مهم جدا جدا: ملاك اسهم البحر

[ضيف]

التحية للجميع:

اذا كنت من ملاك اسهم البحر نصيحتي بيع بسعر السوق قبل اعلان الارباح. المعلومات الواردة تقول ان البحر قاعد يبيع شركاته!!! والقرار قرارك.

 

[saja]

بالعكس

بالعكس اخي انا المعلومات اللي اسمعها ان البحر قاعد يلم اسهم شركاتخ من السوق خصوصا الكبيره منها مثل عقارات الكويت

 

[mr_king]

على أي أساس يبيع شركاته ... شنو البلد فوظى مافيها قانون !!! في شي اسمه حقوق المساهمين بعدين شركات البحر ماأعلنت افلاسها على شان يبيع شركاتة الناس الي قلبهم ظعيف اهم الي يبيعون ابسرعة على شان تشتري منه السهم غالي .... انا واحد مستعد أصبر سنين وبنين بس ما ابيع ابخسارة .... وقدر الله وماشاء فعل ....

 

[درب العصامى]

ما ادرى من وين ييبوون هالكلام ؟؟

والله مشكلة؟؟

البعض تخصص : تخريع هالمساكين -صغار المستثمرين- حملة هالاسهم ؟؟

 

[saja]

ياجماعه لا تخرعون العالم تخلونهم يبيعون بخساره حرام

 

[خبير الاجل]

اخواني بصراحه اسهم البحر بعضها اتفه ما يكون علي سبيل المثال( جيزان) هذي الشركه اللي ارباحها التشغيليه صفر فقط لاغير وكل ارباحها السنه الماضيه من بيع العقار خصوصا العقار المشهور غرفه التجاره والصناعه اضافه الي حصتها من شركه وساطه ورحلت جزء من الارباح الي هذي السنه
من وين راح اتييب ارباح هذي السنه لا اكو عقار يكون مورد للشركه ولا غير ذلك

مهما حاول واستمر البحر بمسك سهم جيزان من الهبوط الي سعره الحقيقي اللي اعتقد انه لازم يكون اقل بكثير من العربيه العقاريه!

شركه عقاريه ما عندها عقار للبيع ولا عقارات للايجار !

تذكروا ارباح الربع الثالث وبانتظار الربع الرابع وماراح يكون اكثر من الربع الثالث تعرفون من وين اتت ارباح الربع الاول الاستثنائيه

 

[Discovery]

هههههههههههههههههههه

 

[ميلان]

صدعتوا مخنا الله يهديكم المكتوب عن جيزان مواضيع يعادل مواضيع المنتدى كله لو اعلنت الشركه ارباح جيده ماذا نقول في الذي يذ مها او العكس الف واحد يقول وصلتني معلومه من واحد مهم هل هي الشركه الوحيده بهذا الوضع اتركوا من عنده اسهم يتحمل الربح او الخساره عسى الله لايجيب الخساره لاي شخص ويبارك لكم في صحتكم وحلالكم في اشخاص عندهم السهم قبل ما يقارب السنه وكل واحد يفتي من نصدق انتها قاموس الفتاوي لم يبقى الا اعلان الشركه هل هي حرب نفسيه ام ماذا

 

[ولد الديرة]

مع ان السوق كله نازل اليوم بس في ضغط متعمد وواضح لاسهم شركات البحر والغرض منه دفع صغار المستثمرين لبيع ما لديهم من الاسهم بأبخس الاثمان ليتم جمعه باسعار متدنية

 

[المهذب جداً]

التحية للجميع:

اذا كنت من ملاك اسهم البحر نصيحتي بيع بسعر السوق قبل اعلان الارباح. المعلومات الواردة تقول ان البحر قاعد يبيع شركاته!!! والقرار قرارك.

الأسبوع القادم يمكن شركات البحر راح تسيطر بشكل كامل على السوق​

قلت يمكن

هذه عوايد البحر قبل العيد الوطني .... ترى صج موغشمرة

يوم الأحد 13/02/2005 الظاهر بيكون هناك إستعراض لشركات البحر و الدليل نزول اليوم (تخويف و من ثم تجميع و إسعراض بعد )


يمكن


والله أعلم

.

 

[sa3ad76]

يارب

الله يسمع منك في ناس ماكلين هوا من البحر

 

[ashraf khalil]

أنا رأيي بأن البحر راح يتسيد السوق في فترة مابين 13 الى نهاية شهر فبراير

والله أعلم

 

[saja]

انا مؤيد تماما لكلام الاخ المهذب جدا ان في ارتفاع قادم لمجموعة شركات البحر و الله العالم

 

[مضارب1]

البحرخيره كثير$$$
بس طول بالك!

 

[ضيف]

لا تنخدعون

التحية للجميع:

اللي راح يصير كالتالي...الاتجاه العام نزولي ولكن لخداع صغار المستثمرين *يمكن* يتم رفع اسهم البحر ما بين 10% و30% بصوره مفاجئه ودون أي أسباب منطقيه من التحليل الفني!!! لكن لا تنخدعون...بيعوا.

 

[Eve]

التحية للجميع:

اللي راح يصير كالتالي...الاتجاه العام نزولي ولكن لخداع صغار المستثمرين *يمكن* يتم رفع اسهم البحر ما بين 10% و30% بصوره مفاجئه ودون أي أسباب منطقيه من التحليل الفني!!! لكن لا تنخدعون...بيعوا.

والله انت ماعندك سالفة كلش

 

[ضيف]

قلت لكم...

الله يسامحك: منو اللي عنده سالفه الحين؟! وبعد...

 

[ضيف]

لا زال التحذير قائم !

التحية للجميع:

اذا ليلحين انت متوهق بسبة أسهم البحر ... بيع بسعر السوق ودش على أسهم مجموعة المشاريع وتلقى خير. والقرار قرارك.

هذي مو رسالة من ربع البحر.

خلوه يبيع ويشتري مع نفسه...

(ملاحظة مهمة: اذا شفت أسهم البحر ارتفعت أكثر من 20% عن سعرها الحالي وبتداول قوي ممكن تدش مره ثانيه وتضارب لكن الدخول والخروج بسرعة ، يعني تكه أو تكتين كل مره ، والله أعلم)

 

[BUTTERFLY]

الي يشوف البحر

[size=3]والله يا جماعه الي اشوفه ان اسهم البحر راح تفتلت الاسبوع الياي او الي بعده لان هل الاسبوع يصعد ايفا والمنتجعات وجيزان والدوليه وعقارات الكويت وينزلها لما الناس اتقول خلنل نلعب مع الصعود والهبوط ويطلعون من السهم ويطير او ان ناطر اقفالات الربع الاول تنتهي تنتهي ويطير علشان يقول حق الوليد بن طلال شوف تري اسهمنا تحت والقيمه الدفتريه اتكون نازله يحسب الوليد مثل المعرفيه يظربهم والله كل جايز هذا البحر يفصخ الي ما يتفصخ. :d
والله اعلم [/SIZE]

 

[بيل غيتس]

سوق العاءلات للاوراق الماليه انتهي مراثون الجناعات ثم بدا مراثون الشيوخ وفي الاسبوع القادم سيبدا مراثون البحر فعلا سوق فاشل لايمشي علي اسس ولاربحيه ولاتوزيعه انا الان افكر ان اعمل شركه مقفله واشتري 1000 سهم للمخازن 1000 لسلطان 1000 غلوبل 1000 للوطنيه 1000للنقل 1000 للهواتف واستدرجها في البورصه باسم السهم الهاءج