شباب لو بشتري سيارة من قطر شسوي ؟ بغيت مشورتكم بارك الله فيكم

[بوجويس88]

السلام عليكم

الله يعطيكم العافية شباب

شباب احتمال اروح قطر اشتري سيارة

بس ماني عارف شلون الطريقة

و شنو كراجات الفحص المعتمدة بقطر

و شلون احول الارقام كويتية

و شاكرلكم

 

[jassem777]

افضل الفحص هو الطائر

التصدير عادي في المرور في منطقه اسمها الخالديه

اهم شئ لاتنسى السياره من 2006 وفوق فقط​

 

[خالد32]

بوجويس اذا شابك كلمني عالخاص عشان اشرحلك عن تجربه وعن الدوخه اللي طحت فيها عشان لاتكرر معاك

 

[قناص_السوق]

اخوي اشرح بالعام عشان نستفيد كلنا

 

[snouman]

أفيدونا أفادكم الله

 

[خالد32]

اخوي بوجويس انا رحت قبل جم سنه وجبت حوت الصراحه لعبو بحسبتي الامور سهله بقطر وافضل السيارات تحصلها بشارع اسمه شارع السلطه وبتلقى سيارات ممتازه وارخص من الكويت بواجد ولكن بتواجهك صعوبه بالمركز السعودي ماخذين السالفه عناد بينهم مشاكل مع قطر يطلعونها فيك يعني دخلت المركز الساعه 12 الظهر قالو صف مع الشاحنات الترانزيت لين بكره قلت بكلم رئيس المركز قالو رايح مشوار وتصور بيتهم باخر الدنيا يعني مارد الا 8 بالليل وكل هذا انا ملطوع وبعد ماطيحو الميانه معاي قالو اللي قبلك مامشى الا على اذان الفجر وحاولو يساعدوني لكن رئيس المركز معند شوي ودشيت عليه وقلتله انا اول مره اجيب سياره ولوادري والله ماشريتها واتصلت بالمكتب اللي باعني مارد علي كنت ببيع السياره عليه لوبخساره الف من الزهقه بس مارد ويمكن الساعه 1 باليل يالله مشاني وبالخش قال لايشوفك احد ويدوخنا وقوله من امس كنت هني اذا سالوك يعني كان في غيري كذا واحد لطعوهم ...اكيد تبي الحل الحل انا اقولك روح بطياره من الكويت روحه ورده بالطياره لمن تشتري السياره دزها بشاحنه 180 دينار توصلك للباب بعد ثلاث ايام وتفك عمرك اوجيبها بلوحاتها القطريه محد يوقفك ولاجيت الكويت سقط ارقامها وطلع لها لوحات وادفع جمركها وبس مالك الا الحلين ذولا واتمنى اني فدتك

 

[fasal1979]

الدوحه مايعرفون يبعوون
عليك بالامارات احلي تعامل ومروونه

 

[العازمي32]

اخوي بوجويس انا رحت قبل جم سنه وجبت حوت الصراحه لعبو بحسبتي الامور سهله بقطر وافضل السيارات تحصلها بشارع اسمه شارع السلطه وبتلقى سيارات ممتازه وارخص من الكويت بواجد ولكن بتواجهك صعوبه بالمركز السعودي ماخذين السالفه عناد بينهم مشاكل مع قطر يطلعونها فيك يعني دخلت المركز الساعه 12 الظهر قالو صف مع الشاحنات الترانزيت لين بكره قلت بكلم رئيس المركز قالو رايح مشوار وتصور بيتهم باخر الدنيا يعني مارد الا 8 بالليل وكل هذا انا ملطوع وبعد ماطيحو الميانه معاي قالو اللي قبلك مامشى الا على اذان الفجر وحاولو يساعدوني لكن رئيس المركز معند شوي ودشيت عليه وقلتله انا اول مره اجيب سياره ولوادري والله ماشريتها واتصلت بالمكتب اللي باعني مارد علي كنت ببيع السياره عليه لوبخساره الف من الزهقه بس مارد ويمكن الساعه 1 باليل يالله مشاني وبالخش قال لايشوفك احد ويدوخنا وقوله من امس كنت هني اذا سالوك يعني كان في غيري كذا واحد لطعوهم ...اكيد تبي الحل الحل انا اقولك روح بطياره من الكويت روحه ورده بالطياره لمن تشتري السياره دزها بشاحنه 180 دينار توصلك للباب بعد ثلاث ايام وتفك عمرك اوجيبها بلوحاتها القطريه محد يوقفك ولاجيت الكويت سقط ارقامها وطلع لها لوحات وادفع جمركها وبس مالك الا الحلين ذولا واتمنى اني فدتك

