ممكن احد يفيدني عن زلمسي ؟!

الموضوع في 'قسم السياحه و السفر' بواسطة معذب الونات, بتاريخ ‏6 ابريل 2010.

  1. معذب الونات

    معذب الونات عضو جديد

    التسجيل:
    ‏5 أغسطس 2008
    المشاركات:
    691
    عدد الإعجابات:
    0
    السلام عليكم

    ممكن احد يفيدنا عن زلمسي
    لان مفكر أخذ اسبوع فيها هالصيفيه
    وهل تنصحون بمكاتب السفريات والا الحجز عن طريق الانتر نت؟

    وجم تكلف تقريبا ؟! على فكره المده اسبوع الي 10 ايام لشخصين
     
  2. بورهف

    بورهف عضو جديد

    التسجيل:
    ‏9 يونيو 2009
    المشاركات:
    44
    عدد الإعجابات:
    0
    هلا فيك اخوي
    وبخصوص زلمسي اهم شي
    1. يكون عندك سياره اهناك عشان تقدر تروحة وتيي على راحتك ويكون معاك قارمن عشان ما تضيع
    2. لا تسكن بزلمسي في مناطق تبعد عن زلمسي 10 دقائق ومناطق حلوه وارخص من زلمسي
    3. الفنادق متوفره بالمناطق الغريبه الي يم زلمسي وحتى المساجد في فندق يمه مسجد اتراك انا سكنت فيه وكان سعره رخيص ومع هذا كان نظيف والي في كانو راقيين بتعاملهم معانه كعرب ومسلمين وانا انصحك لما تروح اهناك احجز الفندق الي تبيه والي يعجبك واذا كنت خايف انك تروح وما تلقا حجز . احجز فندق لمدت يومين بس عن طريق النت وبهل يومين روح افتر على الفنادق راح تلقا فنادق وايد وكل واحد احلا من الثاني وكل واحد له ميزه .
    وعن التكلفه زلمسي مو غالية وايد المعيشه فيها زينه تقريباً مثل الكويت ويمكن ارخص بعد بس انت اخذ معاك مبلغ زين ياسمح الله صار شي مو متوقع الا يكون عندك فلوس
    وانشاالله اكون فتك
    وانا حاضر لأي استفسار ثاني
     
  3. معذب الونات

    معذب الونات عضو جديد

    التسجيل:
    ‏5 أغسطس 2008
    المشاركات:
    691
    عدد الإعجابات:
    0

    مشكور مشكور عزيزي وماقصرت
    بس كلامك غير عن الكلام اللي اسمعه من الشباب
    يعني يقولون بتكلف عليك من 2000 لي 2500 دينار


    , وبخصوص السكن انا اول مره ازورها عشان جذيه افكر بالسكن بزلمسي , بعدين فيه احد تعرفه هناك؟! شخص او مكتب ممكن يوفر السكن اذا كان برا زلمسي ؟!
     
  4. بادئ التجاره

    بادئ التجاره عضو جديد

    التسجيل:
    ‏6 نوفمبر 2009
    المشاركات:
    69
    عدد الإعجابات:
    0
    شوف اخوي عندك يا طويل العمر لابد نحسب حسبه شبه دقيقه ونعرف هل زلمسي غاليه ولالا

    نبدأ بحجز التذاكر التذكره لشخصين كم يطلعون وعندك الخطوط اللى تطلع للنمسا كثير وبما انك تبي تروح لزلمسي انصحك تنزل ميونح ومن ميونخ تطلع الي زلمسي المسافه تقريبا ساعتين والعوده تكون من ميونخ

    نجي لحجز التذاكر عندك الخطوط الاماراتيه والقطريه والاتحاد والاردنيه والمصريه والتركيه و كي ال ام واللوفتانزا

    احجز الخطوط الى تناسبك وشوف اقل مده ترانزين سواء بالذهاب او العوده وتقريبا الاسعار راح تكون للشخصين من 500 الي 600 دينار
    هذا طبعا التذاكر

