اخواني منو يقدر ييبلي حجز لتونس بسعر زين وعلى اي خطوط مو مشكله وشاكرلكم

[الجعص]

السلام عليكم
اخواني احد يقدر ييبلي حجز لتونس على اي طيران لشخص واحد
يكون الإقلاع بين تاريخ 6/7 و 9/7 والرجوع بين تاريخ 12/9 و14/9
بس يا ريت يكون السعر زين الله يجزاكم خير
لاني سألت ولقيت اسعار الحجز من 240 وفوق
واذا في عالقطريه او التونسيه يكون احسن
وشاكرلكم

 

[انطلق2]

الجعص ... خلك على أبها

 

[nabhaan79]

نصيحه روح منطقه هناك إسمها (جربه) بكسر الجيم

شيء خيال

^_^

 

[blue chipper]

قسم السياحه و السفر : يفيدونك في هذا المنتدي

 

[الجعص]

تسلمون عالمرور يا اخواني
جزاكم الله ألف خير
احد يقدر يفيدني وين احصل بسعر زين؟

 

[Winchester SX3]

يالجعص انت محصلها ارخص شي !!!

حصلتها على التونسيه بــ 360
وعلى القطريه بــ 334
وعلى الإماراتيه بــ 290


انت وين حصلتها بــ 260 ؟
طلعت خبره بالتوفير

 

[الجعص]

اخوي وينشستر 241 دينار لقيتها عالتونسيه من تاريخ 9/7 لي 14/9
شوف الفرق ها.... قالي الموظف في بتاريخ 6/7 لي 14/9 بـ324
وفوق هذا قايلي بحطني عاللسته لانها فل تقريبا
بس يقول انشالله في مكان وطمني،انت عاد تعرف نظام اسلوبهم شلون
بس لالحيني ما حجزت قلت يمكن القى ارخص
على فكره ترا القطريه من فتره كان الحجز عليها بـ215 دينار هذا الحجي من شهر ونص تقريبا
بس طافت علي وعرفت متأخر يوم سألت

 

[Winchester SX3]

اخوي وينشستر 241 دينار لقيتها عالتونسيه من تاريخ 9/7 لي 14/9
شوف الفرق ها.... قالي الموظف في بتاريخ 6/7 لي 14/9 بـ324
وفوق هذا قايلي بحطني عاللسته لانها فل تقريبا
بس يقول انشالله في مكان وطمني،انت عاد تعرف نظام اسلوبهم شلون
بس لالحيني ما حجزت قلت يمكن القى ارخص
على فكره ترا القطريه من فتره كان الحجز عليها بـ215 دينار هذا الحجي من شهر ونص تقريبا
بس طافت علي وعرفت متأخر يوم سألت

والله فرق 80 دينار !!

صح القطريه كانوا مسوين عروض بشرط انك تحجز وتدفع قبل 31 مارس

الله يوفقك

 

[الجعص]

UP up

 

[الجعص]

UP up

 

[الجعص]

لا اله الا الله محمد رسول الله

 

[Winchester SX3]

الله بالخير
مادري ليش أروح وأرد على موضوعك

يالجعص بقولك معلومه:
كل ما تحجز مبجر راح يطلع الحجر أرخص
والحين دامك ليلحين ماحجزت شكله حجزك بزيد سعره

لازم ترضى بالأمر الواقع وتحجز بــ 241

وتالي إفتح موضوع عن الفنادق

 

[الجعص]

عليكم السلام اخوي وينشستر
ياخوي ما تـــــــــــدري
ممكن يطلع واحد بن حلال يفيدك بعرض جديد صاير مني او مناك او شي انا ما سألت
وعالموم هالمنتدى الطيبين يفيدون ويستفيدون منه
خل نجرب لا تكسر شنصي ولا تصير نحيس عاد
حجزي ابيه بعد ثلاث شهور.... يعني انشالله في مجال أقلى احسن:d

 

[الجعص]

عفوا للتصحيح
ان شاء الله ألقى ارخص

 

[دربك أخضر]

navigator بو سلمان : اقترح ناتحاطط للريال كسر خاطري .......ترى أتغشمر لا تزعل يا الجعص،



عندي احساس انك عيار ، ترى هم أتغشمر

 

[الجعص]

:لا ولا يهمك خذ راحتك اخوي
ما ادري ليش ماخذين موضوعي ببخل او ما ادري شلون بالضبط
الموضوع عادي بس انتوا ما تبون تساعدون
لا يغركم النك
الظاهر اللي يبي يساعد يبي حلوان

 

[دربك أخضر]

اشدعوه يا الحبيب ، بس تدري و الله تعجبني روحك الرياضية ، عسا الله يوفقك

 

[الجعص]

تسلم اخوي دربك خضر
ولا تضيعون الموضوع يا اخوان بالسوالف
خلونا بالصج
احد يقدر يفيدني سئلوا ربعكم سئلو بالديوانيات
ناطر ردكم قبل ما ترتفع الأسعااااااااااااااااار

 

[abo Rana]

انا اشووف لو تعرف احد يعرفله مكتب سفرياات يضبطك اكثر

لان تلاقي عنده خبره اكثر

وإن شاء الله وتروح وترجع بالسلامه يالجعص​

 

[الجعص]

تسلملي يا بو رنا
بس والله ما اعرف الا واحد وهمن يبي ياكلني
شسوي هذي الدنيا يلا كل و مصلحته
اذا في نصيب بأرخص حجزت واذا ما في نصيب بشوف دربك خضر جم وصلت معاهم القطيه وأحجز عالغالي يالغالي