بنك الكويت والشرق الأوسط والتداول الأمريكي بعد التحويل الي أسلامي ؟

[dhatter]

السلام عليكم

هل راح يتغير التداول في السوق الأمريكي بعد تحول البنك الي اسلامي ؟

يعني مسموح تشتري أي سهم والا فقط الأسهم الاسلاميه ؟؟

وشكرا

​

 

[البحــــر]

لا يوجد شى اسمه اسهم اسلاميه لان الاسهم ليس لها دين ولا مذهب وبالذات الاسهم الامريكيه والله اعلم

 

[adels4]

السلام عليكم

هل راح يتغير التداول في السوق الأمريكي بعد تحول البنك الي اسلامي ؟

يعني مسموح تشتري أي سهم والا فقط الأسهم الاسلاميه ؟؟

وشكرا

​

اسهم البني ممنوع التداول فيهم بعد ما تحول البنك الى نظام ملا بلال
واذا تبي تعرف الاسهم المسموح فيها روح على الهوم بيج مال الاوسط
ودش على الاكاونت مالك تلقى على جنب الاسهم الشرعيه على قولتهم
اضغط ويطلعلك ملف بي دي فايل
انا شخصيا بحول على كميفك نفس البرنامج بالضبط
بس مسموح التداول بكل انواع الاسهم

 

[ثامر بوبدر]

اشسالفه الاوسط ماقدر اشتري اسهم

 

[adels4]

بعد ماتحول اسلامي مايسمح بتداول اسهم البني راجع تعليقي اللي فوق وتعرف السالفه

 

[ثامر بوبدر]

والله ياخوي انا وياك بحول بس شنو كميفك ؟

 

[adels4]

كميفك عندهم برنامج نفس الاوسط بالضبط وعنوانهم برج جاسم اللي يم مجمع الوزارات بالديره
لونه اخضر عكس سوقنا اللي كله حمر :/
مكتبهم بالميزانين مايضيع
واي معلومات تبيها لايردك الا كيبوردك

 

[ثامر بوبدر]

حبيب الله لايهينك

بس ماعندهم موقع علي الانترنت نقدر ناخذ فكره عنه ؟

 

[adels4]

هذا رقم تلفون الشركة
22255555
بعدين اضغط رقم 1 وبعدها 3 يكلمونك ويعلمونك على الإجراءات والبرنامج
تامرني امر يا خوي
على فكره دوامهم يبدي 9 ويسكرون الحفيز 3

 

[aladdinq8]

المشكله بس تقدر اتبيع اسهمك ماتقدر تشتري

 

[adels4]

بوصالح شلونك
اذا حولت على كميفك ( شركة الكويت والشرق الأوسط للإستثمار المالي )
تقدر تشتري وتبيع مثل أول والحلو فيه ان نفس البرنامج بالضبط
وهذا موقعهم على النت بس الظاهر فيه مشكله او انا غشيم وما اعرفله P:
http://www.kmefic.com.kw/

 

[aladdinq8]

بوصالح شلونك
اذا حولت على كميفك ( شركة الكويت والشرق الأوسط للإستثمار المالي )
تقدر تشتري وتبيع مثل أول والحلو فيه ان نفس البرنامج بالضبط
وهذا موقعهم على النت بس الظاهر فيه مشكله او انا غشيم وما اعرفله p:
http://www.kmefic.com.kw/

هلا بالحبيب انا بخير يالغالي عساك ابخير ؟؟
ومشكور على المعلومات الطيبه ياطيب

 

[adels4]

هذي الساعة المباركة اللي نقدملك ولو شي بسيط يابوصالح
انت راعي الأولة وراعي الأولة دوم سابق
وابشرك دامك بخير ومن يعز عليك انا بإذن اللي ماتنام عينه طيب يا طيب

 

[aladdinq8]

هذي الساعة المباركة اللي نقدملك ولو شي بسيط يابوصالح
انت راعي الأولة وراعي الأولة دوم سابق
وابشرك دامك بخير ومن يعز عليك انا بإذن اللي ماتنام عينه طيب يا طيب

تسلم على هل كلام الي ينقط عسل يابوووووووووي يا عسل
اخوي عادل ولا عليك امر شلون على فتح الحساب جم ادفع نفس الاوسط ولا في اختلاف؟ واكون شاكرلك

 

[ama143]

السلام عليكم
بس إذا حولنا أشلون على الأسهم إلي عندنا بالأوسط نقدر أنحولهم ولا راحت علينا بخسارة

 

[adels4]

بعض ماعندكم ياخوي
بوصالح فتح الحساب 5000 دينار بس تودعهم وتقدر تسحبهم على طول مجرد اجراء شكلي
واذا عندك اسهم بالسوق الكويتي ماتبي تبيعهم تقدر تاخذ شهادة من الاوسط فيهم ويحولونهم لك
بالحساب اليديد واذا قيمة الاسهم تعادل 5000 دينار مايحتاج انك تودع المبلغ اما بالنسبة للاسهم الامريكية فما تتحول لكن الزين انهم ينطرون عليك 3 سنوات
تقدر تخليهم بحساب البنك
اي خدمات ياخوي انا برسم الخدمه وسامحني على التأخر بالرد

 

[adels4]

السلام عليكم
بس إذا حولنا أشلون على الأسهم إلي عندنا بالأوسط نقدر أنحولهم ولا راحت علينا بخسارة

لا ماكو شي يروح عليك اسهمك القديمة عندك مهلة 3 سنوات علشان تتصرف فيهم واعتقد المهلة جدا ممتازة
وفي طريقه ثانيه انك تاخذ شهادة بأسهمك من البنك ويحولونهم لك بحسابك اليديد
بس الاسهم الامريكية ماتتحول

 

[ama143]

تسلم يالحبيب وما قصرت ونشوف بوصالح شيسوي وأنا معاه علشان نروح مرة وحدة

 

[adels4]

افا عليك ياخوي ماسويت شي الناس للناس والكل بالله وعسى الله يوفق ويبارك ويرزقنا ويرزقكم

 

[aladdinq8]

دام 3 سنوات خوش مهله نطر بس لازم نفتح حساب ابكميفك عشان اسهم ثايه يوم الاحد ان شاء الله يبين وننطر 3 سنوات جوووود تضرب معانا