    نروح نحسب سعر التوصيل من مطار ميونخ الي زلمسي في ثلاث طرق توصلك الي زلمسي

    1- تاجر سياره وتستلمها من مطار ميونخ وتضبط الجارمن وتوكل علي الله وتروح لزلمسي.
    2- القطار وهو من ميونخ الي سالزبورغ مدته ساعتين وتنزل وتغير القطار الثاني الي زلمسي ومدته ساعه ونص وهذا سعره ماعندي خبر عنه با لضبط بس سنصح حجز درجه ثانيه مافي فرق بين الدرجه الاولي والثانيه الا نويعه الكراسي الاولي جلد والثانيه مخمل ومافى فرق غيرهم
    3- تاجر تاكسي من مطار ميونخ الي زلمسي بحدود من 120 دينار الي 140 دينار

    نروح لحجز الفندق يختلف علي حسب نوعيه الفندق اللى تبيه وكم نجمه وكونك تبي تروح بالصيف وتلاقي الفنادق اغلبها متروسه انصحك تحجز الفندق من هني وتريح نفسك وبما انك جاي زلمسي للراحه والاستجمام اسكن بزلمسي بقلب السنتر قريب من كلشي

    نروح للمصروف والتنقلات

    المصروف يختلف علي حسب نوعية صرفكم يعني مصروف يومي بالمعقول دون تسوق يعني تنقلات ودخول اماكن سياحيه واكل نقول 100 دينار باليوم ( يلاحظ ان الاكل الاسلامي باوروبا بشكل عام غالي جداجدا) يفضل اكل الوجبات السريعه

    التنقل بالباصات داخل زلمسي ارخص واوفر عكس التاكسي اسعارهم نار جدا جدا جدا


    بس ياليت لو تحدد التواريخ اللى تبي تروح فيها واى خطوط بتروح وكم نجمه تبي تسكن وكم يوم بتقعد ووسيله التنقل هناك تاجير سياره ولا استخدام الموصلات العامه علشان اضبط لك كلشي واقولك الكلفه التقريبه بالضبط

    واى استفسار لا يردك الا الكيبورد
     
  5. معذب الونات

    معذب الونات عضو جديد

    التسجيل:
    ‏5 أغسطس 2008
    المشاركات:
    691
    عدد الإعجابات:
    0
    عسى والديك للجنه



    التاريخ من 20/7 لي 30 /7 عشر ايام

    لا ما ابي استخدم مواصلاة عامه لان ما ادل شي افضل التاكسي مع السايق يكون معاي طوال اليوم ان امكن
    الفندق ابيه يكون زين من 4 نجوم الي 5 نجوم
    وبالنسبه للخطوط عادي لو باص له جنحان ركبت فيه بس يكون باص دايركت :d
     
  6. بو بـدر

    بو بـدر عضو جديد

    التسجيل:
    ‏7 أغسطس 2009
    المشاركات:
    463
    عدد الإعجابات:
    0
    مكان الإقامة:
    الكويت
    عزا الله عرفت تختار :)

    عندي لك حسبة ثانية من مطار فيينا ولكن مابي اعقدك والشباب ما قصرو

    ونصيحتي اصرف يورو هل يومين لانه نازل

    وطلعت فيزا شنغن ولالا ؟

    وموفق واي استفسار حاضر
     
  7. بادئ التجاره

    بادئ التجاره عضو جديد

    التسجيل:
    ‏6 نوفمبر 2009
    المشاركات:
    69
    عدد الإعجابات:
    0
    افا عليك ولا يهمك يالغالي نضبط لك كل شي تبيه ومانبي الا الدعاء والاجره


    شوف يا طويل العمر بالنسبه لزلمسي مافيها مطار وقلت لك الاقرب لك بيكون نقطو وصولك وروجوعك من ميونخ بالنسبه للدايركت مافي طيران دايركت يطلع من الكويت الي ميونخ الا اللهم انك تطلع علي الكويتيه لفرانكفورت ومن فرانفكورت تطلع سياره ولا تكسي ولا قطار ولا طيران داخلي وهذا مكلف