الله يعينك علي الدوخه لو انا في مكانك اشتيكي عليهم وعلمهم شغل شنو دنيا سيبه ولا بعد ابط اذنه

 

[بوجويس88]

تسلمون شباب على المشاركة و أخص بالذكر


الحبيب بو وليد على هذا الشرح الوافي

 

[Knights]

ابي شباب جم اسعار اللكزس الgs هناك المستعمل موديل 2005 و2006 تنصحوني اشتري مناك

 

[مراقب الاسهم]

اذا السياره 2008 وما فوق وانت واحد تبيع تستعمل ماتبي تبيبع الا بعد سنه وفوق الافضل تخليها على لوحاتها القطريه بدون تصدير بس ضروري تطلب من بايع السياره ورقه المقاصه اللي دفع فيها الجمرك اول ما دخلت السياره لقطر واذا السياره من الوكيل تطلب من شركتها اللي جابتها ورقه الجمرك ورقه يسمونها (المقاصه) مبين فيها دفع رسوم الجمرك وبعدين اذا تغيرت النيه للبيع حولها تصدير على راحتك واحتمال كبير ما يخذون جمرك على السيارات الحديثه اذا توفرت معاك ورقه المقاصه الان القانون الجديد وحد التعرفه الجمركيه بين دول الخليج بحيث ان السياره الحديثه اللي عمل لها جمرك بالسعوديه مثلا ما تحتاج دفع جمرك آخر بدخولها للكويت

(والرجاء السؤال للتاكد اكثر هذي المعلومات المتوفره لدي )

 

[mohd3333]

اسعار قطر نفس الكويت اذا مو اغلى وغير هذا بالبيع الناس ترغب بوكالة الكويت يعنى تعب على ماكو شى
موفق خير

 

[قناص_السوق]

للرفع لو كاااانت السياره 2006 اشلون الاجراءات

اوجيبها بلوحاتها القطريه محد يوقفك ولاجيت الكويت سقط ارقامها وطلع لها لوحات وادفع جمركها وبس مالك الا الحلين ذولا واتمنى اني فدتك

اشلون يتم تسقيط لوحات سياره قطريه بدولة الكويت و اشلون اطلع لها لوحات كويتيه ما كنت مطلعها من قطر عساس انها تصدير للكويت ولا سويت لها مدخل جمركي مممم

 

[خالد32]

الامر جداً تساهيل وماكو شئ مايصير بالكويت تروح الشحن البري بالشويخ بجانب مرور العاصمه اللي عند كلية الشرطه تحصل مخلصين قد شعر راسك تتفق معاه عطه عشر دنانير هو يخلص امورك وادخل السياره توزنها ويقدرون سعرها وتدفع 4% من سعرها جمرك وبعدين تمر المرور فحص فني وانت واقف واطلع لها لوحات واتوكل على الله اذا لوحاتها تصدير مستلمها من النويصيب واذا قطريه اتوقع ماكو جمرك مثل ماتفضل الاخ لان اعرف صديق جاب من البحرين بي ام وماتعب على طول طلع لها لها لوحات بدون شوشره واذا معزمين عطوني خبر انا اتصل فيه واجيب لكم البرنامج كامل اللي سواه

 

[قناص_السوق]

اي تكفى نبي بالضبط لان كل دول الخليج اتوقع نفس الشي تكفى على ايييدك

ومشكوووووور وايد والله

بس نبي الخطوات بالضبط

من رقم 1 الى ماله نهايه لول

 

[قناص_السوق]

ونبي نعرف الفلوس شالها وياه كاش ليه قطر ولا شلون عليها شيك ولا فيزا سحبها

 

[خالد32]

الفلوس انا عن نفسي خذيتها كاش وصار نقص وسحبت عادي من الفندق في مكينة سحب وحتى صرفت هناك قطري الدار امان اسكن فندق الريتز على البحر وراح تدعيلي وتاخذ فورد جديد اواي سياره تعجبك مع السايق الساعه 30 ريال يحوس فيك قطر كلها حرك الضحى ومر مطعم تغدى ماتصلي المغرب الاماخذ سياره وخالص المرور عندهم هم العصر فاتح ومادوخ ولاتصدع راسك سودانيين عند الباب عطه 100 ريال على ماتضرب زقارتك مع قلاص شاي الاخالصه معاملتك

 

[قناص_السوق]

اخوي انا رحت قطر قبل هالمره السكن غالي هناك لووووووووول الليله ب 50 دينار شقق فندقيه و الفنادق لك عليها