقي

    ياسر الروقي عضو نشط

    التسجيل:
    ‏11 يونيو 2007
    المشاركات:
    3,830
    عدد الإعجابات:
    14
    مكان الإقامة:
    بلدة طيبة ورب غفور
    سألنا احد قياديي المرور الذي أفادنا: «اننا نفتقر الى الافراد، وان لدينا نقصا شديدا في الافراد وفي الشرطة لقيادة هذه السيارات واستخدامها لان الشباب لا يلتحقون بالعمل في وزارة الداخلية»، لهذا عقدنا اجتماعاً لبحث أسباب عزوف الشباب، ووجدنا ان السبب هو الراتب، حيث كان الفرق خمسين ديناراً فقط عن أي موظف مدني، لذا فان الشباب يفضلون العمل الحكومي المكتبي ويشترون راحتهم بخمسين دينارا شهرياً بدلا من الشرطة والحجز ودوام النوبات والتواجد بالشوارع في حرارة الصيف وبرودة الشتاء والبهدلة، ورفعنا الأمر الى المسؤولين طالبين زيادة رواتب وبدلات ومكافآت الشرطة، فكان الرد: لا تحدثونا عن الفلوس..!!؟
    الحل يا وزير الداخلية في متابعتكم الشخصية لمجلس الوزراء، وزيادة رواتب وبدلات الشرطة وتمييزهم عن الموظفين العموميين بمبلغ لا يقل عن 200 دينار شهرياً، وعندئذ فقط تسدون النقص الحاصل في جميع أقسام الوزارة، وخصوصا في أفراد الشرطة، وسوف يسجّل هذا العمل في سجل انجازاتكم وفي عهدكم كوزير للداخلية، آملين ايلاء الموضوع الاهتمام اللازم، لأنه يستحق الاهتمام فعلاً.

    علي الكندري
    جريدة القبس​
     
  2. s3ood-78

    s3ood-78 عضو جديد

    التسجيل:
    ‏4 مارس 2010
    المشاركات:
    315
    عدد الإعجابات:
    0
    مكان الإقامة:
    kuwait
    والله ياخوي من دعاوي الناس على الشرطة

    محد فيهم متوفق الي شادين حيلهم فقط على الكويتي الكويتي الكويتي

    والأجنبي يسرح ويمرح واهوو الصح

    واحنى الغلط
     
  3. الشكوىى لله

    الشكوىى لله عضو نشط

    التسجيل:
    ‏23 ابريل 2009
    المشاركات:
    441
    عدد الإعجابات:
    0
    مكان الإقامة:
    الكويت
    أهيه مو قصة مدنـي ,عسكري!
    المدني: بأي وزاره كانت نفترض يستلم 600 د.ك
    وأهو على قولتك قاعـد ومرتاح ومشتري راحتهـ
    والمدخل بيانات او المفتشْ في الجمارك (وزارة الماليه)
    يستلم 850 دينـار ويداوم يومـ.. و 3 أبيتهـم :)
    على حسبّ دوامك على حسبُ وزارتك ........الخ

    وخلاصة الموضوع ..
    جنـدي بالحرسُ وشرطي بالداخليه ..
    فرق الراتب ذ1ك مرتاح وهذا مهدود حيله < وافهم
     
  4. كويتي 2010

    كويتي 2010 عضو جديد

    التسجيل:
    ‏15 يناير 2010
    المشاركات:
    99
    عدد الإعجابات:
    0
    انزين اخوي اهم الحين يقبلون اذا في احد بيشتغل (يعني محتاجين)
    وجم الراتب عموما؟
     
  5. ماخذ قرض

    ماخذ قرض عضو جديد

    التسجيل:
    ‏24 مارس 2010
    المشاركات:
    93
    عدد الإعجابات:
    0
    والله حنا مدنيين ومعاشنا منتف معاشي انا570 وانا دبلوم بعد الثانوية بذمتك هذا معاش
    وبعدين بنسبة لشرطه احسن هم معاشهم منتف مثلنا مو مخلينا بحالنا شلون لو يزيدون معاشاتهم
    <<< كيفي كويتي ديرت حسد
     
  6. wooow

    wooow عضو جديد

    التسجيل:
    ‏8 يونيو 2008
    المشاركات:
    1,143
    عدد الإعجابات:
    0
    انا اشوف ان سبب العزوف هو معاملة الضباط للافراد فقط فقط فقط ( عبوديه + اهانه + مزاجيه ) من قبل الضباط
     