    مالك الا الله ثم انك تشوف يا القطريه او الاماراتيه او الاتحاد او المصريه او الاردنيه او التركيه وتشوف اللى ترانزيتها اقل توكل علي الله واحجزها


    نروح للسكن بالنسبه للسكن في زلمسي افضل فندق هو فندق جراند هوتيل وهو فندق مطل علي البحيره مباشر واطلالته حلوه وسعره غالي نوعا ما

    بالنسبه لفنادق اربع نجوم كثيره ومتعدده منها اللى بالسنتر ومنها اللى قريبه للبحيره


    بالنسبه للتكسي وسواق معك علي طول غالي جداجداجداجداجد

    الافضل يا تاجر سياره ولا تستعمل المواصلات العامه

    وان شاءالله اليومين هذى بنزل موضوع يتكلم عن اهم الاماكن اللى بزلمسي وارقام الباصات وطرق الذهاب لها وهي سهله وبسيطه بس وسع لي بالك شوي وان شاءالله انزل الموضوع

    بالنسبه للفيزا يفضل عملها من الان قبل الزحمه علشان ترتاح

    بالنسبه للصرف الصرف اليورو اليومين هذا من افضل واحسن الاسعار اصرف المبلغ اللى تبيه ولا نص المبلغ والباقي هناك اسحبه من مكائن السحب

    واي استفسار لايردك الا الكيبورد
     
  8. اكسبلورر

    اكسبلورر عضو جديد

    التسجيل:
    ‏3 أغسطس 2009
    المشاركات:
    291
    عدد الإعجابات:
    0
    اخوي بما انك اول مرة تسافر زلمسي
    انصحك اتسافر عن طريق سفريات افضل او اقروبات بس اذا سافرت
    بتروح وتشوف الوضع هناك بس حاول اتعلم من سفرتك هاذي
    لاني متاكد انك راح اتكررها كل سنة ولا تنسي اتمر كابرون منطقة تبعد 10 دقايق عن زلمسي وبالتوفيق انشاء الله
     
  9. سهمك اخضر

    سهمك اخضر عضو جديد

    التسجيل:
    ‏22 أكتوبر 2009
    المشاركات:
    9,425
    عدد الإعجابات:
    8
    مكان الإقامة:
    الكويت
    انصحك بفندف كنكورد يطل على بحيره زلمسي الساحره

    والديره مو غاليه ذاك الزود

    وانصحك تطب فينا وتاخذ قطار مدته 3 ساعات

    وتنزل من محطه القطار مشي لي فندقك

    مو بعيد اول ماتنزل على يمينك وفي مطعم عراقي

    عند بوابه الفندق اساله وهو يفيدك عن كل شي

    والمصرين واجد جدامك ويخدمونك وتبي نصيحه خل وجهتك

    فينا - زلمسي - ميونخ - ميلانو - فنيسيا -ميلانو - والعوده من مطار ملبينسا

    وترا كل هالفره تقريبا" اربع الف من غير مشتريات
     
  10. fayoona74

    fayoona74 مستشار قانوني

    التسجيل:
    ‏31 يناير 2009
    المشاركات:
    2,071
    عدد الإعجابات:
    3
    مكان الإقامة:
    الكويت
    اخوي زلمسي من اجمل المناطق اللي زرتها باوروبا وماهي رخيصة اغلى من الكويت واذا بتقتصد بالتكلفة روح قروبات وايد ارخص
    بالنسبة لي جربت قروب سفريات الفضاء زينين واسعارهم حلوة
    والمصروف يعتمد اذا بتروح تتسوق تضاعف واذا سياحة مع مشتروات قليلة المصروف بيكون اقل
    زلمسي فيها محل وايد حلو شغلات النمسا تلقاها فيه
    وحق شخصين اذا سياحة مع مشتروات محدودة ( صوايغ خفيفة ومشتروات تذكارية) ومع قروب يكلفك من وجهة نظري
    700 تكلفة الشخص في قروب تقريبا شامل السكن والطيران والتنقل
    كل رحلة من 10 لي 15 دينار حق اوعين قول 8 رحلات بمعدل خل نزيد ونقول 200 دينار
    مصروف جيب لشخصين 700 دينار لشخصين
    زيد مشتروات تقريبا 300 ( مشتروات محدودة مثل ماذكرت)
    نحسب المجموع يطلع تقريبا 2000 دينار وهذا حده حده اذا تبي تسوق زيد بو 500 دينار

