مكالمه بين خطيب وخطيبته أدت الى ......

الموضوع في 'إستراحة المنتدى' بواسطة life42, بتاريخ ‏8 ابريل 2010.

  1. life42

    life42 عضو نشط

    التسجيل:
    ‏23 فبراير 2008
    المشاركات:
    418
    عدد الإعجابات:
    0
    مكان الإقامة:
    الكويت

    مكالمه بين خطيب وخطيبته أدت الى فسخ الخطوبـه



    رن جرس الموبايل للمرة الخامسة يعني كان يدق اكثر من مره وردت عليه الخطيبة ....

    الخطيب: أعتقد أنا انسان مو .... تطنشيني وماتردين على تيليفوناتي.

    الخطيبة: رد السلام في الاول وبعدين نتفاهم.

    الخطيب: اش راح يكون عذرك يعني بتقولين كنت نايمة ولا قاعدة مع أمي وخواتي.

    الخطيبة: الله يسامحك تتهمني قبل ما تسمع مني.

    الخطيب: بصراحة الأمر واضح بدون ماتوضحين .. ليش ماتردين على تيليفوناتي اكيد

    كنت مشغولة مع غيري ما كنتي فاضية لي؟

    الخطيبة: بصراحه فعلا كنت مشغولة مع غيرك.

    الخطيب: منهو هذا اللي ماخذ عقلك وكل تفكيرك لدرجة ما خلاك تردين على

    تيليفوناتي؟

    الخطيبة: بصراحه لما أكون معاه أنسى الدنيا وما فيها فلازم ياعزيزي تعذرني.

    الخطيب: وبكل وقاحة تقولين هذا الكلام قدامي وحنا بعدنا مخطوبيين فلو تزوجنا اش

    كنتي بتسوين ؟

    الخطيبة: الله يسامحك ما في داعي للغلط مادمت انا ما غلطت عليك.

    الخطيب: كل هذا وما غلطتي..تطنشين تيليفوناتي وماتردين علي 4اتصالات طول

    اليوم ولما رديتي الحين تقولين لما أكون معاه أنسى الدنيا وما فيها كل هذا وما

    غلطتي؟

    الخطيبة: هذا ماحصل فعلا كنت مشغولة معاه وما قدرت ارد على تيليفوناتك.

    الخطيب: الظاهر ما راح نقدر نكمل هذي العلاقة فخليك مع اللي كنت مشغولة معاه

    و اللي فضلتيه علي.

    الخطيبة: جزاك الله خير هذا أحسن شي سويته.

    الخطيب باستغراب: ليش انتي فرحانة لفصخ الخطوبة ومنو هذا اللي ضحيتي فيني

    علشانه؟

    الخطيبة: أنا فرحانة لان اتصالاتك الأربعه اليوم كشفت لي شيء خطير يبعدني عنك

    و يخليني أصمم على فصخ الخطوبة.

    الخطيب باستغراب: ممكن تفهميني أكثر.

    الخطيبة:انت اتصلت فيني اليوم الساعة 11.45 ظهرا
    و الساعه 3.45عصرا
    و الساعة6:30 المغرب
    والساعه 8مساء
    وهذا هو اتصالك الخامس اللي تكلمني فيه

    الخطيب: شيء عجيب انك تتذكرين حتى ساعة الاتصال بكل دقة.

    الخطيبة: أتذكرها لأنها الأوقات اللي أكون فيها مشغولة مع من أحب و اللي أنسى كل شيء من أجله و البذات لما أكون معاه في هذي الأوقات..و أنا الآن فرحانة لأني اكتشفت انك مشغول عن من هو أحق بانشغالك به،تحب تعرف أنا مع مين كنت؟

    الخطيب: منو ؟

    الخطيبة: كنت مع الله،لأنك كنت تتصل فيني في اوقات الصلاة الوقت اللي أكون فيها منقطعة عن الدنيا وما فيها ،و أنا ماأقدر أرتبط في انسان لاتربطه صلة بالله.

    أغلقت الخطيبة التيليفون بوجه خطيبها بعد أن قررت هي الابتعاد عنه.


    قصة تستحق التفكير كثيراً !!
     
  2. دنياء غريبه

    دنياء غريبه عضو مميز

    التسجيل:
    ‏5 يناير 2009
    المشاركات:
    12,840
    عدد الإعجابات:
    686
    مكان الإقامة:
    ● فــَي قـًلـب بـًآبـآتيِ ..!ِ~}


    من جــد قصـة تحتــاج الى وقوف وتفكييــر .

    يســلــموو ع الموضوع لــ مآآآسي .
     
