وينك يا حكومة تنقذينا..؟

careful_invest

عضو نشط
التسجيل
27 يوليو 2004
المشاركات
903
الحقيقة شاعرين باحباط شديد بسبب الموقف السلبي للحكومة ممثلا بمكتب الاسثمار وعدم تحركها لانقاذ البورصة وصغار المستثمرين من حالة السقوط المستمر بسبب الارهاب. هذا الموقف السلبي يؤكد انتصار الارهاب بزعزعة الاقتصاد الكويتي وهروب رؤوس الأموال..الله يعز السعودية اللي أيام الارهاب ضخت سيولة كبيرة ورفعت البورصة عشان تؤكد قوة اقتصادها..أما عندنا فوالله مو ملحقين ولا شاعرين بمتعة التداول وصار واقعنا من أزمة الى أزمة..من اكتتابات جديدة بالهبل..صعود الفائدة..ارهاب..أزمات سياسية..استجوابات..شنو هالديرة اللي عايشة على كف عفريت..رؤوس المال راح تطير والسبب سلبية هالحكومة التعيسة..الله يعين الشعب الكويتي مو شابف راحة البال مع هالواقع التعيس...
 

فارس العنزي

عضو نشط
التسجيل
15 سبتمبر 2004
المشاركات
1,240
الإقامة
الكويت
بسم الله الرحمن الرحيم

والله يعز كويتنا بعد والله يخليهم لنا ذخر شيوخنا ، والحمدلله شناقسنا ، وتبي دايم ربحان ، إذا سعر سهمك نازل إنطر وبإذن الله بيرتفع وعندها بتبيع وبتربح ، وإذا عندك بيزات زايده فرصه إشتر دام السوق نازل ، مهما صار ديرتنا مافي أحلى منها ، وشتقولون ، طول بالك يالغالي وإن الله مع الصابرين :cool:
 

المقرود

عضو نشط
التسجيل
8 نوفمبر 2004
المشاركات
838
أخوي: لو كان سبب الهبوط هو الأحداث الأخيرة ، جان شفت الهبوط القوي أمس مو اليوم

السبب هو اللعب اللي قاعد يصير من الشركات ونهب الأموال
 

almotaktak

عضو نشط
التسجيل
4 فبراير 2004
المشاركات
356
الإقامة
الكويت
مثل انجليزي

في مثل انجليزي قريته يا بالمنتدى هذا او بالنوادي انه لا تدخل البورصه إلا إذا رأيت الدماء تسيل :(( :((
ويا ريت في سيوله جان خذيت بس اللي ما له حيله غير الصبر يصبر وعليكم بالدعاء
أتهزأ بالدعاء وتزدريه وما تدي بما فعل الدعاء
سهام الليل لا تخطي ولكن لها أمد وللأمد انقضاء
 

فارس العنزي

عضو نشط
التسجيل
15 سبتمبر 2004
المشاركات
1,240
الإقامة
الكويت
صورة جميلة يالمتكتك ، بس ليش ما عزمتنا على القهوه ، عليك حق ;) ، تصدق حطيتها خلفية لجهازي
 

almotaktak

عضو نشط
التسجيل
4 فبراير 2004
المشاركات
356
الإقامة
الكويت
هلا والله

هلا اخوي فارس العنزي
والله بيني وبينك هالصورة تثير فيني مشاعر شجون وفرح بنفس الوقت
ودائما اتخيل نفسي قاعد يم هالبدوية وقاعده تصبلي قهوة والعن ابو الاسهم كلها ههههههه
وبما ان الرجل الشرقي غيور بطبيعته ما عزمت احد على القهوة هههههه
 
أعلى