بخصوص تفتيش دعم العماله

[يوتيوب]

بعرف أذا كنت صاحب شركه ومسجل بدعم العماله بصفتي مدير عام للشركه هل يحق لتفتيش الشؤؤن الكشف علي بالشركه من وقت لأخر


انزين الشركه مافيها مناديب وفيه معاملات للشركه بالشؤؤن والتجاره والبنك والمرور والتشيك علي المخازن وعلي مواقع عمل العمال

يعني بالعربي أحط أيدي علي خدي وأنطر مفتشين الشؤؤن او شنو الحل ؟ ؟ ؟ ؟

و الشركه امبطلين بيبانها من 8 الي 5 وفيها سكرتير ينسق شغل الشركه

 

[ابوعامر]

الاخ جنرال اهو يفيدك اكثر

 

[general]

اذا كنت مسجل بالتأمينات باب خامس وشهادتك اقل من دبلوم , من ضمن الطلبات الي يطلبونها منك دعم العماله اذن العمل صادر من وزاره الشئون (يطلعون تفتيش على موقع العمل وبعد مايشوفونك يعطونك اذن العمل) . اما اذا كنت دبلوم وصاعد ومسجل باب خامس بتكون معفي من اذن العمل .
اما لو كنت مسجل باب ثالث , حزتها معفي من اذن العمل كلياً .

 

[يوتيوب]

اذا كنت مسجل بالتأمينات باب خامس وشهادتك اقل من دبلوم , من ضمن الطلبات الي يطلبونها منك دعم العماله اذن العمل صادر من وزاره الشئون (يطلعون تفتيش على موقع العمل وبعد مايشوفونك يعطونك اذن العمل) . اما اذا كنت دبلوم وصاعد ومسجل باب خامس بتكون معفي من اذن العمل .
اما لو كنت مسجل باب ثالث , حزتها معفي من اذن العمل كلياً .

شكرا يالجنرال

أوكي أنا اقل من الدبلوم اوكي بس المشكله أذا أنا صاحب الشركه وطلع لي أذن عمل بعد التفتيش الأول ليش يكروون التفيش مره ثانيه وثالثه وكل شوي طالع لك مفتش الشؤؤن علي العماله الكويتيه ومافيها اللي انا كويتي وشركتي شركة مقاولات واعلانتها كل يوم بالجرائد ؟؟؟؟ ويقولك لازم المدير يكون متواجد ؟؟

 

[general]

اول تفتيش عشان يعطونك اذن العمل , اما عن باقي التفاتيش فهذا عمل سيادي لهم لا انا ولا انت نقرره .

 

[ابوعمر2]

اذا كنت مسجل بالتأمينات باب خامس وشهادتك اقل من دبلوم , من ضمن الطلبات الي يطلبونها منك دعم العماله اذن العمل صادر من وزاره الشئون (يطلعون تفتيش على موقع العمل وبعد مايشوفونك يعطونك اذن العمل) . اما اذا كنت دبلوم وصاعد ومسجل باب خامس بتكون معفي من اذن العمل .
اما لو كنت مسجل باب ثالث , حزتها معفي من اذن العمل كلياً .

جزاك الله خير اخوى جنرال اى افضل اسجل باب خامس ولا ثالث مع ذكر السبب بارك الله فيك

 

[general]

انت مقتبس كلامي ومذكور اي باب الاحسن والسبب هم تسأل اي واحد الاحسن والسبب

الثالث افضل :
1- معفي من اذن العمل وتفتيش الشئون (مادري هذي ميزه ولالا) .
2- اشتراكه في التأمينات أغلى يعني مثال اخترت شريحه 600 دينار (على اساس ينزل لك راتب تقاعد لما تتقاعد 600) راح يطلبون منك اشتراك شهري 67 دينار تقريبا , بينما لو لو باب ثالث يصرفون لك راتب تقاعد قدره 600 دينار (بعد ماتتقاعد) باشتراك شهري 47 دينار شهريا . والخ,,,
3- اذا تسجلت باب خامس وبكره حبيت تطلع من التأمينات (تزيل اسمك) وتسجل بالديوان عشان توظف راح يطلب منك التأمينات الغاء الرخصه بكبرها او تحويلها باسم شخص اخر عشان يزيل اسمك (حطك بقرقور) . اما باب ثالث يزيلون اسمك وانت واقف اذا مستعجل . وتسجل بالديوان فورا .
4- تعديل شريحه راتب التقاعد الي تبي تحصله بالنسبه لباب الخامس كل سنتين مره اما باب الثالث حتى لو شهريا .
مثال شريحتك باب خامس واخترت 600 دينار يصرفون لك بعد التقاعد وتبي تزيد الشريحه لازم يطوف سنتين ومثلا تسويها 700 وبعد سنتين 800 والخ,,, ملاحظه بشكل مدرج على حسب الجدول الي عندهم يعني ماكو طمره
اما باب الثالث تقدر تطمر من 600 الى 1000 دينار وبأي وقت تبيه (بافتراض زادوا راتبك)