  7. السهم المجروح

    السهم المجروح موقوف

    التسجيل:
    ‏9 فبراير 2009
    المشاركات:
    760
    عدد الإعجابات:
    0
    كلامك صح وانا شلي حادني اذا عندي ثانويه او دبلوم ادخل عسكري تحت امر اللي يسوا واللي مايسوا

    وبالنسبه للرواتب للأفراد اللي شهاداتهم متوسطه رواتبهم جدا ممتازه ولكن فوق الثانويه مايفرق وايد عن المدني
    واخر الكلام على الرواتب الحاليه وذالين الافراد شنو بيكون وضعنا اذا زادو المعاشات وتأكدو الضباط ان الفرد بيستحمل لانه ماراح يحصل هالراتب بره احتمال يداوم زحف لو يقولون الزياده 300 دينار ماأبيها
     
  8. al_7ntfes

    al_7ntfes عضو جديد

    التسجيل:
    ‏9 يناير 2009
    المشاركات:
    32
    عدد الإعجابات:
    0
    يا بعد عمري انشالله
    انت قدم على شركه او مؤسسه واذا اقبلوك تعال كلمني
    1-مديرك هندي وتلقاه اظبط الاهنود ويلعن خيرك
    2-دوامك يكون بصمه يعني اذا انت من ربع تتأخر ولو دقيقه يعني معاشك كله مقصوص
    3-مالك بالواسطات
    4-اذا تغير مديرك او مسؤلك الي امظبطه راح اييك مسؤل يطشرك مثل ما صار اب واحد من الشباب صار دوامه الي اساعه 3 ويداوم كل ايام الاسبوع ماعدا يوم اليمعه

    اما الي يتشكه من العسكريه تلقاه عليه مشاكل جايده يعني يغيب وما يبي احد يكلمه
    او
    ما عنده اسلوب اكلم مسؤليته

    اما عن العبوديه فهذي صحيح موجوده بس في عصر ما قبل الاسلام

    اما عن المخالفات فهذا شغله انه يخالف الناس
    بعدين انت اشدراك انه الاجنبي ما يتخالف روح المرور وشوف الزحمه كلها كويتيين وله اجانب

    والدليل انه الكويتي ما يتخالف فالدليل واضح جدا روح شوف السيايير بالشارع اشكثرهم مخالفين بجميع انواع المخالفات
    مخالفات بجميع انواعها سواء التكلم بالتلفون وتجاوز بين الحارات وتصكير الشوارع ويصفطون عند رصيف
    (واتوقع مخالفات الازالات اشوف محد تكلم عنها لي حاطله دواوين بالالاف شالوها وغصبن عليهم وكل شكاويهم اشربو مايها )

    ويكفي العسكري عندما يداوم فهو يخدم بلده

    تبي مثال على الدوام الخايس بين الشركات روح شوف بنت تشتغل في احد البنوك تلقاها عندها اعيال ودوامها طول عمرها صبح وعصر
    اما الداخليه صباحي

    واذا تتكلم عن الالزامات لو تحسبها صح نفس الدوام العادي يداوم 8 ساعات
    وانت عمرك سمعت عن مخفر يصكر اساعه 10 مثل المحلات التجاريه
    وبعدين على كل حجز بالعسكريين لهم مكافأتهم

    بعدين اي دوام غير حكومي فصلك من الدوام اب ولا بيزه
    يعني طاحت البورصه انت مفصول او ..... ااما العسكري فهو ثابت ما ينفصل بما انه يداوم صح
    ويقدر ينقل من مكان الي اخر اذا مل من الوظيفه الي اهو فيها مثلا
    مره تشوفه دوريات ومره تشوفه بالمطار ومره اداري ومره بالقوات الخاصه ومره اداري كل واحد والي يناسبه

    واسمحولنا على الطرح الصريح
    (وانت بالجريده اذا ما كتبت شي يمسكونك الباب ما عندكم غير التحرش اب خلق الله والاشاعات خافـــــو الله كل شغلكم اشاعات وجذب على الاوادم وفضايح خلق اللله واي واحد ما يعجبكم تكتبون عنه بس تكتبون عن المساكين اما التجار والاشيوخ الي لاعبين لعب ما تكتبون شي عنهم لانهم امعزبينكم )
     
  9. bol-bol

    bol-bol عضو نشط

    التسجيل:
    ‏23 سبتمبر 2009
    المشاركات:
    164
    عدد الإعجابات:
    0
    لا تعليق :)
     
  10. bol-bol

    bol-bol عضو نشط

    التسجيل:
    ‏23 سبتمبر 2009
    المشاركات:
    164
    عدد الإعجابات:
    0
    الخير ياي ان شاء الله :)
     
حالة الموضوع:
مغلق