• { .. ♥ ماكذبت علي امي يوم قالت ياجنيني ♥..} •

[وسيط اسهم]

امي .. حبي الاول والاخير
كثير من الاشياء قالتهاالي امي
كثير من الكلمات رسخت في اعماقي
هل تريدون ان تعرفوا ماذاقالت لي امي ..؟


*




*




*




*







يـاجـنـيــنـــي ...
لاتنام إلامتوضي
وصل .. لله ركعتين
واقرالك لوآيتين
وارفع يديك وتضرع .. بالدعاء










ماكذبت أمي عليّ .. يوم قالت ..


يـاجـنـيــنـــي ...


لاتفرط في صلاتك
ولايغرك حب ذاتك
ولايبل الريق مسكر
حتى لو يبست لهاتك
إحرص .. تصلى جماعه
وكل ساعه
راقب الله في حياتك






ماكذبت أمي عليّ .. يوم قالت ..



يـاجـنـيــنـــي ...

لاتصير إنسان جارح
إضحك بوجه الجميع
عامل الناس بتسامح
لاتفرط في حقوقك
لاتجامل في النصائح
ولاتثور .. تصير فاضح
وإن لمست عيب صاحب
لاتنافق .. ولاتصارح
وإنتبه منه النصيحه
لاتصير إنسان غامض
ولاتصير إنسان واضح








ماكذبت أمي عليّ .. يوم قالت ..
يـاجـنـيــنـــي ...

إحذر .. أولادك ومالك
لاتجافيهم وتقسى
ولاتبالغ في دلالك
ربهم بالخير .. تربح
وعلم النفس القناعه
وعلم القلب الشجاعه
ولاتغطي العين وتحلم
وتخدع الرآي بخيالك








ماكذبت أمي عليّ .. يوم قالت ..
يـاجـنـيــنـــي ...

إنتبه .. لاتبني دارك
قبل ماتختارجارك
وفكر بحق المجوره !!!
لايحس إنك ظلمته ..
وإلا إنك يوم خنّته ..
وإلا توذيه بصغارك ..






ماكذبت أمي عليّ .. يوم قالت ..










يـاجـنـيــنـــي ...


إن وعدتَ وعد .. فاصدق
إحذر تزل بلسانك
أو تقلل يوم شانك
عش عزيز النفس تسلم
حاجتك للناس .. علقم
لاتبين ضعف حالك
أو يغرك زودمالك
ولاتهين إنسان .. تندم



ماكذبت أمي عليّ .. يوم قالت ..




يـاجـنـيــنـــي ...


خلك إنسان بكرامه
لاتغرك هالأمور
المناصب
والقصور
فكَّر بيوم القيامه
فكَّر إنك ماأنت خالد
رحلة الدنيا قصيره
تلقى نفسك في سلامه






ماكذبت أمي عليّ .. يوم قالت ..
يـاجـنـيــنـــي ...


إحذر تصيرالبخيل
واحذر تبذروتطّغى
واحذر تعيش بخساسه
أوذليل
ولاتنام بيوم خالي
لاتنام بدون لاتفعل جميل
تلقى نفسك في معزه
تلقى روحك في شموخ
عش أصيل
ومت أصيل




ماكذبت أمي عليّ .. يوم قالت ..







يـاجـنـيــنـــي ...



كل ماسويتْ فيني



أو في أبوك



تبي تشوفه من عيالك


بر فينا تلقى بِرك


ياعسى الله لايضرك


والله الله


لاتلين بضعف تعصر


ولا تقسى بشرتكسر
إصحى .. وإحذر


زوجتك تشكى وتكدر


لاتدقق في خطاها


وإنتبه تكشف غطاها


تسعد بنعمة وفاها


وتلقى منها مايسرك







ماكذبت أمي عليّ .. يوم قالت ..

يـاجـنـيــنـــي ...

لاتمل هموم حملك
ولاتظن الناس مثلك
واصنع أمرك من يمينك
لاتدور من يعينك
بين ربعك .. ولاأهلك
لاتعامل باللي تكره
ولا تجارم وإلا تشره​

 

[الصدق منجاة]

وسيط يعجز اللسان عن شكرك

نصائح ذات امد طويل واساسيه بالحياة اليوميه

فشكرا لك ياسيدي وهنيئا لك بأمك وعسي ربي يرحمها ويغفرلها ويسكنها فسيح جناته​

 

[عقد ألماس]

الله يحفظ أمهاتكم من كل شر . ويرزقكم برهم
ويرحم امي ويغفر لها ولموتانا جميعا
كلامك طيب وفي قمة الروعه

 

[وسيط اسهم]

وسيط يعجز اللسان عن شكرك

نصائح ذات امد طويل واساسيه بالحياة اليوميه

فشكرا لك ياسيدي وهنيئا لك بأمك وعسي ربي يرحمها ويغفرلها ويسكنها فسيح جناته​

الله يعطيك العاافية اخووووي ​

 

[وسيط اسهم]

الله يحفظ أمهاتكم من كل شر . ويرزقكم برهم
ويرحم امي ويغفر لها ولموتانا جميعا
كلامك طيب وفي قمة الروعه

اللهم امين يااارب


يعطيك العاافيه ع المرور ..​