كيف تطلب الستيك :)

الموضوع في 'إستراحة المنتدى' بواسطة ميكانيكي, بتاريخ ‏28 مارس 2010.

  1. ميكانيكي

    ميكانيكي عضو مميز

    التسجيل:
    ‏4 نوفمبر 2006
    المشاركات:
    18,640
    عدد الإعجابات:
    93
    مكان الإقامة:
    الكويت
    هذا ايميل وصلني وحبيت اني اشاركم فيه :)

    للعلم : في محل بالافنيوز .. اسمه the butcher بجانب ماكدونالدز يبيع هالانواع

    وصراحه من افضل الستيكات الي جربتها الكويت :)

    بالهنا والشفا :)
    _______________________________________

    كيف تطلب الستيك

    كثير من الشعب السعودي يحب اللحم , واذا راح للمطاعم يشتهي يطلب ستيك .
    طبعًا يجلس الواحد يقلّب في المنيو ويشوف أنواع الستيك الكثيرة ويحتار وش يطلب ,
    أساسًا البعض يقول كله لحم وش الفرق بالله , واذا رسى له على نوع ستيك
    وسأله الويتر كيف تبي طريقة الطبخ ؟! , يفك فمه ويقول أنت وش تنصحن ؟!

    المهم .. يوم شفت الوضع السيء عند البعض وليس الكل , قلت بنزل هالموضوع
    اللي يشرح أنواع قطع الستيك , والفروقات بين طرق الطبخ وكيف يأثر هذا كله على طعم الستيك
     
  2. ميكانيكي

    ميكانيكي عضو مميز

    التسجيل:
    ‏4 نوفمبر 2006
    المشاركات:
    18,640
    عدد الإعجابات:
    93
    مكان الإقامة:
    الكويت
    يتبع
     

    الملفات المرفقة:

    • 1.JPG
      1.JPG
      حجم الملف:
      39.7 KB
      المشاهدات:
      1,182
  3. ميكانيكي

    ميكانيكي عضو مميز

    التسجيل:
    ‏4 نوفمبر 2006
    المشاركات:
    18,640
    عدد الإعجابات:
    93
    مكان الإقامة:
    الكويت
    أنواع الستيك /

    طبعًا الستيك أنواعه كثييرة , وتعتمد على البلد والأنواع اللي دارجة فيه وتلقى قبول من الزباين !
    بالنسبة لـ عندنا واللي موجود بـ مطاعمنا من خلال تجربتي لقيتها تقريبًا 4 أنواع , راح أخذها
    كل واحد لحال .. وأشرح وش وضعه بالضبط ويفرق عن الباقين بـ ايش

    ,

    Sirloin Steak



    شحم قليل والنكهة موجودة , السيراليون هو الأكثر رواج عندنا بالسعودية , ميزته أن سعره
    عادةً يكون أقل من الباقين وبنفس الوقت فيه نكهة , والنكهة طبعًا جاية من الشحم اللي فيه
    وزن السيراليون بالعادة معقول ومُشبع لـ الشخص الجوعان .. وسعره بعد يكون معقول جدًا .
    طبعًا لو ترجعون لصورة البقرة بتشوفون من وين ينأخذ السيراليون وعادة ياخذونه من فوق .

    بـ اختصار لو ما تبي تتعب راسك , اطلب هذا وأنت مرتاح , لأنه فيه شوي من كل شي .


    Tenderloin Steak , Fillet Mignon



    التيندرلوين أو الفيليه منيون , حطيتهم كلهم في نوع واحد لأنهم تقريبًا نفس الشي .. ميزة
    هالنوع أنه بدون شحم ! .. اللحم يجي طري مررة وهو الاختيار الصحي دايم , بس لو نرجع
    مرة ثانية لصورة البقرة اللي فوق وندور عن المكان اللي ياخذون منه التندرليون بنلقاه صغير
    وهذا اللي يسبب أن هالنوع بالعادة يكون غالي ! , & شي ثاني لازم تنتبهون له وتعرفونه
    أنه هالنوع بالعادة يجي وزنه أخف من باقي الستيكات .. لأن الشحم هنا ما ياخذ مساحة وبحالة
    الفيليه منيون يكون شكل اللحم دائري وتجي القطعة صغيرة وبالعادة ما تشبّع الناس الجوعانة

    يعني لو تبون شي صحّي & بدون شحم , وبنفس الوقت انتم مب جوعانين مرة , اختاروا هذا



    T-Bone Steak



    من اسمه واضح وش فيه , فيه عظمة على شكل حرف T , وعلى أجنابها فيه اللحم ..
    وطبعًا موجود شحم بهالنوع , ميزة هالستيك بـ وزنه الكبير عادةً وكمية اللحم الكبيرة اللي فيه !
    هذا النوع هو المُفضل للناس اللي تقدّر الستيك لأن طعم اللحم اذا انطبخ يصير بطل ,
    ولكن بنفس الوقت للي مهب راعين ستيك ما يجوز لهم مرة لأن تقطيعه مشوار والعظم يسوي زحمة
    سعره غالي بالعادة وهذا شي طبيعي بسبب وزنه الكبير مقارنة بباقي الانواع .

