ايهما افضل

[ابويوسف18]

الاخوة الافاضل ارغب بشراء جهاز لاب توب وجدت عرضين لدى يوريكا ولكن لا اعلم ايهما افضل ( السامسونج أو Hp (
السامسونج هل احد جربه ؟
وهذه المواصفات المعروضه
intel core i5 processor520 m
4GB RAM
500GB HDD
15.6” Screen
Windows 7 Premium
1.3MP Camera
VGA 1024 MB DDR3 السعر 299 د.ك
---
مواصفات HP
intel core i3
4GB RAM
500GB HDD
15.6” Screen
Windows 7 Premium
1.3MP Camera
VGA500 MB DDR3
السعر / 245 د.ك
مع الشكر الجزيل

 

[MaSMoO7]

اخوي بويوسف شوف آنا بقولك حسب تجربتي ونصيحة اخو .. شوف يابويوسف لو فرضا كانت مواصفات الhp أحسن من السامسونج راح اقولك اخذ السامسونج لأن ال hp حشاك جهاز فاشل وعندي وبوجهة نظري طبعا خاصة الموديلات الأخيرة كلها فاشلة ولابيزة ...

وحسب ماانت ذاكر من مواصفات الابتوبات .. يبين إن السامسونج أفضل من الhp .. يعني اخذ السامسونج وانت مغمض .. طبعا في لابتوبات أفضل مليون مرة من السامسونج بس اذا بتختار من هالإثنين . اخذلك سامسونج .. والله يوفقك

 

[ابويوسف18]

شكرا على الرد ولكن هل لاب توب السامسونج جيد للاستعمال بغض النظر عن المواصفات

 

[MaSMoO7]

والله بويوسف السامسونج ماادري عنه وايد بس اسمع يقولون زين بس هم مااقدر اقولك شلون استخدامه لأن مومستعمله بس قاعد أقولك مقارنة بال HP يطلع ملك لأن سمعت ناس تمدح السامسونج بس عمري ماسمعت أحد مدح ال hp وآنا مستخدمه شخصيا الhp

 

[abjar]

ثلثين الحلال نظره
وصراحه سامسونج مبدعين بالشكل والمواصفات
وشيك على الكيبورد والتاتش باد صراحه يفتحون النفس
موفق ان شاء الله

 

[Q8Reflex]

أخوي بويوسف قبل لا تاخذ سامسونج ولا HP ولا حامض حلو.......اسأل نفسك هل الاسئلة:

- اللابتوب أنا احتاجه حق شنو بالضبط؟ في ناس يكفيها لابتوب (ATOM) بو 90 دينار تلقاها شارية لابتوب تقول سيرفر!! والعكس طبعا.

- اللابتوب عليه كفالة حقيقية؟ بعض الشركات الله بالخير.....وبعضهم (يمكن ما تصدق) ايونك للبيت أو المكتب ياخذونه للتصليح.

- وزن اللابتوب؟ وايد ناس تغفل عن هالنقطة! وزن اللابتوب عامل مهم اذا وايد تتنقل في من البيت للديوانية أو القهوة.

- كرت الشاشة؟ أذا انت تحب اللالعاب في الكمبيوتر راح تفرق معاك....أصلا حتى لو ما تحب اللالعاب شي طيب ان اللابتوب يكون فيه كرت شاشة مستقل الذاكرة مثل (Nvidia - ATI) عشان ما ياكل من ذاكرة الجهاز الاصلية.....الجهاز يقولك 4GB RAM بس بالاصل يكون 25% منها للشاشة والجرافيك.

- نظام التشغيل؟ قاعدين يصرفون على الناس أجهزة قديمة عليها WINDOWS VISTA والعالم طايحتله شراي لان رخيص....لا تقبل بأقل من Windows 7.

- المعالج؟ انتل توها منزلة معالج جديد وموديلاته i3 - i5 - i7 وانا شايف انه اللابتوبين فيهم أخر معالج انتجته انتل. على هالوقت لا تشتري لابتوب سعره أكثر من 180 دينار ما فيه معالج انتل الجديد.

- المنشأ؟ شوف اللابتوب مصدره من وين؟ فيه شركات بالكويت والخليج تصرف على الناس أجهزة مجددة أو مبيوقة ( جرب جوجل كلمة Refurbished Laptops وراح تعرف) بس العالم ووزارة التجارة دايخين! اكو مواقع تقدر اتدخل فيها رقم السيريال ويقولونلك اذا مبيوق ولا أي بلوى فيه.

وايد نقاط أقدر اعطيك بس الغدا طاح وما أقدر أقاوم .......موفق خير ان شاء الله.

 

[abo7mza]

بالنسبهلي الاخ بو يوطف امس شفنا الاسعار اللي تقول عليها ولقينا بالصدفه توه نازل بنفس اليوم اللي هو امس توشيبا اي فايف تلاقيه بالغانم حتذ احنا موجودين واهم يابوووه نوعين اليو٥٠٠ والستالايت طبعا صاحبي فصل علي الساتالايت والسامسونغ اللق بيوريكا اللي ب٢٩٩ وبعد المقارنه الدقيقة الفرق كان ٣٠ دينار واخذنا التوشيبا ٣٢٩ لان الفرق الوندز ماله ٦٤ بت اما السامسونغ ٣٢ بت والسبب الرئيسي للاختيار كان الاسم توشيبا (-: وافررررررركله من hp