في امل الشركات هذي تعلن افلاس

[الصريح_الواثق]

اخواني انا جديد وابي اشتري بشركات قوية

وحاط عيني على كذا شركة ما ادري قوية او لا

لكن السؤال هل في امل الشركات هذي تعلن افلاسها ؟

1- شركة زين

2- بيتك

3- اجيلتي

4- مركز سلطان

5- منا قابضة

ولو انك تبي تستثمر تشتري من الخمس شركات شنو ؟

وشكرا

 

[Balool]

صعبة هل شركات تعلن افلاسها

بس حرام تحط منا مع هل شركات و من وجهة نظري بيت التمويل افضلهم

شوف راي المحللين في اسعار الدخول

بس تبي الزبدة سوقنا داهية عادي تخسر 90% و تسولف مع نفسك عقبها

 

[اوكي]

والله يالغالى سوقنا مو مال استثمار ,,, خذلك ارض وانساها ابركلك

 

[رشيد]

كلها زينه بس غالية شوف لك سهم رخيص وكويس يدوبل معك بالراحه لما ينتعش السوق

 

[moh_r]

موفق اخوي بالاول انصحك تستخير وبعدها وكل الله برزقك والله كريم
انا اشوف بيتك قوي وتوزيعاته حلوه للمستثمر (راعي الطويله) وزين اذا تمت الصفقه مالت افريقا هم حلوه بعد واتوقع انشالله انها زينه على اسمها اما الباقي فما ودي افتي بشي معرفوش انشالله الشباب يفيدونك اكثر فيهم

 

[rouzy]

البنوك وتحديدا الاسلامية، فقد أصبح عددها في الكويت كثير.. ولن تبقى تعطي أرباحا مجزية مثل أيام زمان... خاصة بيتك .. لأنه أصبح لبيتك منافسين عديدين مثل:

بنك بوبيان - البنك الدولي - البنك الاهلي المتحد (المتحول لبنك اسلامي من بنك الكويت والشرق الاوسط) - بنك جابر الاسلامي .

أما شركات الخدمات الهاتفية مثل زين/والاتصالات الوطنية فهي جيدة للمستثمر ... سواء للمدى القصير أو الطويل ... وهذه الشركات تبقى الافضل في السوق... لأن دخلها ما يزال جيدا وأرباحها مستقرة وجيدة ولا خوف عليها - حاضرا ومستقبلا - قياسا بقطاعات السوق الاخرى كالعقار والبنوك والصناعة... الخ.

وهذه مجرد آراء ... والقرار لصاحب الدراهم نفسه.

وعلى الله الاتكال.

 

[بو متعب]

كل الشركات طيبه الا منا جنها موريس الهندية بين بنتلي وماي باخ وبورش و فانتوم وبوجاتي

 

[bo fa6mah]

والله انا اقول خش فلوسك احسن او حطهم وديعه يا اخي ترى ثلاثه ارباع الاعضاء يا ضغط فيهم يا سكر من الاسهم

 

[يقولون]

والله انا اقول خش فلوسك احسن او حطهم وديعه يا اخي ترى ثلاثه ارباع الاعضاء يا ضغط فيهم يا سكر من الاسهم

ما عليك امر بوفاطمه لا تنسى القولون العصبي

 

[الهدهود]

اخواني انا جديد وابي اشتري بشركات قوية

وحاط عيني على كذا شركة ما ادري قوية او لا

لكن السؤال هل في امل الشركات هذي تعلن افلاسها ؟

1- شركة زين

2- بيتك

3- اجيلتي

4- مركز سلطان

5- منا قابضة

ولو انك تبي تستثمر تشتري من الخمس شركات شنو ؟

وشكرا

اجليتي ومركز سلطان ومنا ممكن اما زين وبيتك مستحيل يعلنون افلاسهم