    اللي يبي يطلب هذا يا يكون مجربه قبل أو جوعان ووده يضرب بـ لحم صدقي


    Rib Eye Steak



    هذا هو أكثر الأنواع شحم , وبالتالي الأقوى بالطعم .. طبعًا هالنوع ما راح يجوز الا للناس
    اللي تحب طعم اللحم اذا انطبخ مع الـ Fat , ومتداول في أمريكا كثيير ويعشقونه هناك

    ,


    * *

    أنواع الطبخ /

    الأنواع تتراوح بين Rare (( ني )) و Well Done (( مطبوخ )) , بس بما أن محد
    يحب الني وهالأمور اللي مالها داعي , بـ أختصر السالفة وبحط الـ 3 أنواع المهمة ..

    Medium



    مثل ما أنتم شايفين بالصورة , هذا هو الميديم .. الطبخ يكون نص استواء , من الداخل
    بيكون لون اللحم وردي ومن برى بني , وقت الأكل بيكون الطعم Juicy شوي ومهب ناشف .

    Medium Well



    نفس الشي نرجع ونشوف الصورة , هذا بين النص استواء والمستوي , بالنسبة لي هو
    أطلق شي , يجي اللحم طري من جوى بس بنفس الوقت مطبوخ وما يوجع البطن
    يعني اذا رجعت البيت ومع البيبسي الأكل يتهضم ومهب يجلس على قلبك , الخيار الممتاز

    Well Done



    مطبوخ بالكامل , مشكلته أنك ما تضمن المطعم ممكن بكل سهولة يحرقونه لك من الأطراف
    ويصير ناشف وتتغصبه , ما أفضله أنا أبدًا لكن يمكن للناس اللي ما تحب الستيك
    او اللي تحب الأكل مستوي يكون هذا الخيار الأضمن , مشكلته بعض الاحيان يكون ناشف .

    * *

    Steak Sauces



    أنواع الصوصات كثيرة , لكن هالنوعين أبرزها , الـ A1 موجودة بـ أمريكا ومنتشرة
    هناك , اما الـ HP هذي في بريطانيا .. بالنسبة لي أفضل الـ A1 , الثانية ما خشت مزاجي
    ريحتها أساسًا تكرم النعمة مدري وشلون , وطبعًا لا مانع من حركاتنا والشطة والليمون والكتشب
     
  4. mxxy

    mxxy عضو مبدع

    التسجيل:
    ‏28 فبراير 2007
    المشاركات:
    2,665
    عدد الإعجابات:
    1
    مكان الإقامة:
    Kuwait
    أهـــا جذي السالفه !

    انه عن نفسي ما أحب آكل ألا (( التندرليون فيليه ستيك )) اللحم البقري .

    وتبيعه المطاعم التاليه :-


    1- نينو البحر أو الافنيوز
    2- هاردروك شارع الخليج
    3- مركز السلطان شرق أو السالمية شارع الخليج
    4- المطعم الفرنسي larc الي على شارع الخليج على البحر لون المبنى بنفسجي يم ليالي الحلميه على ما اعتقد

    وفي مطعم فرنسي موجود بالفنار وحاليا بالافنيوز يبيع شرائح الستيك بصوص خااص فيهم ويقدمها لك حاره وعلى دفعتين

    بس شنو المطعم الي تقول عنه يم ماكدونالدز وبيع ستيكات ؟
     
  5. ميكانيكي

    ميكانيكي عضو مميز

    التسجيل:
    ‏4 نوفمبر 2006
    المشاركات:
    18,640
    عدد الإعجابات:
    93
    مكان الإقامة:
    الكويت
    المطعم اسمه the butcher اللوحه لونها اخضر

    فوق بجانب ماكدونالدز الي بالافنيوز .. كأنك رايح ماجك بلانت .. يصير على اليسار :)

    جبال حوض السمك :)
     
  6. انطلق2

    انطلق2 عضو جديد

    التسجيل:
    ‏20 يناير 2007
    المشاركات:
    1,629
    عدد الإعجابات:
    1
    أنا وللأسف طايح بال ريب آي ستيك...كل ما أروح للشالية أمر مركز سلطان فحيحيل و آخذ قطعتين و كل وحده أقطعها نصفين (أسهل للشواء)...و في صوص عجيب عند مركز سلطان (صوص ستيك بالعسل).
     