تقريبا هذي من اهم الامور الي يجب الاخذ بها في الحسبان

 

[ابوعمر2]

مشكور وجزا ك الله خير اخوى جنرال ........... الله يسلمك انا كنت موظف بالحكومة واستقلت وفتحت شركة وسجلت فى التأمينات الباب الخامس وضفت خدمتى السابقة وأنا صاحب العمل شرأيك ابدل تسجيلى من الخامس للباب الثالث أفضل لى .

 

[general]

دام كل شي اوكي خلك كما انت لكن شريحتك الشهريه حاول كل سنتين بالضبط ترفع فيها (جدول الشرائح) الى ان توصل لشريحه 1250 دينار الي اهي اعلى شريحه . كم شريحه الي مختارها ؟ عشان اعطيك مثال واقعي

 

[ابوعمر2]

الله يسلمك انا مختار 200 وهل السنة أقدر أرفع الشريحة وعلى فكرة اهم قالو لى تقدر تشترى السنين الى جدام وتدفع افلوسهم اذا تبى ترفع الشريحة بسرعة

 

[أبومحمد_9]

3- اذا تسجلت باب خامس وبكره حبيت تطلع من التأمينات (تزيل اسمك) وتسجل بالديوان عشان توظف راح يطلب منك التأمينات الغاء الرخصه بكبرها او تحويلها باسم شخص اخر عشان يزيل اسمك (حطك بقرقور) . اما باب ثالث يزيلون اسمك وانت واقف اذا مستعجل . وتسجل بالديوان فورا .
سبان

بعد اذنك ابوعقيل
من باب الفائدةللاخوان
لو اراد تسجيل من باب خامس الى باب ثالث
حسب خبرتي المتواضعة
يقدر يشيل اسمه من الباب الخامس بدون شرط الغاء الرخصة
وهم فائدة ثانية
ترى 80 % من موظفي التأمينات لايفقهون قوانين التأمينات
فلذلك احرصوا على تحري الصح​

 

[general]

من صجك مختار هل شريحه ؟؟ يعني بعد عمر طويل لو صارلك شي بيصرفون حق زوجتك وعيالك 200 دينار فقط . ارفع الشريحه الى 600 دينار بس هل طمره راح يدفعونك اشتراكات ال 600 من اول ماتسجلت كمؤمن عليه او انك ترفع الشريحه بشكل تدريجي كل سنتين , وبالنسبه انهم قالوا لك تشتري السنين لي جدام وتدفع فلوسهم والخ,,, انت فاهم غلط ومايسعني اقولك ياه لان بحث مطول وماراح تستفيد منه شي

 

[general]

بعد اذنك ابوعقيل
من باب الفائدةللاخوان
لو اراد تسجيل من باب خامس الى باب ثالث
حسب خبرتي المتواضعة
يقدر يشيل اسمه من الباب الخامس بدون شرط الغاء الرخصة
وهم فائدة ثانية
ترى 80 % من موظفي التأمينات لايفقهون قوانين التأمينات
فلذلك احرصوا على تحري الصح​