    وهذي اسعار قروبات حسب تجربتي
    الحسبة تختلف من شخص لي شخص
    مثلا انا صرفت 2000 واحنا شخصين شامل كل شي
    عاد هذي الاساسيات وانت تحسبها حسب صرفك وبالتوفيق وللعلم القروبات اقل شي تطلع اسبوعين 10 ايام ماظن تحصل الا فردي وحسب خبرتي بالسفر الفردي يطلع عليك دبل
    يعني اللي قالك التكلفة من 2000 لي 2500 كلامه مضبوط
    اوروبا لاتستهين فيها وايد غالية
     
  11. معذب الونات

    معذب الونات عضو جديد

    التسجيل:
    ‏5 أغسطس 2008
    المشاركات:
    691
    عدد الإعجابات:
    0
    ياعيني عليك

    هذا الكلام والا بلاش

    الله يعطيك العافيه

    نورتني كثير


    ما عليه بزودها عليك شوي


    الاطفال ضمن القروبات ينحسبون كأشخاص , بقيمة رحله كامله 700 والا يحسبون علي التذكره بس ؟
     
  12. سلمان الفهد

    سلمان الفهد عضو جديد

    التسجيل:
    ‏6 سبتمبر 2008
    المشاركات:
    83
    عدد الإعجابات:
    0
    الله يوفقكم مدينه رائعه لي عوده بوقت اطول اشرح لكم الاسعار بالظبط
     
  13. شيل و مشي

    شيل و مشي عضو جديد

    التسجيل:
    ‏11 يناير 2008
    المشاركات:
    379
    عدد الإعجابات:
    0
    انطر الخطوط الوطنية يفتحون خط مباشر لفيينا اول شهر 6 وخل حجزك كله بالنت وفك روحك من النصابين
     
  14. fayoona74

    fayoona74 مستشار قانوني

    التسجيل:
    ‏31 يناير 2009
    المشاركات:
    2,071
    عدد الإعجابات:
    3
    مكان الإقامة:
    الكويت




    عادي اخذ راحتك بالاسئلة شوف اليهال حسب الصغار قول من 5 سنوات ونازل يتجاوزون عنهم ماياخذون عليهم غالبا
    اما العيال الاكبر ياخذون عليهم النص والاكبر بعد ممكن ياخذون عليهم كامل

    بس القايد غالبا ما يتساهل مع اليهال
    شوف عزيزي من واقع تجارب سفر عديدة القروب وايد ارخص واخذها بمنطق
    اول شي التذاكر الجماعية اكيد بتكون ارخص والفنادق هم بعد نفس الشي وقيسها على الباجي
    واتمنى لك رحلة موفقة سواء فردي ولا قروبات
    بس صراحة زلمسي لاتطوفها روعة خاصة الزحلاقية من فوق الجبل :)
     
  15. AL7SAWI

    AL7SAWI عضو جديد

    التسجيل:
    ‏23 ديسمبر 2009
    المشاركات:
    95
    عدد الإعجابات:
    0
    كابرون وايد حلوه وتطل على مزارع خضراء تهبل
    خلك قوي وروح استاجر سياره والدنيا حلوه وماتضيع والأجانب حبوبين
    استمتع باوربا حتى لو تضيع كفاية المناضر اللي تمر عليها ما تخليك تخترع
    مو مثل طريج بو حدريه ههههههههه لو تضيع تروح فيها خخخخخخخخخخ
    انا سكنت بفندق هناك كان حلو وغرفته كبيره وبلكونته تطل على مزارع وتشوف هالبقر اللي تهبل
    مو بقرنا كل حده جلحه تخرع هههههههههههههههه
     
