صحيح بيوت الحكومة غرب الصليبخات راح يحولونها قسائم ؟

[ابو غانم]

هذا الخبر طبعا سمعتها من واحد من الربع بالديوانية وقالي القرار هذا راح يصدر قريبا .. والله اعلم هل هو اشاعه ام صحيح ... لانعلم .


طبعا سمعنا عن مطالبات بتحويلها الى قسائم بس ماصار شي لالحين

اللي عنده خبر يفيدنا وجزاكم الله خير

 

[F*N]

الله يسمع منك ابو غانم نتمنى حصول ذلك اذبحونا الدلالين بس اذا مو شى رسمى مااعتقد
​

 

[ابو غانم]

مافيه جديد بخصوص الخبر هذا ؟

 

[.Q8.]

المفروض من الوزير والمسئولين بالمؤسسة يوافقون على تحويل البيوت الحكوميه إلى قسائم بعد إلغاء مشروع غرب هديه حرام في ناس ما إدخلت القرعه بمشروع شمال غرب الصليبخات على شان مشروع غرب هديه ووعود المسئولين وأولهم الوزير بأن المشروع قادم وسينفذ والحين طلع ماميش مو حرام تسون بالناس اللي ناطرين فوق الـ15 سنه بيت حقهم وحق عيالهم تسون فيهم جذي يبا حولوها قسايم بعد ما قصيتوا على هالأوادم

 

[.Q8.]

بعدين وين أعضاء مجلس الخمه ما يتدخلون ويطالبون المسئولين اللي معشعشين بالمؤسسة بهالموضوع ولا بس فالحين يراكضووون ورا مصالحهم يبا شوفوا هالناس المساكين الناس ملت من الايجار بس والله اللي يركض ورا هالمنافقين يضيع بس وقت الانتخابات وعود واحنا واحنا وكله كلااااام بالهوا بس ينجح ما تشوفه... الله كريم

 

[ابو غانم]

كلامك صحيح اخي q8

نعم اخي بهذلونا مسؤلين الاسكان وكل يوم لهم تصريح غير .

انا متفائل بتحويلها لقسائم باذن الله وذلك لسببين :

السبب الأول بأن هناك مطالبات للوزير الشيخ احمد الفهد وهو صاحب القرارات الشعبيه .

السبب الثاني بأنه لم يتم توقيع عقد مع شركة معينه لبناء البيوت الى الآن .

وعسى الله يكتب اللي فيه الخير

 

[mr_n]

موبعيده يحولونها قسايم ليش لا .. دام فيه مطالبات انشالله تتحقق .

 

[ابو غانم]

موبعيده يحولونها قسايم ليش لا .. دام فيه مطالبات انشالله تتحقق .

الله يسمع منك

 

[مستريح]

اخواني انا سالت الاسكان يوم الاثنين اللي فات ويقولون تم التعاقد مع شركة لبناء بيوت

 

[ابو غانم]

اخواني انا سالت الاسكان يوم الاثنين اللي فات ويقولون تم التعاقد مع شركة لبناء بيوت

لايتم التعاقد على بناء بيوت أو منطقة الا ويتم نشره في جميع الصحف وموقع الاسكان .

لذا نريد المصدر الرسمي جزاك الله خير

 

[F*N]

اخواني انا سالت الاسكان يوم الاثنين اللي فات ويقولون تم التعاقد مع شركة لبناء بيوت

مستريح شلونك مادرى ليش كل موضوع عن شمال غرب الصليبخات تحبط اخوانك دائما وارجع الى مشاركاتك فى التمجيد اا اردت البيع وفى التحبيط اذا طالبنا بتحويل الباقى الى قسائم على العموم احترم رأيك بس ياريت تذكر المصدر الثقه اللى بلغك انهم وقعوا العقد او تقول المناقصه على اى شركه ولاتزعل على صراحتى

لانى سألت صديق مقرب وذكر انهم لم يوقعوا اى عقد والاحد بسأل القناعى واتاكد


يامستريح​

 

[ابو غانم]

شركة مشرف للتجارة والمقاولات وقعت عقد عمال معالجة وتحسين خواص التربة الضعيفة لكامل مساحة المشروع بما فيها منطقة العمارات السكنية وإنشاء وإنجاز وصيانة الطرق ومواقف السيارات وشبكات خدمات البنية التحتية لعدد(1426) قسيمة + عدد(35) محطة محولات كهربائية فرعية (نموذج4 محول) + عدد(17) محطة محولات كهربائية فرعية(نموذج 2 محول) لمشروع شمال غرب صليبيخات الاسكاني.