اخي العزيز احنا قلنا لو الواحد متسجل باب خامس ويبي يتوظف توظيف حكومي (لا ثالث ولا خامس) حزتها يحتاج يزيل اسمه من التأمينات واذا كان باب خامس يحتاج الغاء الرخصه او على طريقتك متى تنفع ؟ لما الواحد باب خامس وتوظف مثلا في بنك او شركه استثماريه والخ,,, حزتها يقدر يحول من باب خامس الى باب ثالث بكل يسر وسهوله اما يتوظف توظيف حكومي مستحيل وكان في طريقه نبي نسويها ماصارت
احنا قلنا باب الثالث يمتاز بأنك تزيل اسمك فورا من غير شروط فكان الواحد الي متسجل باب خامس ويبي يتوظف حكومي ومايبي ترخيصه ينلغي كان يحول من باب خامس الى باب ثالث (عشان يزيل اسمه بسهوله) ويسجل بالديوان لكن التأمينات ما يمشي عليهم هل لعبه لان لو كنت باب خامس وحولت باب ثالث وشلت اسمك باب ثالث يردونك تلقائيا باب خامس (كأنك ماسويت شي)
وفعلا كلام موظفين التأمينات متفاوت لكن الكلام عندي 100%

 

[ابوعمر2]

من صجك مختار هل شريحه ؟؟ يعني بعد عمر طويل لو صارلك شي بيصرفون حق زوجتك وعيالك 200 دينار فقط . ارفع الشريحه الى 600 دينار بس هل طمره راح يدفعونك اشتراكات ال 600 من اول ماتسجلت كمؤمن عليه او انك ترفع الشريحه بشكل تدريجي كل سنتين , وبالنسبه انهم قالوا لك تشتري السنين لي جدام وتدفع فلوسهم والخ,,, انت فاهم غلط ومايسعني اقولك ياه لان بحث مطول وماراح تستفيد منه شي

طال عمرك انا أخترت هل شريحة لأن عمرى بعد صغير على التقاعد وحسبتها أذا ابى أدفع رسوم أفضل شريحة من الحين لى أكمل سن التقاعد راح ادفع وايد واذا ابى ابدا من الصفر وارفع تدريجى أفضل لى بالنسبة لى دفع الرسوم مع ان عندى خدمة سابقة حكومية بس قالو لى فى التأمينات ماراح تنفعك لأن سن التقاعد فى الباب الخامس على العمر وأنا بعيد عن سن التقاعد هاذا الى خلانى أختار أقل شريحة . جزاك الله خير

 

[أبومحمد_9]

اخي العزيز احنا قلنا لو الواحد متسجل باب خامس ويبي يتوظف توظيف حكومي (لا ثالث ولا خامس) حزتها يحتاج يزيل اسمه من التأمينات واذا كان باب خامس يحتاج الغاء الرخصه او على طريقتك متى تنفع ؟ لما الواحد باب خامس وتوظف مثلا في بنك او شركه استثماريه والخ,,, حزتها يقدر يحول من باب خامس الى باب ثالث بكل يسر وسهوله اما يتوظف توظيف حكومي مستحيل وكان في طريقه نبي نسويها ماصارت
احنا قلنا باب الثالث يمتاز بأنك تزيل اسمك فورا من غير شروط فكان الواحد الي متسجل باب خامس ويبي يتوظف حكومي ومايبي ترخيصه ينلغي كان يحول من باب خامس الى باب ثالث (عشان يزيل اسمه بسهوله) ويسجل بالديوان لكن التأمينات ما يمشي عليهم هل لعبه لان لو كنت باب خامس وحولت باب ثالث وشلت اسمك باب ثالث يردونك تلقائيا باب خامس (كأنك ماسويت شي)
وفعلا كلام موظفين التأمينات متفاوت لكن الكلام عندي 100%

الله يفتح عليك يابوعقيل
كلام جميل
وفائدة جديدة انه في حالة شلت اسمك باب ثالث لتتوظف بالحكومي والرخصة سارية معناها بيردونك مباشرة للباب الخامس...
بارك الله فيك
وانا كنت ابفيد الشباب اللي بيسجلون باب ثالث وباسمه رخصة وهو باب خامس
كثير من الناس قالوا لهم لازم تحولون الرخصة لشخص آخر بعدها تتحولون باب ثالث
وهذا غير صحيح
الله يعطيك العافية بوعقيل...​

 

[aljaidy]

السلام عليكم

الحين مو نازل قرار ان الحد الادنى من الراتب التقاعدي 800 دينار ولا انا غلطان؟؟

اذا الكلام صحيح ليش ارفع الشريحة وادفع اكثر؟؟!!

 

[ابوعمر2]

السلام عليكم يااخوان الى عندة معرفة عن التحويل من الباب الخامس الى الباب الثالث كيف الطريقة وشنو الطلابات وهل تطول المسؤلة ولا بسيطة