هل صحيح دعوة بطاقة القرين 5دنانير على كل الف سهم

[الريان]

اقتصادي تتوقع تزيد او توقف وجم ارقام هواتفهم ومتى اخر يوم زين واحد يبيعهم

سوال لك يا اخي كريم

هل يجوز بيع البطقات الدعوة والتي تعتبر صوت وهي امانه وذمه ؟ هل يجوز شرعا فعل ذالك

 

[TechnoFund]

لا يجوز بيع البطاقات، يا اخي إذا مو الدين اللي يردك بالعقل على الأقل .. اللي بيشتري منك هالبطاقه على دينارين ولا ثلاثه وحتى عشره .. شدعوه بتغنيك هالجم فلس .. وشراح تربح من ورا هالشغله كلها على الأمد القصير فما بالك بالبعيد ؟؟ وهل تظمن ان الشخص الللي بيشتري بطاقتك يبي يرشح او يصوت واحد بيستاهل ويخاف الله .. ؟؟!! يا أخي مالك خلق تصوت وتروح الجمعيه العموميه .. خل بطاقتك عندك أو عطها (مو بيع) عطها واحد تثق فيه وتعرف من راح يصوت له .. اعتقد ان المساهمين كلهم يبون شخص محترم وفاهم وخيّر عشان يمشي الشغله صح ؟ مو عدل ؟؟

 

[سوق التجار]

عدل كلامك يا ستاربكس ويا الربان.

بيع بطاقات الدعوى قد يوصل شخص غير كفء لمجلس أدارة الشركة، لهذا لم أذكر رقم أي مشترى في المنتدى، حتى لايكون ذلك ترويج لهم.

ولكن طرح مثل هذا الموضوع له أهميته ويساعدنا في تقييم سعرالسهم عند أدراجه في البورصه.

كما هو الحال في الأكتتابات السابق، عندما كانوا يشترون البطاقات المدنيه ليكتتبوا بدل أصحابها. فكنا نقيم سعر السهم بناءاً على المبلغ الذي يدفعونه على كل بطاقه. فكلما كان الطلب على البطاقات المدنيه كبير يكون سعر السهم عند الأدراج عالي، والعكس صحيح.

أعتقد أن بعض الي الشاركوا في هذا العنوان ينظرون لسعر بطاقه الدعوى من هذه النظر.

 

[hassankoc]

قال تعالى"فسألو اهل الذكر ان كنتم لا تعلمون"

وبعدين تقدر تبيع البطاقه لواحد مضمون وثقه ويخاف الله ولا شرايكم وليست فتيا مجرد راي

 

[sara_q8]

6 دينار اليوم

 

[فارس العنزي]

عدد أسهم القرين مليار سهم وسعر بطاقة الدعوه للألف سهم وصل 6 دينانير ، تعتقدون أنه مؤشر لقوه الشركة عند التشغيل ولمستقبلها ؟ خلنا نقرأ آراؤكم . وأبدأ أنا أولاً أعتقد بأنه مؤشر قوي ويدل على قوه الشركة .

 

[سوق التجار]

صحيح أن أسهم القرين كثيره، والجدوى الأقتصاديه قليله مقارنه مع بنك بوبيان.

لكن قله عدد الكتتبين - عدد مكتتبين القرين بحدود 400 ألف وعدد مكتتبين بنك بوبيان بحدود 600 ألف تقريباً - ساعد في رفع سعر بطاقات الدعوى، والذي سوف يؤدي بدوره رفع سعر السهم عند أدراجه أنشاء الله.

كذلك المنافسه القويه بين الأفراد والشركات كشركه المشاريع للسيطره على مجلس الأداره، أدى الى رفع سعر الدعوى.

هذا يعطينا مؤشر أن السهم عند أدراجه في البورصه سوف لن يقل عن 200 فلس أنشاء الله.

 

[الملتهب]

وصل سعر بطاقات الدعوة في سوق الجت
الى ثمانية ونصف الدينار والاسبوع القادم راح ترتفع الى
العشرة دنانير

 

[فارس العنزي]

يا جماعة ليش وصلت هالسعر هل يعني شيئ أم عرض وطلب ، أفيدونا يا أهل الخبره ؟

 

[sara_q8]

10.5 دينار اليوم بسوق الجت
و السبب دخول حمد بالمنافسة

 

[hassankoc]

منو حمد وشنو سوق الجت وين مكانه بالضبط

 

[فارس العنزي]

منو حمد وشنو سوق الجت وين مكانه بالضبط

حمد حسب ماهو مقصود بالمقال هو الشيخ - حمد صباح الأحمد الصباح ، وسوق الجت في شارع الغربللي عند الشارع الجديد عند سوق المباركية عند الصرافيين ، أوكي الحين .

 

[hassankoc]

واحد من الربع باعها على دينارين دعوة القرين توهج يقدر يردها ولا شيسوي الحين

 

[sara_q8]

انا شريت مليون سهم قبل اسبوع ب 3500 دينار و بعتهم يوم امس 7750 دينار

 

[hassankoc]

ما شاء الله عليج ساره والله شاطره اتمن يتعلمون منج

 

[كارتير]

السلام عليكم

اليوم كم واصله بطاقة الدعوه بسوق الجت

 

[InUrEyEs]

اليوم 3.5و هذا اعلا سعر يمكن ان تصل اليه.....

انا شريت مليون سهم قبل اسبوع ب 3500 دينار و بعتهم يوم امس 7750 دينار


كلامج ياساره متناقض يعنى كنتى عارفه انها بترتفع ومتاكده والاثبات انج شاريه

بس حبيتى اتقولين انها الاعللا 3.500 علشان تستربحين بروحج
وتشترين بالرخص


صج التجاره شطاره بس اذا انتى تعتقدين انج شاطره فى اشطر منج والى ينبنى بالحيله ينوخذ بالحيله

 

[يعقوب]

الدعوه سعرها 6.750

وصل سعر الدعوه 6.750 او تحصلهم على الرقم او يوصلك المندوب او تحصلهم على الرقم 9449370 او اسمه ابو عبدالله طبعا على كل الف مو على الدعوه

 

[المساااافر]

السلام عليكم ياشباب بصراحة بعض المعلومات غير صحيحة وياليت الاعضاء يحرصون علي المعلومة من حيث المصدر او المفيدة للجميع وانا اقول لا تتصلون علي اي رقم من الارقام لانهم اقل من السعر بكثير انا اليوم بسوق الجت الساعة 5 مساء ولقيت البايع والشاري صايرين كانهم في عرس او انتخابات زحمة زحمة والكل يدور اعلي سعر والشاري يبي يقنعك تبيع من غير ماتلف علي السوق وبدا السعر من سبعة ونص وارتفع وبعد ما بعت بثمانية ارتفع الي ثمانية وربع وانا اتحدي اي واحد يقول الكلام غير صحيح وسامحونا ولكن حبيت اكد كلامي وبعدها مشيت وماادري كم وصل والي يقول الناس ماتبيع يروح ويشوف الزحمة ومشكورييييين

 

[hassankoc]

الله المستعان