رقم العقد 1139

يعني عقد لبناء البنية التحتية فقط للمنطقة .

المصدر

http://www.housing.gov.kw/showContents.asp?id=2&node=Projects

 

[مستريح]

مدينة شمال غرب الصليبخات السكنية:
- الجهة المستفيدة: المؤسسة العامة للرعاية السكنية
- الكلفة الكلية: نحو 89 مليون دينار
- الموقف التنفيذي الحالي: تم طرح القسائم والبيوت للتنفيذ وتمت الترسية 20/7/2009 ومتوقع طرح الشقق السكنية للتنفيذ في ديسمبر 2010



المصدر : http://www.alraimedia.com/alrai/Article.aspx?id=162634

 

[العوشز]

مستريح ريال كبير وماله مصلحه يكذب وانتم تتوقعون ان الحكومة تقول بيوت وبعدين تغير رايها , يمكن تعترض الناس اللي اخذت قسايم وتقول البيوت موقعها افضل لو ندري كان نطرنا , وكلنا متفقين ان موقع الشقق افضل موقع لانه جريب من البحر تتوقعون الحكومة تغير رايها وتحولها قسائم ؟ يعني اللي اخذوا ماراح يعترضون ويقولون لنا الاولوية وطلباتنا قديمة ولو ندري كان نطرنا قسيمة وعلى البحر

 

[mr_n]

الله يكتب اللي فيه الخير انشالله .

السؤال أين موقع بيوت الحكومه بالضبط بالمنطقه ؟

هل هي مقابل منطقة الصليبخات على امتداد شارع النادي ولا وين بالضبط ؟

 

[F*N]

متى يحولونها ان شاء الله الى قسائم

عشان بخاطرى ابدل 2 من اعضاء المنتدى قسايمهم سد ولد واخذ منهم فلوس

 

[bu sale7]

مستريح ريال كبير وماله مصلحه يكذب وانتم تتوقعون ان الحكومة تقول بيوت وبعدين تغير رايها , يمكن تعترض الناس اللي اخذت قسايم وتقول البيوت موقعها افضل لو ندري كان نطرنا , وكلنا متفقين ان موقع الشقق افضل موقع لانه جريب من البحر تتوقعون الحكومة تغير رايها وتحولها قسائم ؟ يعني اللي اخذوا ماراح يعترضون ويقولون لنا الاولوية وطلباتنا قديمة ولو ندري كان نطرنا قسيمة وعلى البحر

حتى اللي خذوا بام الهيمان راح يقولون لنا الاولويه بالمنقف وفهد الاحمد

 

[bu sale7]

متى يحولونها ان شاء الله الى قسائم

عشان بخاطرى ابدل 2 من اعضاء المنتدى قسايمهم سد ولد واخذ منهم فلوس

يا خوي خلهم يترزقون

 

[F*N]

يا خوي خلهم يترزقون

ابو صالح شلونك انا قصدى يطلع لى قسيمه اذا حولوها الى قسائم (ان شاء الله)وابدل 2 من الاعضاء اللى كله تلقاهم فى موضوع شمال غرب الصليبخات يرفعون له وابدلهم واخذ منهم زياده رغم انهم اقدم

شكرا لمرورك

 

[mr_n]

ياجماعه نبي بيوت حكومه مومشكله ... بس السؤال متى التوزيع بالضبط ؟

هل سيكون على المخطط كما يحصل مع القسائم أم بعد البناء بالكامل ؟