  16. الصدق منجاة

    الصدق منجاة عضو نشط

    التسجيل:
    ‏22 أغسطس 2009
    المشاركات:
    2,447
    عدد الإعجابات:
    0
    مكان الإقامة:
    kuwait in me
    اخواني اول شي السلام عليكم

    بكل اختصار هذا موقع ثقه وانا تعاملت معاهم الصيف اللي طاف وسكنت هذي الشقه اللي مرفق صورها تعرف معاي جهال حق الطبخ :)

    بنص شهر 8 ب 85 يوروا بدون تنظيف

    ويملكونه وحده اسمها ساره وزوجها فالديمار ناس قمه بالاحترام والمعامله ومصداقيه وتيلفوناتهم
    mobil1: +43/(0)664 102 41 17

    mobil2: +43/(0)664 478 34 72
    وهذا موقعهم بحطلك علي زلمسي مباشره
    http://www.alpen-apartments.com/Zell-am-See.15.0.html?&L=1
    وتقدر تشوف فيه حجز ولا لا من خلال الرزنامه مالت الحجز الاخضر ممكن والاحمر غير ممكن

    بس اهم شي لاتخربون شي بالشقه تري يغرمونكم عليه وحاطين لكم التسعيره اذا خربتوا شي هذا مو تخويف بس احترام للقوانيين

    وإذا تبي فندق فأفضل فندق موقع وكل شي مشي ماتحتاج سيارة فهوا فندق جراند هوتل

    http://www.grandhotel-zellamsee.at/Entdecken-Sie-das-Grandhotel.8.0.html?&L=1
     

    الملفات المرفقة:

  17. معذب الونات

    معذب الونات عضو جديد

    التسجيل:
    ‏5 أغسطس 2008
    المشاركات:
    691
    عدد الإعجابات:
    0
    الصدق منجاه شكرا على الافاده


    الشقه اللي سكنتها انت لقيتها معروضه ب80 يورو

    قريبه من السنتر والا بعيده؟
    شلون طريقة الحجز ؟ والدفع ؟
     
  18. معذب الونات

    معذب الونات عضو جديد

    التسجيل:
    ‏5 أغسطس 2008
    المشاركات:
    691
    عدد الإعجابات:
    0


    ناطرينك

    لاتنسانا
     
  19. الصدق منجاة

    الصدق منجاة عضو نشط

    التسجيل:
    ‏22 أغسطس 2009
    المشاركات:
    2,447
    عدد الإعجابات:
    0
    مكان الإقامة:
    kuwait in me
    هلا اخوي اسف علي التأخير تدري عندي بنيان الله لايبليك :)

    تقريبا عن السنتر 15 دقيقه مشي

    مادام جذيه انا برأي وبدون تفكير اسكن جراند هوتل انظف واقرب وافضل مكان للي يزورون زلمسي اول مره صدقني ماراح تندم ;)
    واجر سياره مع نفجيشن وهم ماراح تندم اهم شي بيمه شامل مفتوح العداد واذا معاك جهال خبرني عشان ادورلك علي بروشورات ترفيهيه تخص زلمسي

    لاتتردد بطلب اي شئ من اخوك بوعزوز راح اكون دايما بخدمتكم :)
     
  20. q8q822

    q8q822 عضو نشط

    التسجيل:
    ‏11 أكتوبر 2005
    المشاركات:
    1,383
    عدد الإعجابات:
    14
    مكان الإقامة:
    kuwait
    ياليت الي سافر لها يحط لنا صور بس للامانه يمدحون تستاجر سيارة من المانيا او منطقة اخن مادري منو ابعد وخصوصا الجارمن

    للرفع