  7. الصدق منجاة

    الصدق منجاة عضو نشط

    التسجيل:
    ‏22 أغسطس 2009
    المشاركات:
    2,447
    عدد الإعجابات:
    0
    مكان الإقامة:
    kuwait in me
    ميكانيكي مواضيعك دايما ممتعه بس اسم مطعمك يخرع

    معناه القصاب :)

    وراح ارفق لكم احلي صلصه بالعالم


    fountain pepper steak sauce
     

    الملفات المرفقة:

  8. kuwaitiya3asaal

    kuwaitiya3asaal عضو جديد

    التسجيل:
    ‏14 أكتوبر 2009
    المشاركات:
    18
    عدد الإعجابات:
    0
    مكان الإقامة:
    kuwait
    صباح الخير

    ميكانيكي مواضيعك دايما خفيفه وحلوه تسلم على هالموضوع :) وبس بضيف اضافه اذا كنت من عشاق الستيك فبرأيي تجرب احلا مطعم بالكويت يسوي ستيك اسمه ( ستيك كومبني) بمجمع 360 ، بصراحه انا جربت بعد الدياي والباستا فيه بس اهو متخصص بالستيكات لكن حتى اطباقه الثانيه عجيبه ، باختصار الطباخ اللي عندهم يطبخ بمزاااااااج :) لان الاكل وايد وايد تيستي :) بس اذا بتروح روح انت ورفيجك بس لاتعزم وايد لان وايد غالي :)

    جربه وراح تدعيلي :)
     
  9. هامور 2000

    هامور 2000 عضو نشط

    التسجيل:
    ‏7 نوفمبر 2007
    المشاركات:
    1,778
    عدد الإعجابات:
    1
    مواضيعك مميزه


    بس عندي سؤال مهم

    انت أكيد ميكانيكي !!!!!!!!!!!!!!!!!!!!!!!!!!!!!!!

    اللي شايفه خبرتك كبيره بالمطاعم تبارك الرحمن
     
  10. Navigator

    Navigator مشرف مشرف

    التسجيل:
    ‏14 نوفمبر 2007
    المشاركات:
    28,212
    عدد الإعجابات:
    5,970
    مكان الإقامة:
    الكويت
    بو فجر ما اقدر ادفع نص الايجار هالشهر

    الله يعينك
     
  11. الصدق منجاة

    الصدق منجاة عضو نشط

    التسجيل:
    ‏22 أغسطس 2009
    المشاركات:
    2,447
    عدد الإعجابات:
    0
    مكان الإقامة:
    kuwait in me
    هلا بإخوي هامور

    ميكانيكي هو بالاساس ميكانيكي اوادم ( دكتور ) بس اسكت لاتعلم احد لايبلشونه بالمنتدي اللي يبي يبدل جبده اللي امبطت واللي مرارته منفقعه الخخخخخخخخخخخ تدري الاسهم ماخلت واحد صاحي

    اقول تري هذا سر بيني وبينك ;)



    اللي يبي ستيك يروح القيصر ويطلب دايانا ستيك ويدعيلي خفيف علي الجبد وعلي المخبا :eek: اربع دنانير
     
  12. ابوعايض

    ابوعايض عضو نشط

    التسجيل:
    ‏8 يناير 2006
    المشاركات:
    1,735
    عدد الإعجابات:
    2
    مكان الإقامة:
    الكويت
    اول مره كليت فيها ستيك سنة 1989 عازمني واحد من الربع عشاء

    في فندق بلازا الى يم المثنا والله ياني نشرت الصحن نشر بالسكين

    وصاحبي يقوللي فضحتنى الله يفضحك الصوت واصل برى المطعم
     
  13. Bn-Sha6i

    Bn-Sha6i عضو جديد

    التسجيل:
    ‏16 يونيو 2009
    المشاركات:
    101
    عدد الإعجابات:
    0
    بحكم اني من عشاااق الستيك اشكرك على الموضوع
    ونصيحة جرب مطعم ستيك ارجنتيني بالبالمز
    او مطعم يديد بمجمع امنيه يخليك انت تطبخ اكلك
     
  14. ميكانيكي

    ميكانيكي عضو مميز

    التسجيل:
    ‏4 نوفمبر 2006
    المشاركات:
    18,640
    عدد الإعجابات:
    93
    مكان الإقامة:
    الكويت
    مشكورين جميعا على الردود :)

    نصيحة لايطوفكم الي بالافنيوز

    بس ترا غالي

    سعر الستيك الفيله 9 دنانير :)

    بالعافيه عليكم

    كويتية ان شاء الله راح اجرب مطعمج :)
     
  15. mxxy

    mxxy عضو مبدع

    التسجيل:
    ‏28 فبراير 2007
    المشاركات:
    2,665
    عدد الإعجابات:
    1
    مكان الإقامة:
    Kuwait
    رايحله اليوم نشالله شهيتني على الستيك عدل خاصتا الصور الي حطيتووهاااا ، بس انه ربعي والناس مناشبيني على أكل الستيك !!! (( لااااااااا تاكل ستيك مو زين بعدين يصير فيك

    1- نقرص
    2- تصير عصبي
    3- الدم ماله مو زين تاكله
    4- يسوي سرطان وعوار بالبطن

    يغثون الواحد غصب هوااة الستيك لهم مزااج خاص .