ياللي تايدون القرار ابيكم تسمعون سالفتي
رحت ابي اسدد جزء من قرض البالون اللي صارلي ادفعله 4 سنين ولاراح ولا فلس للقرض
المهم قالي الموضوع ممنوع تدفع جزء من القرض
ليش يايبه ... ؟؟؟
مايصير لازم تدفع قرض البالون كله
وتسدد القرض الثاني كله
قتله من صجك ولاتضحك
قالي هذا اللي صاير
شرايكم ياشباب اروح المركزي اقدم شكوى
قرض البالون ذبحني قاعد ادفع فوائد بس ولافلس يروح للقرض
افيدوني
والله يا اخوى مشكلتك كبيرة ، كان بمكانك عمل جدوله لكامل القرض مع قرض البالون اللى عندك اذا كان راتبك يسمح بعمل الجدوله خصوصا مع نزول سعر الفائدة ، ولكن قرار المركزى الاخير اللى منع عمل الجدوله ومنع الغاء القروض والتحويل الى بنك اخر يخليك ما تقدر عمل جدوله مع انى مانى عارف ليش البنك رفض سداد جزء من المديونية ، يمكن مثل ما قال الموظف انك لازم اول شئ تسدد القرض الاساسى ثم تبدأ بسداد قرض البالون . اخيرا يا أخى الله يعنيك وتسدد قروضك وما تحتاج تقترض مره ثانيه وتضبط ميزانيتك حسب راتبك وتعيش حياتك بلا قروض وفوائد وانشالله الحكومه ما تقصر وتساعد المواطنين وتزيد رواتبهم وتبعدهم عن فوائد البنوك . قول امين انشاالله .