  3. ابو برهوم

    ابو برهوم عضو جديد

    التسجيل:
    ‏29 يوليو 2009
    المشاركات:
    347
    عدد الإعجابات:
    0
    اللة يجزاها خير ان شاء اللة
    جان داقة علية بعد ماتخلص الصلاة :)
     
  4. nabhaan79

    nabhaan79 عضو نشط

    التسجيل:
    ‏28 مايو 2005
    المشاركات:
    3,815
    عدد الإعجابات:
    102
    مكان الإقامة:
    الكويت
    العبره

    اللي ما يخاف الله ينخاف منه

    زوج ما يصلي يعني ما يتوضء يعني ما يخاف الله يعني عند أصح القولين كافر يعني ما يجوز يتزوج مسلمه لأن العقد قائم على الإسلام

    واللي ما يتوضء يعني ليس من أمة محمد صلى الله عليه وسلم

    لأنه هذه الأمه يأتون يوم القيامه غر محجلين من أثر الوضوء واللي ما يصلي ما يتوضء يعني ليس من أمة محمد عليه الصلاة والسلام ولا غر ولا محجل الإسلام مو بالتمني

    مسكين اللي ما يصلي خسر في الدنيا والآخره
     
  5. " قاصد خير "

    " قاصد خير " عضو جديد

    التسجيل:
    ‏24 أكتوبر 2006
    المشاركات:
    1,614
    عدد الإعجابات:
    0
    باقي صلاة الفجر الله يجزاها خير ( اذا السالفة صجية فهذه مو دعله هذه ام الدعول اذا جاز التعبير ):p:p ..​
     
  6. حامي الديار

    حامي الديار عضو جديد

    التسجيل:
    ‏6 يوليو 2008
    المشاركات:
    286
    عدد الإعجابات:
    0
    مكان الإقامة:
    KuwaiT
    لا مو منطق وقصه فاشله شنو معقوله بعد ماخلصت الصلاة مادقت عليه وثاني شي شفيها لو ردت عليه وقالتله بقوم اصلي الحين تره الدين يسر .. بس هذي متهوقه فيه وياتلها الفرصه انه تعطييه بومبه
     
  7. ابو ريتاج

    ابو ريتاج عضو جديد

    التسجيل:
    ‏10 ديسمبر 2007
    المشاركات:
    733
    عدد الإعجابات:
    0
    ههههههه-- ياجماعه القصه عبره مو صجيه ...والله عليكم تعليقات تضحك...
     
  8. nabhaan79

    nabhaan79 عضو نشط

    التسجيل:
    ‏28 مايو 2005
    المشاركات:
    3,815
    عدد الإعجابات:
    102
    مكان الإقامة:
    الكويت
    وليش يكلمها بكل هالوقاحه ويعصب عليها هذا من أولها جذي

    رجاءا لا تدافع عنه الرجال غلطان وإهي ما تشتغل عنده ليش ما تردين سوالها سالفه هذا باين عليه عصبي وغثيث من أولها

    والمشكله ما يسامح ويزعل بسرعه والطلاق على لسانه بعد

    لاااااا يشك بعد الضاهر الكل يشوف الناس بعين طبعه

    أقول خليه يولي بكره يجيج اللي أحسن منه ويستاهلج ....

    لحد يصدق قاعد أتغشمر .... هذي طريقه أكثر الناصحين في النت للأسف

    لو تلاحظون في كثير مواضيع عن المشاكل الزوجيه ويدش نكرات وينصح وتكون نصيحته تخرب بيوت والعياذ بالله والمسكينه تاخذ بنصايحهم وتهدم بيتها بنفسها

    على العموم اللي كتبته فوق أهو نبذه عن بعض الناصحين وأنا أسميهم إخوان إبليس
     
  9. انطلق2

    انطلق2 عضو جديد

    التسجيل:
    ‏20 يناير 2007
    المشاركات:
    1,629
    عدد الإعجابات:
    1
    حكيييييييييييييم ....والله حكيم
     
  10. دنياء غريبه

    دنياء غريبه عضو مميز

    التسجيل:
    ‏5 يناير 2009
    المشاركات:
    12,840
    عدد الإعجابات:
    686
    مكان الإقامة:
    ● فــَي قـًلـب بـًآبـآتيِ ..!ِ~}


    صحيح كلامك والله :rolleyes:

    واللي يسمع كلام نآآس والقيل والقال رآح يضييع ويندم على فاوت الاوآن

    <<فا ياليت كل انسان ياعمـل اللي يشوفه لنفسه من خييـر >>

    وســـلامتكــــــــم ياحلوين . !! ;)
     
  11. away1979

    away1979 عضو مميز

    التسجيل:
    ‏4 يوليو 2008
    المشاركات:
    10,919
    عدد الإعجابات:
    1,584
    مكان الإقامة:
    Kuwait
    هذا وهو خاطبها يسوي جذي :rolleyes:

    شلون لو ملك عليها زين تسوي فيه :cool: